#update የቤኒሻንጉል ጉሙዝ ህዝቦች ዴሞክራሲዊ ፓርቲ (ቤጉህዴፓ) ሊቀመንበር አቶ አበራ ባዬታ #መልቀቂያ አስገብተዋል:። ይህንኑ ተከትሎ የፖርቲው ማዕከላዊ ኮሚቴ በዛሬው ዕለት #አስቸኳይ ጉባኤ ያካሄዳል፡፡የፓርቲው ሊቀመንበር አቶ አበራ ባዬታ ዛሬ ለኢቢሲ እንዳስታወቁት ማዕከላዊ ኮሚቴው በሚያደርገው ጉባዔ የመልቀቂያ ጥያቄውን መርምሮ ውሳኔ መስጠት ዋነኛ አጀንዳው ይሆናል፡፡የአመራር እጦት ችግሮች በፓርቲው ውስጥ መኖራቸው ተደርሶበታል ነው ያሉት ሊቀመንበሩ፡፡ ለፓርቲው ተተኪ ሊቀመንበር መምረጥና በተጓደሉ ሥራ አስፈጻሚዎች አባላት ምትክ ምርጫ እንደሚካሄድም ገልጸዋል።

Via EBC
@tsegabwolde @tikvahethiopia

የ12ኛ ክፍል ፈተና ውጤት ዛሬ ወይም ነገ ከሰዓት ይለቀቃል!

የ12ኛ ክፍል #መልቀቂያ ወይም የከፍተኛ ትምህርት ተቋማት መግቢያ ፈተና ውጤት ዛሬ ወይም ነገ ከሰዓት በኋላ ይፋ እንደሚሆን ሀገር አቀፍ የትምህርት ምዘናና ፈተናዎች ኤጀንሲ አስታውቋል። የኤጀንሲው ዋና ዳይሬክተር አቶ አርአያ ገብረእግዚያብሄር ለኢትዮ ኤፍ ኤም እንዳሉት ፈተናዎቹ ዓለም አቀፍ ተወዳሪነታቸው በተመሰከረላቸው ዘመናዊ አዳዲስ የማረሚያ ማሽኖችን በመጠቀም በጥራት የታረሙ መሆናቸውም ተነግሯል። ይሁንና በማህበራዊ ብዙሃን መገናኛዎች የ12ኛ ከፍል ውጤት ተለቋል ተብሎ የሚናፈሰው መረጃ ሃሰት ነው ብለዋል። የእርማቱ ስራ የተጠነቀቀቀ በመሆኑ ኤጀንሲው ዛሬ ወይም ነገ በኤጀንሲው ድረ-ገጽ በመግባት ተማሪዎች ውጤቶቻቸውን ማየት እንደሚችሉ ተገልጿል።

Via #ኢትዮኤፍኤም
@tsegabwolde @tikvahethiopia