#ግድቡ_የእኔ_ነው

ትላንት ለሊት እንቅልፍ አሸንፏችሁ የUN ፀጥታው ምክር ቤት ስብሰባን መከታተል ያልቻላችሁ በUN የዩትዩብ ቻናል ላይ ይገኛል ገብታችሁ መመልከት ትችላላችሁ።

ጥቂት ትላንት ለሊቱን ስለነበረው ሁኔታ ...

- ኢትዮጵያውን በታላቁ የህዳሴ ግድብ የተጠራውን ስብሰባ በመቃወም ኒው ዮርክ በሚገኘው የተመድ መስሪያ ቤት ሰልፍ አድርገዋል።

- የትላንት ለሊቱን ስብሰባ ኢትዮጵያ ውስጥ ያሉ የመንግስት ሆነ የግል ሚዲያዎች በንቃት ተከታትለው በፍጥነት የተነሱ ያሳቦችን ለህዝብ ሲያደርሱ ነበር።

- ስብሰባው በቀጥታ በUN ቻናል እንደሚሰራጭ የሰሙ ኢትዮጵያውያን ሙሉ በሙሉ የአስተያየት መስጫውን ተቆጣጥረውት ነበር። አስተያየት መስጫው በኢትዮጵያ ባንዲራ፣ ግንድቡ የእኔ ነው፣ የግድቡን ጉዳይ ወደፀጥታው ም/ቤት ይዞ መሄድ አያስፈልግም በሚሉ መልዕክቶች ተጥለቅልቆ ነበር።

- በርካታ ሀገራት አሜሪካ፣ ቻይና፣ ሩስያ፣ ኬንያ፣ ሜክሲኮ፣ አይርላንድ፣ ህንድ እንዲሁም ሌሎች ሀገራት የድግቡ ድርድር በአፍሪካ ህብረት ጥላ ስር እንዲካሄድ ሃሳብ አቅርበዋል።

- የግብፅ እና ሱዳን የውጭ ጉዳይ ሚኒስትሮች ንግግር አድርገዋል ፤ በንግግራቸው ያነሷቸው ያሳቦች እንደሁል ጊዜው ከእውነታ የራቁ እና ሀገራችንን ተወቃሽ ለማድረግ የሞከሩበት ነበር።

- የኢትዮጵያ ተወካይ ዶ/ር ኢ/ር ስለሺ በቀለ በምክር ቤቱ የኢትዮጵያን አቋም አንፀባርቀዋል፤ እጅግ በሚያስድምም ሁኔታ በግድቡ ዙሪያ ስላለው ሁኔታ እና እውነታ አስረድተዋል።

- ኢትዮጵያውያን ዶ/ር ኢ/ር ስለሺ በቀለ ባቀረቡት ንግግር ከልባቸው ተደስተው ፣ ኮርተውም ካሰሙት ንግግር በወሰዱት አረፍተነገሮች እና በእሳቸው እና አብረዋቸው በስብሰባው በነበሩ የኢትዮጵያ ተወካዮች ፎቶ ማህበራዊ ሚዲያውን ተቆጣጥረውት አንግተዋል።

@tikvahethiopia

የተመድ የፀጥታው ምክር ቤት ትላንት ድምፅ ሰጥቶ ነበር ?

ቱኒዝያ ሀገራችን #ኢትዮጵያ በዓባይ ወንዝ ላይ የምትገነባውን ግድብ ውሃ መሙላት እንድታቆም ለተመድ የፀጥታው ምክር ቤት ረቂቅ የውሳኔ ሐሳብ አቅርባ ነበር።

ይህ ረቂቅ የውሳኔ ሐሳብ ግብፅ፣ ኢትዮጵያ እና ሱዳን የአፍሪካ ሕብረት ሊቀ መንበር እና የተመድ ዋና ጸሐፊ በጋራ በሚገኙበት ድርድሩን እንደገና እንዲጀምሩ ይጠይቃል።

በግድቡ ሙሌትና አሠራር ላይ አስገዳጅ የሆነ ስምምነት በስድስት ወር ጊዜ ውስጥ እንዲደረስም ጥሪ ያቀርባል።

የውሳኔ ሐሳቡ ስምምነቱ "በታችኛው የተፋሰሱ አገራት የውሃ ደኅንነት ላይ ከፍተኛ ጉዳት እንዳይደርስ በመከላከል ኢትዮጵያ ከግድቡ ኃይል የማመንጨት አቅሟን ማረጋገጥ አለበት" ይላል።

ሦስቱም አገራት ማንኛውንም መግለጫ ከመስጠት ወይም የድርድር ሂደቱን አደጋ ላይ ከሚጥል ማንኛውም አይነት እርምጃ እንዲቆጠቡ ያሳስባል።

