#Tigray

የትግራይ ክልል ኃይሎች ከአማራ ክልል ጋር ወደሚያዋስነው የድንበር አካባቢ እየተንቀሳቀሱ ነው ተባለ።

በትግራይ የሚገኙ የዓይን እማኞችን ጠቅሶ 'ዘ ጋርዲያ' ጋዜጣ እንደዘገበው ከሆነ የህወሓት ኃይሎች በብዙ መኪኖች ተጭነው ወደ ምዕራብ አቅጣጫ አምርተዋል።

በሌላ መረጃ ፦ የአማራ ክልል ፕሬዜዳንት አቶ አገኘሁ ተሻገር "የአማራ ክልልን ከማንኛውም ጥቃት ለመመከት አስፈላጊው ዝግጅት ተደርጓል" ሲሉ ተናግረዋል።

ይህን ያሉት ዛሬ በሰጡት መግለጫ ነው።

የክልሉ ፕሬዜዳንት፥ "አሸባሪው ትህነግ እዚህ ግባ የሚባል ተፅዕኖ አያደርስም" ማለታቸውን አሚኮን ዋቢ በማድረግ ቢቢሲ ዘግቧል።

የፌደራል መንግሥት መቐላ ለወራት ተቆጣጥሮ ከቆየ በኋላ ከሳምንት በፊት በርካታ የትግራይ አካባቢዎችን ለቅቆ መውጣቱ ይታወሳል።

የትግራይ ኃይሎች መቐለን ጨምሮ በርካታ የትግራይ አካባቢዎችን በቁጥጥራቸው ሥር እንደሆኑ አስታውቀዋል።

የፌዴራል መንግስት ሰኞ ሰኔ 21 ሰብዓዊነት ላይ የተመሰረተ የተናጠል የተኩስ አቁም ቢያውጅም በትግራይ ኃይሎች በኩል የተኩስ አቁም ለማድረግ ባለ7 ነጥብ ቅድመ ሁኔታዎችን ማስቀመጣቸው አይዘነጋም።

@tikvahethiopia

* Confirmed

ኢትዮጵያ የግድቡን 2ኛ ዙር ውሃ መሙላት መጀመሯን ለሱዳን እና ግብፅ በደብዳቤ ማሳወቋ ተረጋገጠ !

ኢትዮጵያ እአአ በ2015 በሶስቱ ሀገራት መካከል በተደረሰው የመርሆች ስምምነት መሰረት ግብፅና ሱዳን ለዝግጅት እንዲያመቻቸው ሲባል የግድቡን ሁለተኛ ዙር የውሃ ሙሌት መጀመሯን በይፋዊ ደብዳቤ እንዳስታወቀቻቸው የታላቁ ህዳሴ ግድብ የተደራዳሪ ከሚቴ አባል ፕሮፌሰር ይልማ ስለሺ #ለኢፕድ ገለፁ።

መሰረታዊ መረጃ ሳይት ድረስ ሂደው የማየት፣ አብረው መወያየት እና ባለሙያዎቹ አብረው እንዲነጋገሩ የማድረግ ስራዎች ባለፉት አስርት አመታት ከውሃ ባለሙያዎች፣ ከፖሊቲካኞች እንዲሁም ከዲፕሎማቶች ጀምሮ ስናደርገው የከረምነው ነው ብለዋል ፕሮፌሰር ይልማ።

ኢትዮጵያ ትናንት በይፋዊ ደብዳቤ የሰጠችው መረጃ በዚህ መርህ የተመርኮዘ እንደሆነና ይህም የመረጃ ልውውጥ አንዱ አካል ነው ሲሉ አብራርተዋል።

ሀገራቱም ይህን በመገንዘብ በእነሱ በኩል የሚያስተካክሉትን ጉዳዮች ሲያስተካክሉ ነበር ያሉት ፕሮፌሰር ይልማ፤ ሀገራቱ በስምምነታቸው መሰረት ግድቡ ቀስ በቀስ ሀምሌና ነሃሴ ላይ እንደሚሞላ ያውቁታል ግን ማረጋገጫ እንዲሆናቸው አሁን ተነግሯቸዋል ብለዋል፡፡

ሀገራቱ ሀምሌና ነሃሴ ይሞላል የሚለውን መረጃ አስቀድመው በተጨባጭ አውቀው በውጭ ጉዳይ ሚኒስቴራቸው በኩል ሙሌቱ አይጎዳንም፤ ለዚህም እየተዘጋጀን ነው ሲሉ መደመጣቸውን ፕሮፌሰር ይልማ አስታውሰዋል።

የውሃ ሙሌቱ የማይካሄድ ቢሆን ኖሮ የቅድሚያ ዝግጅቱ ለወጪና ለኪሳራ ስለሚዳርጋቸው ዝግጅት ማድረግ አያስፈልጋቸውም ነበር ሲሉ ፕሮፌሰር ይልማ ለኢፕድ ተናግረዋል።

