ተመድ የኢትዮጵያን ወታደሮችን ሸለመ።

643 #የኢትዮጵያ ሰላም አስከባሪዎች በደ/ሱዳን ላደረጉት የሰላም ማስከበር አገልግሎት የተባበሩት መንግስታት ድርጅት ሜዳሊያ ተቀብለዋል፡፡

የኢትዮጵያ ሰላም አስከባሪዎች ወደ ደቡብ ሱዳን ከተሰማሩ ወዲህ ግጭቶች እንዲቀንሱ ፣ የሰብአዊ ድጋፍ ለድጋፍ ፈላጊዎች በፍጥነት እንዲደርስ ከፍተኛ አስተዋጽኦ ማድረጋቸው ተገልጿል፡፡

ለኢትዮጵያ ሰላም አስከባሪዎች የተደረገው የእውቅና ስነ ስርዓት ላይ የተመድ የሰላም ማስከበር ተልዕኮ ከፍተኛ አመራሮች ተገኝተው እንደነበር #UNMISS ን ዋቢ አድርጎ ኢብኮ ዘግቧል።

@tikvahethiopia

#ምርጫ2013

በዛሬው ዕለት በነገሌ ምርጫ ክልል ለህዝብ ተወካዮች እና ለክልል ምክር ቤቶች የሚወዳደሩ ዕጩዎች ምርጫ እየተካሄደ ነው።

ምርጫው ከጠዋት 12 ሰዓት ጀምሮ ነው እየተካሄደ ሚገኘው።

ለምርጫው ከ150 በላይ ታዛቢዎችና የምርጫ አስፈጻሚዎች መመደባቸውን ተገልጿል።

በምርጫ ክልሉ ለሁለቱም ምክር ቤቶች ሁለት በግል፣ አንድ ከኢዜማ እንዲሁም አራት ከብልጽግና ፓርቲ ዕጩዎች ለውድድር ቀርበዋል። #ENA

@tikvahethiopia

#አውሎ #ኢትዮፎረም

ከሳምንት በፊት ተይዘው የነበሩት የአውሎ ሚዲያ እና የኢትዮ ፎረም ባለሙያዎች የት ቦታ እንደሚገኙ እንደማይታወቅ ጠበቃቸው ታደለ ገ/መድህን ለቢቢሲ ተናግሩ።

ጠበቃ ታደለ የሚዲያ ባለሙያዎቹ ከታሰሩ ከ1 ሳምንት በላይ ቢያልፍም እስካሁን ፍርድ ቤት እንዳልቀረቡና ያሉበትን ቦታ ቤተሰቦቻቸው ማወቅ እንዳልቻሉ አስረድተዋል።

የሚዲያ ባለሙያዎቹ የተያዙት በፌደራል ፖሊስ መሆኑን እና በቁጥጥር ሥር በዋሉበት ወቅት በተለምዶ ሜክሲኮ ተብሎ የሚጠራው አካባቢ ወደሚገኘው የፌደራል ፖሊስ ወንጀል ምርምራ ማዕከል መወሰዳቸውን ተናግረዋል።

"እስከ አርብ ሰኔ 25 ድረስ ቤተሰብ ሲጠይቃቸው እና ምግብ ሲያደርስ ነበር። ከዛ በኋላ ግን 'ተለቀዋል እዚህ የሉም' ተብለዋል። ቤተሰብ ሊያገኛቸው አልቻለም። ፍርድ ቤትም እስካሁን አልቀረቡም" ሲሉ ገልፀዋል።

የሚዲያ ባለሙያዎቹ ፍርድ ቤት እንዳይቀርቡ ከመደረጉም በላይ የተያዙበት ምክንያት ምን እንደሆነ እንዳልተነገራቸው ጠበቃ ታደለ ተናግረዋል።

ጠበቃ ታደለ፥ "የባለሙያዎቹን እስር በተመለከተ ፖሊስ በአንድ መገናኛ ብዙኃን ሲጠየቅ ባለሙያዎቹ የታሰሩት ከአሸባሪ ቡድን ጋር ግንኙነት ስላላቸው ነው የሚል ምላሽ እንደሰጠ አንብቤያለሁ። ከዛ ውጪ ግን ለእኛ በግልጽ አልተነገረንም" ብለዋል።

