Парк высокіх тэхналогій запрашае педагагічных работнікаў устаноў дашкольнай і агульнай сярэдняй адукацыі Беларусі прыняць удзел у адкрытым конкурсе #STEM-праектаў

⏺ Мэта конкурсу - абагульненне і распаўсюджванне перадавога вопыту па ўкараненні STEM-падыходу ў адукацыйны працэс для развіцця ў навучэнцаў цікавасці да навукова-тэхнічнай, даследчай і інавацыйнай дзейнасці.

Конкурс праводзіцца ў намінацыях «Дашкольнік у свеце STEM» і «Stem-педагог». На конкурс прымаюцца індывідуальныя і камандныя работы, якія прадстаўляюць апісанне заняткаў з выкарыстаннем STEM-падыходу ва ўстановах дашкольнай адукацыі, а таксама апісанне STEM-праектаў для навучэнцаў I-VIII класаў. Пераможцы ўзнагароджваюцца дыпломамі I, II і III ступені і каштоўнымі прызамі ад Парку высокіх тэхналогій.