🎬 На вядомым кінафестывалі Берлінале у конкурсную праграму трапіў беларускі мікрабюджэтны фільм.

Гаворка ідзе пра дэбютную стужку беларускага рэжысёра Юрыя Сямашкі «Лебядзіная песня Фёдара Азёрава». Сюжэт распавядае пра 25-гадовага музыку, які напярэдадні Новага года хоча паспець запісаць са сваім гуртом новую песню. Хоча паспець, бо ходзяць чуткі, што ўжо 1 студзеня пачнецца ІІІ сусветная вайна. Да таго ж галоўны герой не можа знайсці свой любімы швэдар з рамонкамі, дзякуючы магічным (як лічыць герой) якасцям якога Фёдар звычайна і выдумляў свае песні.

Будзем чакаць магчымасці ўбачыць гэты фільм!

Хлопцу, які згвалціў і забіў беларуску Лізу ў цэнтры Варшавы прысудзілі пажыццёвае зняволенне.

17 студзеня прайшло апошняе судовае пасяджэнне па гэтай гучнай справе. 23-гадовага Дарыяна С. прызналі вінаватым і агучылі максімальна магчымы па жорсткасці прысуд, згодна з польскім правам. Таксама яго абавязалі выплаціць 200 тысяч злотых маральнай кампенсацыі хлопцу забітай дзяўчыны. Як пішуць польскія медыя, толькі падчас апошняга слухання перад самым вынясеннем прысуду мужчына ўпершыню выказаў раскаянне.

Нагадаем, што забойства адбылося ўначы 25 лютага ў цэнтры Варшавы. Лізе было 25 гадоў. Пасля шасці дзён рэанімацыі дзяўчына памерла.

У індэксе свабоды чалавека за 2024 год Беларусь апусцілася на сем пазіцый і заняла ганаровае 140-е месца, апынуўшыся між Расіяй і Конга. Ніжэй за гэтую пазіцыю няма ніводнай еўрапейскай краіны.

Па-беларуску размаўлялі толькі негатыўныя героі 🤯

Працягваем кіношную тэматыку. Паступова з’яўляюцца водгукі гледачоў на новую стужку «Беларусфільма» па матывах твора Караткевіча — «Чорны замак». Вось знайшлі такі водгук ад блогеркі з Гродна.

Відэа — hosciechka (Tiktok)

Стала вядома, што COVID-19 насамрэч забраў больш за 90 тысяч жыццяў сярод беларусаў. Гэтая лічба значна большая, за агучаную дзяржавай.

З пачаткам эпідэміі ў 2020 годзе Белстат перастаў публікаваць статыстыку смяротнасці ў краіне, таму сапраўдная лічба памерлых ад віруса заставался невядомай. Але ж «Кіберпартызаны» атрымалі базы дадзеных па ўсіх памерлых грамадзянах з 2018 па 2023 год. З гэтых звестак бачна, што за час пандэміі COVID-19 залішняя смяротнасць склала больш за 90 тысяч чалавек!

Таксама з дадзеных бачна, што хваля залішняй смяротнасці зменьшылася толькі ў красавіку 2022 года, калі прайшла вакцынацыя і многія людзі ўжо адхварэлі. Афіцыйныя звесткі Мінздароўя іншыя — за час пандэміі COVID-19 памерлі 7 118 пацыентаў. Там не ўлічваліся смерці пацыентаў ад ускладненняў іншых хвароб, выкліканых каранавірусам.

Надвор’е такое цёплае, што ў Браслаў у студзені прыляцелі буслы. Ці яны нават і не адляталі 🤔

Відэа пабачылі на канале Беларусь за МКАДом

Усё, у рускамоўнай рэдакцыі Вікіпедыі пры пошуковым запыце «Белоруссия» усё адно паказвае назву «Беларусь» ✨

Вядомы мемны жарт пра хлопчыка Габрыеля і шушу, які мы абыгралі праз тэму выбараў у нашым інстаграм, сабраў больш за паўмільёна праглядаў.

Ад гэтага відэа адначасова і смешна, і балюча. Хлопчыку не шанцуе ў гульнях — яму пастаянна трапляецца шушу (мексіканскі агурок), як і беларусам, у якіх ёсць свой "шушу".🥴

Еўрапарламент прыняў рэзалюцыю, ў якой заклікае краіны ЕС не прызнаваць вынікі выбараў у Беларусі.

Беларускія «выбары» назвалі фіктыўнымі і не адпавядаючымі нават мінімальным міжнародным стандартам. Дакумент падтрыманы абсалютнай большасцю еўрадэпутатаў. МЗС Беларусі, чакана, назвалі гэты праект рэзалюцыі "грубейшым умяшальніцтвам" у электаральныя справы краіны.