#Ethiopia🇪🇹

በቶኪዮ ኦሎምፒክ ላይ ተሳታፊ የሆነው የኢትዮጵያ አትሌቲክስ ልኡካን ቡድን አባላት ልምምዳቸውን አጠናክረው በመስራት ላይ ይገኛሉ። የመጀመሪያው ተጓዥ የኦሎምፒክ ልኡካን ቡድን ከ17 ቀናት በኋላ ውድድሩ ወደ ሚካሄድበት ቶኪዮ የሚያቀኑ ይሆናል።

• የአትሌቶቻችን ዝግጅት ከላይ በምስሉ ላይ ተያይዟል ።

@tikvahethsport

የሀይቲ ፕሬዝዳንት ተገደሉ።

የሀይቲው ፕሬዝዳንት ጆቭኔል ሞይስ ማክሰኞ ለረቡዕ አጥቢያ በግል መኖሪያ ቤታቸው ውስጥ መገደላቸው ተሰማ። የፕሬዜዳንቱ ባለቤት ጉዳት ደርሶባቸዋል።

- ፕሬዚዳንቱ የተገደሉት መኖሪያ ቤታቸው ውስጥ ነው።
- የፕሬዜዳንቱን ግድያ ያሳወቁት የሀገሪቱ ጊዜያዊ ጠ/ሚ ናቸው።
- በሀገሪቱ የፖለቲካ አለመረጋጋት ፣ ከ2018 ጀምሮ ደግሞ በሙስና መበራከት ስልጣናቸውን እንዲለቁ የሚጠይቅ ተቃውሞ ተነስቶ ነበር።

የሀይቲ ጊዜያዊ ጠ/ሚኒስትር የሀገሪቱ ፕሬዝዳንት ከተገደሉ በኋላ ፥ 'የመንግስት ቀጣይነት' ለማረጋገጥ ሁሉም እርምጃዎች ተወስደዋል ብለዋል።

* ይህ መረጃ ተጨማሪ ያታከልበታል !

@tikvahethiopia

MSF በተለያዩ የትግራይ አካባቢዎች እንቅስቃሴ አቆመ።

ድንበር የለሽ የሃኪሞች ቡድን (MSF) በአቢይ አዲ፣ አክሱም፣ ዓዲግራት (በማዕከላዊ እና ምስራቃዊ ትግራይ) እንቅስቃሴ ማድረግ አቋረጠ።

MSF እአአ ጁን 24 በትግራይ ክልል በ3 ባልደረቦቹ ላይ በተፈፀመው አሰቃቂ ግድያ ምክንያት ነው ከላይ በተገለፁት ቦታዎች የሰብዓዊ ድጋፍ እንቅስቃሴውን ያቆመው።

MSF በሌሎች የትግራይ ክልል አባቢዎች አቸኳይ ድጋፍ ለሚሹ ዜጎች የሚያደረገውን እገዛ እጅግ ጥንቃቄ በተሞላበት ሁኔታ እንደሚቀጥል አሳውቋል።

በተጨማሪም በትግራይ ክልል ውስጥ ስለተገደሉት ሶስቱ ባልደረቦቹ አስቸኳይ ምርመራ እንዲደረግ እና የእርዳታ ሰጪ ሰራተኞች ስራቸውን ደህንነታቸው በተጠበቀበት ሁኔታ እንዲሰሩ እንዲደረግ አጥብቆ ጠይቋል።

የMSF የኦፕሬሽን ዳይሬክተር ተሬሳ ሳንክሪስቶቫል ፥ "የባልደረቦቻችን ግድያ ከተፈፀመ ወደ ሁለት ሳምንት ገደማ ሆኖታል እስካሁ ሃላፊነቱን የወሰደ አካል የለም እንዲሁም በአሟሟታቸው ሁኔታ ላይ ያሉ ሁኔታዎች አሁንም ግልፅ አይደሉም" ብለዋል።

ዳይሬክተሯ አክለውም ፥ "በባልደረቦቻችን አሟሟት ላይ ስለተፈጠረው ክስተት እውነታዎች ለማጣራት እና ተጠያቂው ማን እንደሆነ ዝርዝር እንዲቀርብልን በሚመለከታቸው አካላት አፋጣኝ ምርመራ እንዲደረግ የምንጠይቀው ለዚህ ነው ፤ በዚህ አስከፊ ወቅት በበርካታ የትግራይ አካባቢዎች እንቅስቃሴያችን ለማቆም መወሰናችን በጣም አሳዛኝ ነው ነገር ግን አስፈላጊ ውሳኔ ውስነናል።" ብለዋል።

