#Update

ቋሚ ሲኖዶስ ሰላማዊ እና ሕጋዊ በሆነ መንገድ የቤተክርስቲያንን መብት ለማስከበር እንደሚሰራ አስታወቀ።

የኢትዮጵያ ኦርቶዶክስ ተዋሕዶ ቤተክርስቲያን ቋሚ ሲኖዶስ የመስቀል አደባባይ፣ የጃንሜዳና ልሎች የቤተክርስቲያን ይዞታዎች ጉዳይ በተመለከተ ከአዲስ አበባ ከተማ ከንቲባ አዳነች አቤቤ ጋር ለመነጋገር ዛሬ ይዞት በነበረው ቀጠሮ ዙሪያ ባካሔደው ስብሰባ ከከተማ አስተዳደሩ ጋር የሚደረገው ውይይት ቋሚ ሲኖዶስ በሚያስቀምጠው አቅጣጫና ጊዜ ቀጠሮ መሰረት በተለዋጭ ቀጠሮ የሚካሔድ ይሆናል ብሏል።

ቅዱስ ሲኖዶስ ከሚቀጥለው ቀጠሮ ጀምሮ ሕጋዊና ሰላማዊ በሆነ መንገድ የቤተክርስቲያኒቱ ጥያቄ ሕጋዊ ምላሽ እስከሚያገኝ ድረስ የሚያደርገውን ጥረት አጠናክሮ እንደሚቀጥል ገልጿል።

የአዲስ አበባ ከተማ አስተዳደር በበኩሉ ዛሬ የመስቀል አደባባይን አስመልክቶ የአዲስ አበባ አስተዳደር ፤ ከኢትዮጵያ ኦርቶዶክስ ተዋህዶ ቤተክርስቲያን ቅዱስ ሲኖዶስ ጋር ለመወያየት ቀጠሮ ይዞ እንደነበር አስታውሷል።

የከተማ አስተዳደሩ አመራሮች ቀጠሮ በተያዘበት ቦታና ሰአት የተገኙ ቢሆንም ቅዱስ ሲኖዶሱ በላከው መልእክት ዛሬ በስብሰባው ላይ መገኘት ባለመቻላቸው ሌላ ተለዋጭ ቀጠሮ እንዲያዝ በመጠየቅ የዛሬው ስብሰባ ሳይካሄድ ቀርቷል ብሏል።

የአዲስ አበባ አስተዳደር ከኢትዮጵያ ኦርቶዶክስ ተዋህዶ ቤተክርስቲያን ጋር ለመወያየት እና አብሮ ለመስራት በማንኛውም ሁኔታና ሰአት ዝግጁ መሆኑን አሳውቋል።

ከላይ ያሉት መረጃዎች ከኢትዮጵያ ኦርቶዶክስ ተዋሕዶ ቤተክርስቲያን ህዝብ ግንኙነት እና ከአዲስ አበባ ከተማ አስተዳደር የተገኙ ሲሆን የዛሬው ስብሰባ ለምን እንደቀረ የተሰጠ ግልፅ ማብራሪያ ማግኘት አልቻልንም።

@tikvahethiopia

#Abyei #UNISFA

ተመድ ሜ/ጄነራል ቤንጃሚን ኦሉፊሚ ሳውየርን የአብዬ ጊዜያዊ የፀጥታ ሃይል አዛዥ አድርጎ ሾሟል።

ሜ/ጄነራል ቤንጃሚን ኦሉፊሚ ዜግነታቸው ናይጄሪያዊ ሲሆኑ በኢትዮጵያዊው ሜጀር ጀነራል ከፍያለው አምዴ ተሰማ ምትክ ነው በቦታ የተሾሙት።

ሜ/ጀነራል ከፍያለው አምዴ በአብዬ ግዛት የነበረውን የኢትዮጵያ ሰላም አስከባሪ ሃይል ሲመሩ እንደነበር ይታወቃል።

አንቶኒዮ ጉቴሬዝ ሜ/ጄነራል ከፍያለው አምዴ የአብዬ ጊዜያዊ የፀጥታ ኃይል አዘዥ ሆነው ከተሸሙበት ጊዜ አንስቶ ላሳዩት ትጋት፣ የሰጡት አግልግሎትና ውጤታማ አመራር ምስጋና አቅርበዋል።

ሱዳን በአብየ ግዛት ያለው የኢትዮጵያ ሰላም አስከባሪ ኃይል ከስፍራው እንዲወጣ ጥያቄ ማቅረቧ ይታወሳል።

ከሳምንታት በፊት ተመድ በአብዬ የሚገኘውን የኢትዮጵያ ሰላም አስከባሪ ኃይል የመተካቱ ሂደት በየካቲት ወር እንደሚጀመር መግለፁ አይዘነጋም።

@tikvahethiopia

#ETHIOPIA

‘‘... ኢትዮጵያ ለእኛ ለአፍሪካውያን እና ለመላው ጥቁር ሕዝቦች እናታችን ናት፤ የነጻነታችን ትእምርት/Symbol የሆነች አገርም ናት።

ስለሆነም አዲስ አበባ 'የፓን አፍሪካን መዲና' (የአፍሪካ አንድነት ከተማ) መባሏ ከዚህ ታሪካዊ ሐቅ ጋር የተያያዘ ነው፡፡ " - (የናይጄሪያው ሳንዴይ ኦብዘርቨር/ጁላይ 23፣ 1972)

#TadeleDerseh

ፎቶ፦ ፎቶግራፈር - አቡቲ እንግዳሸት

@tikvahethiopia

የኬንያንው ፕሬዜዳንት ተማፅኖ ....