ጠበቃው፥ "ቤተሰብ በጣም ተጨንቆ ወደ ሰብዓዊ መብቶች ኮሚሽን ሄደው አቤቱታ አቅርበው ነበር። ሰኞ እና ማክሰኞ ፍርድ ቤት ይቀርባሉ ተብለን እየጠበቅን ነበር ግን ሳይቀርቡ ቀርተዋል" ሲሉ ገልፀዋል።

በአገሪቷ ሕጎች ላይ የዘፈቀደ እስር ሊኖር እንደማይገባ የገለፁት ጠበቃ ታደለ፤ ደንበኞቻቸው በተያዙ በ48 ሰዓታት ውስጥ ፍርድ ቤት መቅረብ ነበረባቸው ነገር ግን አልቀረቡም በዚህም የአገሪቷ ሕግ ተፈጻሚ ሳይሆን ቀርቷል ሲሉ ለቢቢሲ ተናግረዋል። #BBC

@tikvahethiopia

#UNSC

ዛሬ የተመድ ፀጥታው ምክር ቤት በኢትዮጵያ ታላቁ የህዳሴ ግድብ ዙሪያ ይመክራል።

ስብሰባው ላይ ለመካፈል የኢትዮጵያ ዉኃ፣ መስኖ እና ኢነርጂ ሚንስትር ዶ/ር ኢ/ር ኢንጅነር ስለሺ በቀለ ወደ ኒውዮርክ ማቅናታቸውን አል አል ዐይን ሚኒስቴር መስሪያ ቤቱን ዋቢ አድርጎ ዘግቧል።

ዶ/ር ኢ/ር ስለሺ የፀጥታው ምክር ቤት ኢትዮጵያ ፣ ግብፅ እና ሱዳን በገጠሙት የግድቡ ዉዝግብ ላይ ለመነጋገር በሚያደርገው ስብሰባ ላይ #ኢትዮጵያን ይወክላሉ፡፡

በስብሰባው ላይም የኢትዮጵያን አቋም ያንጸባርቃሉ ተብሎ ይጠበቃል፡፡

ኢትዮጵያን ከሚወክሉት ዶ/ር ኢ ር ስለሺ በቀለ በተጨማሪ በስብሰባዉ ላይ የግብፅና የሱዳን ዉጪ ጉዳይ ሚንስትሮች የሚገኙ ይሆናል፡፡

ከሶስቱ ሀገራት ሚንስትሮች በተጨማሪ ፦
- በአፍሪቃ ቀንድ የተባበሩት መንግስታት ድርጅት ልዩ መልዕክተኛ፣
- የተባበሩት መንግስታት ድርጅት የአካባቢ ጥበቃ ኃላፊ
- የወቅቱ የአፍሪቃ ሕብረት ሊቀመንበር የኮንጎ ዴሞክራቲክ ሪፐብሊክ ዲፕሎማት ለተሰብሳቢዎች ማብራሪያ ይሰጣሉ ተብሎ እንደሚጠበቅ አል ዓይን አስነብቧል።

@tikvahethiopia

#GERD🇪🇹#ItsMyDam

ዛሬ የተመድ የፀጥታው ምክር ቤት ግብፅ እና ሱዳን ባቀረቡት ጥያቄ በታላቁ የህዳሴ ግድብ ዙሪያ ስብሰባ ይቀመጣል።

በአሜሪካ በተለያዩ ግዛቶች የሚኖሩ ኢትዮጵያውያን እንዲሁም ትውልደ ኢትዮጵያውያን ምክር ቤቱ የጠራውን ስብስባ በመቃወም ኒው ዮርክ በሚገኘው የተመድ (UN) መስሪያ ቤት ተገኝተው በአሁን ሰዓት ሰልፍ እያደረጉ ይገኛሉ።

ሰልፉ እስከ ምሽት 4 ሰዓት ከ30 ድረስ ይቆያል።

"የፀጥታው ም/ቤት በሕዳሴ ግድቡ ላይ የሚያደርገውን ጣልቃ ገብነት ማቆም አለበት" የሚለውን መልዕክት ማስተላለፍ ዋነኛው የሰልፉ ዓላማ እንደሆነ ተገልጿል።