MSF በአቢይ አዲ ፣ በአክሱም እንዲሁም በአዲግራት እንቅስቃሴውን ማቆሙ እየተሰጠ ባለው የሕይወት አድን ዕርዳታ ስራ ላይ ከፍተኛ የሆነ ክፍተት ይፈጥራል ተብሏል።

@tikvahethiopia

#Update

'በትላንት ምሽቱ አደጋ የ3 ሰዎች ህይወት አልፏል'

ትላትና ምሽት በጅሌ ጥሙጋ ወረዳ በመረዋ ቀበሌ ስለደረሰው የትራፊክ አደጋ የወረዳው ፖሊስ ፅህፈት ቤት በዛሬው ዕለት ዝርዝር መረጃ ሪፖርት አድርጓል።

አደጋው የደረሰበት ቦታ እና ሰዓት :

- መረዋ ቀበሌ ልዩ ስሙ "ቆሮ" የሚባል አካባቢ። ከምሽቱ 3:30 ገደማ።

አደጋው የደረሰበት መኪና ዝርዝር መረጃ :

- ከደብረ ብረሃን ከተማ ወደ ራያ የአካባቢ 48 የሚሊሻ አባላትን ይዞ ሲጓዝ የነበረ FSR ቅጥቅጥ የህዝብ ማመላለሻ መኪና። ኮድ 3 ታርጋ ቁጥሩ 23588 ነው።

የደረሰ ጉዳት ዝርዝር :

- ሹፌሩን ጨምሮ የ3 ሰው ህይወት አልፏል።
-13 ሰዎች ከባድ አካል ጉዳት ደርሶባቸዋል።
- 32 ሰዎች ቀላል የአካል ጉዳት ደርሶባቸዋል።

በአደጋው ስለተጎዱ ሰዎች ዝርዝር ሁኔታ :

- 2 አስክሬን ለምርመራ ሚኒልክ ሆስፒታል ተልኳል።
- በአደጋው ቀላል ጉዳት የደረሰባቸው ሰዎች ወደ አጣዬ ድስትሪክ ሆስፒታል ገንተው የህክምና ተከታትለው ከሆስፒታል ወጥተዋል።
- በከባድ የአካል ጉዳት የደረሰባቸው ግለሰቦች ወደ ደብረብረሃን ሪፈራል ሆስፒታል ተልከዋል።

የአደጋው መንስኤ ይታወቃል ?

እንደ ጅሌ ጥሙጋ ወረዳ ፖሊስ ፅህፈት ቤት ሪፖርት እስካሁን ድረስ የአደጋው መንስኤ አይታወቅም፤ በምርመራ እየተጣራ ነው።

NB : ትላንት ምሽት በትራፊክ አደጋ የደረሰባቸው ገለሰቦች በሰንበቴ ከተማ ጤና ጣቢያ የህክምና አገልግሎእ እያገኙ ነው ተብሎ የተሰራጨው መረጃ ስህተት መሆኑንና ሁሉም ታካሚዎች በአጣዬ ድስትሪክ ሆስፒታል እና በደብረ ብረሃን ሪፈራል ሆስፒታል ህክምና እያገኙ መሆኑን የጅሌ ጥሙጋ ወረዳ ኮሚኒኬሽን አሳውቋል።

@tikvahethiopia

"... የ2ኛው ዓመት የውሃ ሙሌት #ነሃሴ መጨረሻ ላይ ይጠናቀቃል" -ኢንጅነር ጌዲዮን አስፋው

የህዳሴ ግድብ ተደራዳሪና የባለሙያዎች ቡድን ሰብሳቢ ኢ/ር ጌዲዮን አስፋው ለኢዜአ በሰጡት ቃል የታላቁ የኢትዮጵያ ህዳሴ ግድብ 2ኛው ዙር የውሃ ሙሌት እየተከናወነ ያለው ሶስቱ አገሮች በፈረሙት የመርህ ስምምነት መሰረት መሆኑን አሳውቀዋል።

ኢትዮጵያ፣ ግብጽ እና ሱዳን እ.ኤ.አ. በ2015 በመሪዎቻቸው አማካኝነት በሱዳን ካርቱም የህዳሴ ግድቡን ድርድር አስመልክቶ የመርሆች ስምምነት ተፈራርመዋል።

