💊Битэмиини хайдах сөптөөхтүк иһэбитий?

Бу туһунан идэлээх быраас, терапевт кэпсиирин истиҥ.

@tetim_radio

🌅🌳🌲Атырдьах ыйа сир аһынан баай. Ол эрээри, бу күннэргэ тыаҕа тахсан баран муммут киһи наһаа элбээтэ. Муммат туһуттан айылҕаҕа барыах иннинэ тугу гыныахтаахпытый?
1.Бастатан туран, олох билбэт сиргэр сир астыы бара сатаама.
2.Оттон билбэт сиргэр тахсыбыт буоллаххына, аан бастаан каартанан ойууру үөрэт. Холобура, ханан күөл, трасса, уот ситимэ баарын бил.
3.Былыттаахха киһи түргэнник мунар. Эбиитин ардах түстэҕинэ балаһыанньа өссө уустугурар, онон, күн-дьыл туругун билэн баран айылҕаҕа тахсар тоҕоостоох. Эбэтэр халлаан уларыйа илигинэ ойууртан тахсыах тустаахпыт.
4. Сир астыы сылдьан, аһыы утаҕы амсайыма. Киһи билэр да сирин билбэт буолуон сөп.
5. Ыраахтан көстөр, чээлэй дьүһүннээх таҥаста кэт.

🚨Оттон арай тыаҕа мунар түгэммитигэр тугу гынабыт?
1. Муннум диэҥҥин бэйэҥ бэйэҕэр билин уонна паникалаама.
2. Көстөр сиргэ «маяк» оҥоһун. Чээлэй дьүһүннээх таҥаскын, сээкэйгин баайыаххын, ааккын-суолгун суруйуоххун сөп. Быһааччылар эйигин түргэнник булалларыгар көмөлөһүө.
3. Ол маяктан биир суолу талаҥҥын, лабаалары алдьатан эбэтэр таҥас кырадаһынын баайан, маһы хатырыктаан араас бэлиэлэри хааллара-хааллара дьиэлиир суолгун, нэһэлиэнньэлээх пууну көрдүөххүн сөп.
4. Ол талбыт суолун сыыһа буоллаҕына, маяккар төнүн. Уонна атын туһаайыыны талаҥҥын эмиэ суол хааллара-хааллара барыаххын сөп.

@radio_tetim

🏹🎯 СӨ оҕунан ытыыга федерациятын толорооччу дириэктэрэ Василий Румянцев эпииргэ ыалдьыттаата.

@tetim_radio

🦆🔫Атырдьах ыйын 21 күнүттэн кус кэмэ саҕаланыа

Булчуттар билигин көҥүлү ыла сылдьаллар.
Хайдах ылабыт?
✅ «Госуслуги» нөҥүө
✅«Мои Документы» эбэтэр Экология министиэристибэтин Саха сиринээҕи отделларыгар

Ханнык докумуоннар наадаларый?
1.Булчут билиэтэ
2.Судаарыстыбаннай пошлина төлөбүрүн квитанцията.

Булт болдьохторо:
🦤Буор, хонуу уонна бадараан көтөрдөрүгэр атырдьах ыйын 21 күнүттэн сэтинньи 20 күнүгэр диэри
🕊️үрүҥ уонна туундара курупааскытыгар атырдьах ыйын 21 күнүттэн тохсунньу 31 күнүгэр диэри.

@tetim_radio

🏹Бу туһунан СӨ оҕунан ытыыга сүүмэрдэммит хамаандатын сүрүн тириэньэрэ Михаил Филатов кэпсээтэ.

🎯Как себя замотивировать?

Как себя заставить или убедить на достижение целей? Об этом рассказывает редактор Вета Вишнякова.

🌬️🍂Бу күннэргэ Арктикаттан салгын маассата Саха сиригэр эмиэ тымныйыыны аҕалыа.

Синоптиктар өрөспүүбүлүкэ үгүс өттүгэр салгын температурата нуорматтан намыһах буоларын сабаҕалыыллар. Күн-дьыл хайдах буоларын туһунан ЯСИА-ҕа Саха сиринээҕи Гидрометеосулууспа управлениетын салайааччытын солбуйааччы — Гидрометкиин начаалынньыга Татьяна Маршалик кэпсээтэ.