በሰልፋ ላይ ለድርጅቱ የሚሰጥ ደብዳቤ መዘጋጀቱ ተገልጿል። #ኤፍቢሲ

@tikvahethiopia

አጭር መረጃ ፦

- የUN የፀጥታው ምክር ቤት አባላት የታላቁ ህዳሴ ግድብ ድርድር በአፍሪካ ህብረት አደራዳሪነት ሊቀጥል እንደሚገባ ገልጸዋል፡፡

- የፀጥታው ምክር ቤት አባል የሆኑ አገራት ተወካዮች የጋራ ተጠቃሚነት መርህን ባከበረ መልኩ የህዳሴ ግድብ ድርድር በአፍሪካ ህብረት አደራዳሪነት ድርድሩ እንዲቀጥል ፍላጎት እንዳላቸው ገልፀዋል።

የግድቡ ድርድር በአፍሪካ ህብረት ጥላ ስር እንዲቀጥል ካሉት መካከል ፦

- ጎረቤታችን ኬንያ
- አሜሪካ፣
- ሩሲያ፣
- አየርላንድ፣
- እንግሊዝ፣
- ሜክሲኮ፣
- ህንድ ይገኙበታል።

- የግድቡ ድርድር በአፍሪካ ህብረት እንዲሆን ፍላጎታቸውን የገለፁ ሀገራት ችግሩ የሚፈታው ሶስቱ በአፍሪካ ህብረት በሚያደርጉት ውይይት እንጂ በሌሎች ሀገራት ጣልቃ ገብነት ሊሆን አይገባም ሲሉ አቋም አንፀባርቀዋል።

@tikvahethiopia

ዶ/ር ኢ/ር ስለሺ በቀለ በፀጥታው ም/ቤት ምን አሉ ?

- የUN ፀጥታው ም/ቤት የህዳሴ ግድቡን ጉዳይ ወደ አፍሪካ ህብረት እንዲመልሰው ጠይቀዋል።

- የታላቁ የኢትዮጵያ ህዳሴ ግድብ ጉዳይ በተመድ የፀጥታው ምክር ቤት ስብሰባ ላይ መነሳቱ የምክር ቤቱን ጊዜ ማባከን እንደሆነ ኢትየጵያ እንደምታምን ገልፀዋል፤ በፀጥታው ምክር ቤት መድረክ ላይ የቀረቡ የመጀመሪያው የውሃ ሚኒስትር ሳይሆኑን እንዳልቀሩም ተናግረዋል።

- የጸጥታው ምክር ቤት የፖለቲካ እና የጸጥታ ጉዳይን ብቻ የሚመለከት ተቋም ነው፤ የውሃ ጉዳይ እንዲያይ መደረጉ አግባብ አይደለም ብለዋል።

- የህዳሴው ግድብ ኢትዮጵያ ከድህነት ለመውጣት በልጆቿ ላብና ደም እየገነባችው ያለው መሆኑ ይታወቅ ብለዋል።

- ኢትዮጵያውያን አባይ ውሃን የመጠቀም መብት እንዳላቸው የጸጥታው ምር ቤት ሊገነዘበው ይገባል ብለዋል።

- ኢትዮጵያ የዜጎቻን የኃይል ፍላጎት ለማሟላት እና በስደት የሚንገላቱ ወጣቶቿን ለመታደግ ህዳሴ ግድብን እንደምትገነባ ገልፀዋል።

- ለሱዳንና ለግብፅ የታላቁ የኢትዮጵያ ህዳሴ ግድብ ድርድር መፍትሔ የሚያገኘው በፀጥታው ምክርቤት ሳይሆን በሶስቱ ሀገራት ቀና መንፈስ በሚደረግ ውይይት ነው ብለዋል።

- የታላቁ ህዳሴ ግድብ በትክክለኛ ጊዜ በትክክለኛ ቦታ በኢትዮጵያውያን ሃብት እየተገነባ ያለ ግድብ መሆኑንና የግድቡ መሞላት ማንም የሚረዳው ፊዚክሳዊ ቀመር መሆኑን ገልፀዋል፤ ኮንክሪት ተሞልቶ ዝግጁ ከሆነ ውሃው መሞላቱ የሚጠበቅ ነው ብለዋል።

ተጨማሪ ያንብቡ : telegra.ph/UNSC-07-08

@tikvahethiopia