ኢትዮጵያ በተናጠል ግድቡን እንዳትሞላ ይጠይቃል።

በግብፅ እና ሱዳን ጥሪ የተባበሩት መንግሥታት የፀጥታው ምክር ቤት ትላንት ለሊት ስብሰባ ተቀምጦ ነበር።

በስብሰባው ላይ አብኛው የምክር ቤቱ አባላት የታላቁ የህዳሴ ግድብ ድርድር በአፍሪካ ህብረት ማዕቀፍ እንዲከናወን ሃሳባቸውን አቅርበዋል።

ነገርን ግን የፀጥታው ምክር ቤት #በቱኒዝያ አማካኝነት በቀረበው ረቂቅ ውሳኔ ሀሳብ ላይ ድምፅ አልሰጠም። በምክር ቤቱ ይህ ነው የተባለ ውሳኔም አልተላለፈም፤ ነገር ግን የምክር ቤቱ አባላት በግድቡ ውዝግብ ዙሪያ ያላቸውን አቋም ገልፀዋል።

በቀረበው ረቂቅ የውሣኔ ሃሳብ ላይ እስካሁን ድረስ ትክክለኛው ድምፅ መስጫ ቀን ባይታወቅም እንደ አንዳንድ ዲፕሎማቶች ምንጭ ምናልባት በቀጣይ ሳምንት ድምፅ ሊሰጥ ይችላል ተብሎ ተገምቷል።

@tikvahethiopia

#AddisAbaba

አዲስ አበባ ከተማ የካ ክ/ከተማ በህገ-ወጥ መንገድ ወደ ሃገር ውስጥ የገቡ ሽጉጦች የክላሽ ጥይቶችና ለሃሰተኛ የገንዘብ ህትመት የሚውሉ በኬሚካል የተነከሩ ወረቀቶች በቁጥጥር ስር ዋሉ።

ህገ-ወጥ የጦር መሳሪያዎቹ የተገኙት ሰኔ 21/ 2013 ዓ.ም በየካ ክ/ከተማ ወረዳ 11 ልዩ ቦታው ኮተቤ መምህራን ኮሌጅ አካባቢ ከሚገኝው መኖሪያ ቤት ውስጥ ነው።

ከጉዳዩ ጋር በተያያዘ ሀለት ተጠርጣሪዎች በቁጥጥር ስር ውለዋል።

ተጠርጣሪዎቹ በህገ-ወጥ መንገድ ወደ መኖሪያ ቤታቸው ሊያስገቡ የነበረው 30 ኢኮሊፒ የተባለ ቱርክ ሰራሽ ሽጉጥ ከህብረተሰቡ በደረሰ ጥቆማ ፖሊስ ባደረገው ፍተሻ እጅ ከፍንጅ ተይዘዋል።

በሌላ በኩል ሰኔ 12 ቀን 2013 ዓ.ም ከጠዋቱ 12፡30 ሰዓት በየካ ክ /ከተማ ወረዳ 13 ልዩ ቦታው ካራ ልዩ ቦታዉ "ለምለም አምባ" በተባለዉ አካባቢ ፖሊስ ከህብረተሰቡ በደረሰው ጥቆማ በአንድ ተጠርጣሪ ላይ ባደረገው ክትትል መኖሪያ ቤት ውስጥ በህገ-ወጥ መንገድ የተከማቸ አንድ ሺ አንድ መቶ የክላሽን-ኮቭ ጥይት ይዟል።

በተጨማሪም ከመኖሪያ ቤቱ ውስጥ ሃሰተኛ የገንዘብ ኖቶችን ለማተም የሚረዱ በኬሚካል የተነከሩ አንድ መቶ አርባ ወረቀቶችና እና የተለያዩ ስምንት የባንክ ደብተሮች ሊያዝ ችሏል።

መረጃው የአ/አ ፖሊስ ኮሚሽን ነው።

@tikvahethiopia

ከሰኔ 30 - ሀምሌ 2/2013 ድረስ 6,944 ዜጎቻችን ከሳዑዲ አረቢያ ተመልሰዋል።

ኢትዮጵያ በሳዐዲ አረቢያ በችግር ላይ የሚገኙ ዜጎቿን በተጠናከረ ዘመቻ እያስወጣች ትገኛለች።

በ3 ቀናት ውስጥ ማለትም ከሰኔ ሰላሳ እስከ ሃምሌ ሁለት ድረስ በአጠቃላይ 6,944 ዜጎች ወደሀገራቸው መመለሳቸውን ከውጭ ጉዳይ ሚኒስቴር ያገኘነው መረጃ ያሳያል።

ትላንት ወደሀገር እንዲመለሱ የተደረጉት 2,536 ዜጎች ሲሆኑ ከነዚህ መካከል 161 ህፃናት እና 333 ሴቶች ይገኙበታል።

ሃምሌ አንድ የተመለሱት 2,212 ዜጎች ሲሆኑ 381 ሴቶች እና 183 ህፃናት ይገኙበታል። እንዲሁም ሰኔ 30 የተመለሱት 2,196 ዜጎቻችን ሲሆኑ 196ቱ ሴቶች 88ቱ ህፃናት ናቸው።

@tikvahethiopia