«Өрөспүүбүлүкэ үгүс оройуоннара арктикатааҕы салгын маассатын дьайыытыгар хабыллыа. Бу салгын маассатын кытта үгүс оройуоннарынан элбэх сөҥүү түспэтэ күүтүлэр. Чуолаан киин улуустарга кэлэр сууккаҕа кыралаан ардах түһэрэ сабаҕаланар.

Нэдиэлэ бүтүөр диэри Алдан, Нерюнгри уонна өрөспүүбүлүкэ хотугулуу-илин өттүлэриттэн ураты, атын улуустарга сөҥүүтэ суох күн-дьыл турара күүтүллэр. Итини тэҥэ, салгын температурата нуорматтан намыһах буолуо.
Дьокуускайга түүн +3…+8 кыраадыска диэри тымныйыа, оттон күнүс салгын температурата нэдиэлэ бүтүөр диэри +14…+19 кыраадыс эрэ буолуо», — диэн Татьяна Маршалик ЯСИА-ҕа билгэтин кытта үллэһиннэ.

«Бу нэдиэлэҕэ сылыйыы өрөспүүбүлүкэ арҕаа өттүгэр күүтүллэр. Ленскэй, Мииринэй уонна Өлүөхүмэ улууһугар салгын температурата нэдиэлэ бүтүүтэ сылыйан барыаҕа, онно салгын температурата +18…+23 кыраадыска диэри үрдүөҕэ», — диэн Саха сиринээҕи УГМС салайааччытын солбуйааччы — Гидрометкиин начаалынньыга Татьяна Маршалик эттэ.

🍁📚👩🏻‍🏫 Аҕыйах хонугунан саҥа үөрэх дьыла дьэ саҕаланыа турдаҕа.

Онуоха 2025-2026 үөрэх дьылыгар төһө бэлэмнээхпитий? Бу туһунан СӨ Үөрэҕириигэ уонна наука министиэристибэтин кадровай бэлиитикэҕэ уонна судаарыстыбаннай сулууспа отделын салайааччы Мария Михайловна Винокурова кэпсээтэ.

@tetim_radio

⚜️⚜️⚜️Үс эт диэн туох өйдөбүлүй?

Төрүт үгэстэри анаан чинчийбит Любовь Антиповна Федорова -Саҕаана «Саха итэҕэлин кылгас өйдөбүллэрэ" диэн үлэтиттэн бүтэй , аһаҕас, ытык диэн ааттанар киһи үс этин туһунан өйдөбүллэри истиэххит.

Редактор Татьяна Степанова,
Режиссер Екатерина Голикова.

@tetim_radio

🦆 Быйылгы күһүҥҥү кус сезонун уратытын туһунан,

СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтин булт уонна бултанар кыыллары харыстааһыҥҥа департаменын салайааччытын солбуйааччыта Егор Анатольевич Дьяконов кэпсээтэ.

@tetim_radio

☝🏻Билэр булчуккар бу видеоны ыыт.

🦆 Быйылгы күһүҥҥү кус сезонун уратытын туһунан,

СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтин булт уонна бултанар кыыллары харыстааһыҥҥа департаменын салайааччытын солбуйааччыта Егор Анатольевич Дьяконов кэпсээтэ.

@tetim_radio

⚜️👦🏻👧🏻Саха оҕону иитэр , харыстыыр ньымалара

Саха омук сиэрин-туомун чинчийбит, уһуйааччы, алгысчыт Афанасий Семенович Федоров уонна устуоруйа билимин доуктара, профессор Розалия Иннокентьевна Бравина өбүгэбит оҕону иитиигэ ньымаларын туһунан үлэлэриттэн истиэхпит.

Редактор Татьяна Степанова,
режиссер Анна Пудова.

архив Атласова Валентина.

@tetim_radio

👨‍⚖️⚖️Аһаҕас былаас биир уопсай тиһигэр олохтоох салайныыны тэрийии уопсай тосхоллорун туһунан 33-с №-дээх федеральнай сокуон тула «Тэтим» араадьыйа «Устуудьуйа ыалдьыта» биэриитигэр СӨ-тин Ил Дарханын сүбэһитэ, СӨ үтүөлээх юриһа Игорь Игнатьевич Николаев кэпсээтэ.

Сокуон сүрүн балаһыанньалара от ыйын 19 күнүттэн үлэҕэ киирдилэр.

@tetim_radio