በሰሜን ኢትዮጵያ ያለው ግጭት መቋጫ ያገኝ ዘንድ ጥረት እያደረጉ እንደሆነ ከሚነገርላቸው ሀገራት ጎረቤታችን ኬንያ አንዷ ናት።

የኬንያ ፕሬዝዳንት ኡሁሩ ኬንያታ ከዚህ በፊት ለግጭቱ መቆሚያ መፍትሄ እንደመጣ ጥሪ ሲያቀርቡ እንደበር አይዘነጋም።

ትላንት ለሊት የተ.መ.ድ ዋና ፀሀፊት አንቶኒዮ ጉተሬዝን መልዕክት ተንተርሰው በኢትዮጵያ ግጭት እንዲቆም ተማፅነዋል።

ኬንያታ ምን አሉ ?

- የተመድ ዋና ፀሃፊ አንቶኒዮ ጉቴሬዝ ያቀረቡትን ጥሪ እንደሚጋሩ አስታውቀዋል።

- በኢትዮጵያ እየተካሄደ ባለው ግጭት ውስጥ የሚሳተፉ አካላት ሁሉ ጦርነቱን እንዲያቆሙም ተማፅነዋል።

- የቀጠለው ግጭት የኢትዮጵያን ህዝብ እየዘረፈ እና የዚህ ታላቅ ህዝብ ባህልና ስልጣኔ ውስጥ ያለውን ክብር እያሳጣ ነው” ሲሉም ተናግረዋል።

- አስተማማኝ ሰላም የሚሰፍነው እንዲሁም የተረጋጋች ኢትዮጵያን እውን የምትሆነው ሁሉም የኢትዮጵያ አካላት ዘላቂ በሆነና በሁሉም የኢትዮጵያ ህዝቦች ዘንድ ተቀባይነት ባለው መንገድ ፈተናዎችን ማለፍ ሲችሉ ብቻ ነው ብለዋል።

- ሁሉንም ያሳተፈና በመስማማት መንፈስ የሚካሄደው ሀገራዊ ውይይት፤ በግጭቱ ምክንያት ለተጎዱ በመላ ኢትዮጵያ የሚገኙ ማህበረሰቦች ያለውን ሸክም ከማቅልለ አንጻር ከፍተኛ እገዛ ያደርጋል።

- የኢትዮጵያ፣ የቀጠናውና የአህጉሪቱ ብልፅግና፤ ዘላቂ በሆነ ሰላም እና ደህንነት ላይ የተመሰረተ መሆን አለበት። አንድ ላይ ሆነን የተሻለ ዓለም መፍጠር እንችላለን ብለዋል።

ምንጭ፦ State House Kenya

@tikvahethiopia

#Borana

የኢትዮጵያጠቅላይ ሚኒስትር ዶ/ር ዐቢይ አሕመድን ጨምሮ ከፍተኛ ባለስጣናት በቦረና ዞን ያቤሎ ወረዳ ጉብኝት እያደረጉ ነው።

የጠ/ሚ ፅ/ቤት ጉብኝቱ ፥ " በድርቅ የተጎዱ ማህበረሰቦችን ተግዳሮቶች በጥልቀት ለመገምገም " እንደሆነው ገልጿል።

ፅ/ቤቱ የዝናብ ውሀ እጥረት መከሰቱ የእንስሳት መኖ እጥረት እና የውሃ አቅርቦት ውስንነትን ጨምሮ በርካታ ፈታኝ ሁኔታዎችን ማስከተሉን አሳውቋል።

በሌላ መረጃ ጠ/ሚ ዶ/ር ዐቢይ አሕመድ ያቤሎ ኢፋ ቦሩ ልዩ አዳሪ ትምህርት ቤትን መጎብኘታቸው ተገልጿል።

@tikvahethiopia

#Update

የተማሪ ፅጌሬዳ ግርማይ ስርዓተ ቀብር ተፈፀመ።

በምትማርበት ተቋም አርባ ምንጭ ዩንቨርስቲ ውስጥ በሰው እጅ በአሳዛኝ ሁኔታ የተገደለችው የ20 ዓመቷ ወጣት ፅጌሬዳ ግርማይ ስርዓተ ቀብሯ ተፈፅሟል።

የፅጌሬዳ ስርዓተ ቀብር የተፈፀመው በዳንሻ ከተማ ቅዱስ ሚካኤል ቤተክርስቲያን ነው።

ሰኞ ጥር 23 /2014 ምሽት ላይ በአርባምንጭ ዩኒቨርሲቲ የተገደለችው ፅጌሬዳ ግርማይ የሁለተኛ ዓመት የሆቴል እና ቱሪዝም ማኔጅመት ተማሪ ነበረች።

የወጣቷን ህይወት እንደቀጠፈ የተጠረጠረው ተማሪ ከትላንት በስቲያ ፍርድ ቤት የቀረበ ሲሆን ፍርድ ቤቱ ቀጣይ ቀጠሮ መስጠቱን መግለፃችን ይታወሳል።

ውድ ቤተሰቦቻችን @tikvahuniversity (ቲክቫህ ኢትዮጵያ) የተማሪ ፅጌሬዳ ግርማይን የፍርድ ሂደት እስከመጨረሻው ድረስ ተከታትሎ ለማሳወቅ ጥረት ያደርጋል።

የፎቶ ባለቤት ፦ የሄኖክ ታደለ

@tikvahethiopia