21 лютага ў свеце адзначаецца Міжнародны дзень роднай мовы. Напярэдадні свята ў 6 "А” класе прайшла гульня-віктарына «Адкрываю нанова беларускае роднае слова…».

Удзельнікі свята даведаліся, што ў свеце шмат цудоўных моў. Але наша родная беларуская мова вылучаецца сярод іх сваёй прыгажосцю, непаўторнасцю і мілагучнасцю.

Вучні з задавальненнем чыталі вершы па-беларуску, удзельнічалі ў конкурсах «Пісьмовыя крыніцы», «Слоўны канструктар», «Моўная скарбонка», «Інтэлектуальная азбука», «У друкарні». Дзеці змаглі не толькі праявіць сваю эрудыцыю, але і паглыбіць веды па гісторыі ўзнікнення беларускай мовы, яе развіцці і сучасным стане.

У канцы мерапрыемства кожны ўдзельнік гульні выказаў пажаданні роднай мове.

#шестыеклассы #викторина #роднаямова

У рамках Тыдня роднай мовы 20 лютага для вучняў 11 "А" класа прайшла інтэрактыўная гульня "Знаўцы роднай мовы".

Вучні змаглі актуалізаваць веды па беларускай мове і літаратуры, паказаць узровень эрудыцыі, задаволіць сваю цікаўнасць, пашырыць кругагляд, захапіцца прыгажосцю беларускага мастацкага слова.

#одиннадцатыеклассы #роднаямова #игра

Сёння ў 4 "Б" класе прайшоў урок па тэме "Родная мова".

Вучні чыталі вершы, расказвалі казкі, спявалі песні на беларускай мове. Падвялі вынік ветлівымі словамі ў гульні "Я скажу дзякуй...".

#начальныеклассы #роднаямова #урок

Настаўнікі сярэдняй школы № 2 г. Свіслачы прынялі ўдзел у напісанні абласнога дыктанта, прымеркаванага да Міжнароднага дня роднай мовы.

#педагоги #роднаямова #диктант

Сёння вучні 11 "А" класа далучыліся да акцыі і напісалі Гродзенскі абласны дыктант да Міжнароднага дня роднай мовы.

#одиннадцатыеклассы #диктант #роднаямова

У межах Тыдня беларускай мовы ў школе прайшоў конкурс сачыненняў-эсэ “Люблю цябе такой, якая ёсць, зямля мая, зямля бацькоў святая!”.

Старшакласнікі падзяліліся сваімі думкамі па тэме. Кожны з іх захапляецца прыродай роднага краю і адзначае, што наша родная зямля – гэта самае прыгожае месца на свеце. Кожны імкнуўся перадаць захапленне сваёй малой радзімай – тым куточкам, дзе нарадзіўся і вырас, дзе жывуць яго бацькі, куды заўсёды хочацца вярнуцца. Кожны ганарыцца яе дасягненнямі і верыць у шчаслівую будучыню.

Усе работы заслугоўваюць высокай адзнакі. Аўтары лепшых работ: А. Блыш, Л. Арол, В. Вакульчык, П. Пузыр, В. Лапыцька.

#старшиеклассы #роднаямова #конкурс

У нашай школе прайшла акцыя «Роднаму слову прызнанне ў любовi».

Вучні 7 "А" класа з задавальненнем напісалі шчырыя прызнанні ў любові сваёй беларускай мове.
Яны прызнаваліся ў любові да мовы, называючы яе роднай, мілай, непаўторнай, старажытнай, скарынаўскай, мудрай, ласкавай, шчырай, казачнай, сваёй.

#седьмыеклассы #роднаямова #акция

21 лютага з нагоды Міжнароднага дня роднай мовы ў 8 "В" класе прайшоў абласны дыктант "Сімвал бязмерных выпрабаванняў беларусаў".