የመርህ ስምምነቱ አስር አንቀጾችን ያካተተ ሲሆን የሶስቱንም አገሮች ፍትሃዊና ምክንያታዊ የውሃ አጠቃቀም ለማረጋገጥ ያለመ መሆኑ ይታወቃል።

በዚህም ኢትዮጵያ ፣ ግብጽ እና ሱዳን በተስማሙት የመርህ ስምምነት መሰረት ሁለተኛው ዙር የግድቡ የውሃ ሙሌት እየተከናወነ ኢንጅነር ጌዲዮን አስፋው ገልፀዋል።

በታላቁ ህዳሴ ግድብ የውሃ ሙሌት ላይ የሶስቱ አገሮች ባለሙያዎች የተስማሙባቸው ነጥቦች የተቀመጡ መሆኑን አስታውሰው አገሮቹ በዚሁ መሰረት መስማማታቸውን አስረድተዋል።

ግብጽና ሱዳን በመርሆች ስምምነት ውስጥ ሁለት ጥናቶች እንዲካሄዱ የሚያስቀምጥ ቢሆንም ግብጽ እና ሱዳን ጥናቱ እንዳይካሄድ ሲያስተጓጉሉ ነበር ብለዋል።

አገሮቹ ስምምነቱን ከተፈራረሙ በ15 ወር ውስጥ ሁለት (2) ጥናቶችን ማከናወን እንዳለባቸው ቢያስቀምጥም ጥናቶቹ እንዳይካሄዱ ግብጽና ሱዳን በያዙት ግትር አቋም ሳይሳካ ቀርቷል ነው ያሉት።

አለም አቀፉ ማህበረሰብ ግብጽ እንዲሁም ሱዳን የግድቡን ውሃ ሙሌት በተመለከተ የሚሰጡትን የተዛባ መረጃ ሊመረምር እንደሚገባም ገልጸዋል።

ያንብቡ : telegra.ph/ENA-07-07

#ኢዜአ

@tikvahethiopia

የኢፌዴሪ አየር ሃይል ያሰለጠናቸውን ምልምል ወታደሮች በማስመረቅ ላይ ይገኛል ፡፡

ተመራቂ ምልምል ወታደሮቹ ከነገ ጀምሮ የበረራ ፣ የጥገና እና የቴክኒሻን ትምህርቶች ወደሚያገኙባቸው ተቋማት እንደሚገቡ የኢፌዴሪ ሀገር መከላከያ ሰራዊት አሳውቋል።

@tikvahethiopia

ተመድ የኢትዮጵያን ወታደሮችን ሸለመ።

643 #የኢትዮጵያ ሰላም አስከባሪዎች በደ/ሱዳን ላደረጉት የሰላም ማስከበር አገልግሎት የተባበሩት መንግስታት ድርጅት ሜዳሊያ ተቀብለዋል፡፡

የኢትዮጵያ ሰላም አስከባሪዎች ወደ ደቡብ ሱዳን ከተሰማሩ ወዲህ ግጭቶች እንዲቀንሱ ፣ የሰብአዊ ድጋፍ ለድጋፍ ፈላጊዎች በፍጥነት እንዲደርስ ከፍተኛ አስተዋጽኦ ማድረጋቸው ተገልጿል፡፡

ለኢትዮጵያ ሰላም አስከባሪዎች የተደረገው የእውቅና ስነ ስርዓት ላይ የተመድ የሰላም ማስከበር ተልዕኮ ከፍተኛ አመራሮች ተገኝተው እንደነበር #UNMISS ን ዋቢ አድርጎ ኢብኮ ዘግቧል።

@tikvahethiopia

#ምርጫ2013

በዛሬው ዕለት በነገሌ ምርጫ ክልል ለህዝብ ተወካዮች እና ለክልል ምክር ቤቶች የሚወዳደሩ ዕጩዎች ምርጫ እየተካሄደ ነው።

ምርጫው ከጠዋት 12 ሰዓት ጀምሮ ነው እየተካሄደ ሚገኘው።

ለምርጫው ከ150 በላይ ታዛቢዎችና የምርጫ አስፈጻሚዎች መመደባቸውን ተገልጿል።

በምርጫ ክልሉ ለሁለቱም ምክር ቤቶች ሁለት በግል፣ አንድ ከኢዜማ እንዲሁም አራት ከብልጽግና ፓርቲ ዕጩዎች ለውድድር ቀርበዋል። #ENA

@tikvahethiopia