@tikvahethiopia

እነ አቶ ጃዋር መሐመድ ለሁለተኛ ጊዜ ፍርድ ቤት አልቀረቡም።

ተከሳሾቹ ከዚህ በኋላ ፍርድ ቤት አንቀርብም ክርክሩ የፖለቲካ ክርክር ነው ፤ የሚፈታውም በአስፈፃሚው አካል እንጂ በፍርድ ቤቱ አይደለም’’ ሲሉ አስታውቀዋል።

* እነ አቶ ጃዋር ፍርድ ቤት እንደማይቀርቡ በድጋሚ የገበፁበት ደብዳቤ ከላይ ተያይዟል።

Credit : የኦሮሞ የፖለቲካ እስረኞች ጠበቆች ቡድን

@tikvahethiopia

#መቐለ_ዩኒቨርሲቲ

ሀምሳ ሁለት (52) ተማሪዎችና አንድ መምህር ከመቐለ ዩኒቨርሲቲ ኩሓ ካምፓስ በመውጣት በመኪና ወደ አባላ ከተማ (አፋር) መጓዛቸውንና ከዚያም ከአባላ ወደ አፍዴራ ሲጓዙ 'ስልሳ ስድስት' የሚባል የፍተሻ ጣቢያ ላይ ላይ በአፋር ክልል ፖሊስ አግኝቶ ተማሪ መሆናቸው ካረጋገጠ በኋላ ዛሬ ከሰዐት ለሠመራ ዩኒቨርሲቲ ማስረከቡን ቲክቫህ ዩኒቨርሲቲ ሰምቷል።

በመጀመሪያ 19 ተማሪዎች እና አንድ መምህር በሠመራ ዩኒቨርሲቲ ድጋፍ ዛሬ ወደ አዲስ አበባ መመለሳቸው የተነገረ ሲሆን ቀሪ 33ቱን የሠመራ ዩኒቨርሲቲ ነገ ጠዋት ተማሪዎቹን በባስ አሽኛኝት እንደሚያደረግላቸው የህዝብ ግንኙነት ባለሙያው ለቲክቫህ ዩኒቨርሲቲ አረጋግጠዋል።

ተማሪዎቹ በጉዟቸው ወቅይ ምንም የተለየ ችግር ባይገጥማቸውም ፤ ምግብ ባለማግኘታቸው አስከፊ ግዜ እንዳሳለፉ አልደበቁም። ከ52ቱ ተማሪዎች አንድ ሴት ተማሪ ያለች ሲሆኑ አብዛኛዎች የቅድመ ምረቃ ተማሪዎች ናቸው።

በተማሪዎቹ ጉዳይ አስተያየት የጠየቅነው የሳይንስና ከፍተኛ ትምህርት ሚኒስቴር "አዲስ ነገር ሲኖር ጠቅለል አርገን" እናሳውቃለን ብሏል።

የከፍተኛ ትምህርት ተቋማት መረጃዎች በ @tikvahuniversity በስፋት ማግኘት ይቻላል።

https://yangx.top/joinchat/RYD_4tbNBwRoKR2h

@tikvahethiopia

#የጥንቃቄ_መልዕክት

በክረምት ወቅት የአየር ጸባዩ የሚፈጥረውን ከባድ ዝናብ ፣አደገኛ ጎርፍ ፣ጉም እና ጭጋግ ሳቢያ የትራፊክ አደጋ እንዳይከሰት አሽከርካሪዎች ተገቢውን ጥንቃቄ በማድረግ አሽከርክሩ።

- የተሽከርካሪ ክፍሎችን ማለትም ሊሾ ጉማ ገጥሞ ማሽከርከር ፣
- የማይሰራ የዝናብ መጥረጊያ መግጠም ፣
- የማይሰራ መብራቶችን አለማስተካከል ፣
- በጭጋግ ወቅት ስቲከር ለጥፎ ማሽከርከር ፣
- ፍሬን እና ሌሎች የቴክኒክ ክፍሎችን ሳያስተካክሉ ማሽከርከር ለከፋ የትራፊክ አደጋ የሚዳርጉ በመሆኑ ጥንቃቄ ይደረግ።

Credit : DebrMarkos Police

@tikvahethiopia

#Update

በሁለት ቀን 5,048 ዜጎቻችን ከሳዑዲ አረቢያ ተመልሰዋል።

ኢትዮጵያ ከትላንት በስቲያ እንዲሁም በትላንትናው ዕለት በአጠቃላይ 5,048 ዜጎቿን ከሳዑዲ አረቢያ በማስወጣት ወደሀገራቸው መልሳለች።

ፎቶ : የውጭ ጉዳይ ሚኒስቴር

@tikvahethiopia