#восьмыеклассы #роднаямова #диктант

У Міжнародны дзень роднай мовы вучні 9 "В" класа прынялі ўдзел у літаратурна-этнаграфічнай віктарыне "Мой родны кут, як ты мне мілы" па паэме Я. Коласа «Новая зямля».

Вучні ўзгадалі гісторыю напісання твора, з цікавасцю адказвалі на пытанні, выконвалі творчыя заданні, дэкламавалі на памяць свае любімыя ўрыўкі з паэмы, высвятлялі, у чым актуальнасць твора для нашага часу.

Хутка бягуць гады... Але колькі б часу ні прайшло, заўсёды будзе жыць у памяці людзей Я. Колас – выдатны пісьменнік, без якога немагчыма ўявіць беларускую літаратуру. "Колас – гэта хлеб, гэта само жыццё". Якуб Колас прыйшоў да нас, каб сказаць: "Гэта мы – беларускі народ! Вось у чым наша веліч і несмяротнасць".

#девятыеклассы #роднаямова #викторина

У 3-х класах у гэты дзень прайшла iнфармацыйная гадзiна "З любоўю да родной мовы".

Мэтай мерапрыемства было выхаванне нацыянальнай свядомасцi, патрыятызму, павагi i любовi да беларускай мовы.

#начальныеклассы #роднаямова #информационныйчас

У гісторыі кожнай краіны самы адметны і значны след пакідаюць, як вядома, яе вялікія і знакамітыя асобы: уладары, асветнікі, гісторыкі, пісьменнікі, мастакі, музыкі і інш.

Каб бліжэй пазнаёміцца з жыццём асоб, якія з’яўляюцца гонарам Беларусі, 22 лютага ў 6 «А» класе прайшла інфармацыйная гадзіна «Славутыя сыны беларускай зямлі».

Кожны з вучняў класа падрыхтаваў цікавы матэрыял па тэме і выступіў з ім. Дзеці атрымалі шмат карыснай і цікавай інфармацыі пра славутых людзей нашай Радзімы, якая дапаможа ім пры вывучэнні гісторыі Айчыны, літаратуры і мастацтва.

#шестыеклассы #роднаямова #информационныйчас

У рамках тыдня роднай мовы вучні 7 "Б" класа прынялі актыўны ўдзел у інтэрактыўнай віктарыне "Знаўцы роднай мовы".

Дзяўчынкі і хлопчыкі з задавальненнем выконвалі заданні: перакладалі словы на беларускую мову, разгадвалі рэбусы, адгадвалі загадкі і крыжаванкі.

На працягу ўсяго мерапрыемства прысутнічаў дух спаборніцтва і панаваў святочны настрой. Вучні засталіся задаволенымі і атрымалі шэраг станоўчых эмоцый і ўражанняў.

#седьмыеклассы #роднаямова #викторина

З мэтай распаўсюджвання і папулярызацыі беларускай нацыянальнай гісторыі, культуры, традыцый і мовы праз цікавую гульнявую форму з вучнямі 6 "Б" класа была праведзена інтэрактыўная гульня "Ці ведаеш ты Беларусь?". Шасцікласнікі з задавальненнем выконвалі заданні, праяўляючы інтэлектуальныя здольнасці, маўленчую культуру, паглыблялі свае веды.

Пры падвядзенні вынікаў вучні прыйшлі да высновы, што такія мерапрыемствы даюць магчымасць у чарговы раз напомніць пра тое, што мы – беларусы і нашай роднай мовай з'яўляецца беларуская мова. Гэта тое невычэрпнае багацце, якое перадаецца нам з паклення ў пакаленне і суправаджае нас усё жыццё.

#шестыеклассы #роднаямова #игра

У рамках Тыдня роднай мовы вучні 5 "В" класа прынялі ўдзел у акцыі "Чытаем класіка разам" з вершам А. Куляшова "Камсамольскі білет".

Таксама дзеці паўдзельнічалі ў конкурсе малюнкаў па творах беларускіх пісьменнікаў.

#пятыеклассы #роднаямова #акция