Bugun Surxondaryo viloyati hokimi Ulug‘bek Qosimov Termiz shahridagi “San’at saroyi” majmuasida tashkil etilgan tadbirda hududlarda aholining madaniy hordiq olishi uchun xizmat ko‘rsatish sifatini oshirish, madaniyat bo‘limlarining moddiy-texnika bazasi hamda sharoitlarini yaxshilash maqsadida Madaniyat vazirligi tomonidan ajratilgan 6 ta "Damas" avtomashinasi kalitlarini tuman Madaniyat bo‘limlariga tantanali topshirdi. Shuningdek, ushbu madaniyat bo‘limlariga 5 turdagi musiqa asboblari ham berildi.

Eslatib o‘tamiz, 2023-yil dekabr oyida Termiz shahri va beshta tuman madaniyat bo‘limlariga xizmat avtomashinalari topshirilgan edi.

Shundan so‘ng, viloyat rahbari O‘zbekiston Respublikasi davlat mustaqilligining 33 yilligi shodiyonalariga tayyorgarlik jarayonlari hamda viloyatning asosiy bayram dasturi taqdimotlari bilan tanishdi. Soha mas’ullari va mutasaddilarga bayram tadbirlariga yuqori saviyada hozirlik ko‘rish yuzasidan vazifalar belgilab berildi.

Tadbir yakunida joriy yil 27-30-iyun kunlari Jizzax viloyatida o‘tkazilgan II xalqaro maqom san’ati anjumanida Surxondaryo viloyatining tashkiliy va ijodiy jamoasining faol ishtiroki uchun sharoitlar yaratib berganligi uchun viloyat hokimiga Madaniyat vazirligining tashakkurnomasi topshirildi.

#Surxondaryo #Madaniyat #xizmatavtomashinalari #bayramdasturi #taqdimot

Telegram | Facebook | Instagram | YouTube | Web-site | X

Surxondaryo viloyati hokimi Ulug‘bek Qosimov turizm, madaniy meros, madaniyat va sport yo‘nalishlari hamda xotin-qizlar bilan ishlash, ularning bandligini ta’minlash borasida amalga oshirilayotgan ishlar bilan tanishish maqsadida Boysun tumaniga tashrif buyurdi.

Tashrif davomida “Uzundara” istehkomida arxeologik izlanishlarning borishi, 21 nafar “daftarlar”da turgan, ishsiz xotin-qizlarning bandligi ta’minlangan “Feruza” tikuvchilik korxonasi, mahalla idorasi, sport klubi, umumiy ovqatlanish va savdo nuqtasi hamda o‘quv markazini o‘z ichiga olgan majmua faoliyati bilan tanishildi.

Shuningdek, viloyat rahbari ibratli oilalarning katta hayot ostonasiga qadam qo‘ygan, oila qurmoqchi bo‘lgan yoshlar bilan uchrashuvida ishtirok etdi.

Batafsil: https://surxondaryo.uz/blog/2172

#Surxondaryo #Uzundara #turizm #madaniyat #sport #xotinqizlar #bandlik

Telegram | Facebook | Instagram | YouTube | Web-site | X

Bugun Surxondaryo viloyati hokimi Ulug‘bek Qosimov Termiz shahrida joylashgan “San’at saroyi” majmuasining yozgi amfiteatr maydonida O‘zbekiston Respublikasi davlat mustaqilligining 33 yilligi bayrami dasturlariga tayyorgarlik jarayonlarining borishi bilan tanishdi.

Shuningdek, Jayxun va “Abdulla Avloniy” mahallalarida topshiriqlar ijrosi, hududni obodonlashtirish, infratuzilmani yaxshilash ishlarining borishi ko‘zdan kechirildi hamda 11-sonli davlat maktabgacha ta’lim tashkiloti faoliyati bilan tanishilib, bolalarni sog‘lom ovqatlantirish holati o‘rganildi.

Batafsil: https://surxondaryo.uz/blog/2179

#Surxondaryo #Mustaqillikbayrami #mahalla #infratuzilma #bogcha

Telegram | Facebook | Instagram | YouTube | Web-site | X

Surxondaryo viloyati hokimi Ulug‘bek Qosimov turizm, madaniyat, madaniy meros va ommaviy kommunikatsiyalar hamda oila va xotin-qizlar yo‘nalishida amalga oshirilayotgan ishlar bilan tanishish maqsadida Termiz shahridagi qator qurilish obyektlarida bo‘ldi.

Xususan, Termiz shahri hududida “Yusufbek Surxon Baraka” OK tomonidan qurilayotgan 40 o‘rinli, “JAVOHIRBEK SURXON QURILISH” xususiy korxonasi tomonidan qurilayotgan 100 o‘rinli hamda “TOShKENT TERMIZ HAMKOR” MChJ tomonidan qurilayotgan 200 o‘rinli mehmonxona qurilishi hamda hunarmand xotin-qizlar tomonidan tayyorlangan milliy kiyimlar, zardo‘zlik mahsulotlari va Surxoncha do‘ppilar ko‘rgazmasi bilan tanishildi.

Shuningdek, Termiz shahri va tumanlarda “Namunali madaniyat markazlari”ni tashkil etish masalalari muhokama qilindi.

Batafsil: https://surxondaryo.uz/blog/2209

#Surxondaryo #Termiz #mehmonxona #hunarmandchilik

Telegram | Facebook | Instagram | YouTube | Web-site | X

Surxondaryo viloyati hokimi Ulug‘bek Qosimov haftalik ish rejasining juma kuniga mo‘ljallangan tashrif yo‘nalishiga asosan Termiz shahri, Termiz va Angor tumanlarida turizm, madaniyat, madaniy meros va ommaviy kommunikatsiyalar hamda xotin-qizlar yo‘nalishlarida amalga oshirilayotgan ishlar bilan tanishdi.

Xususan, Termiz shahri Tuproqqo‘rg‘on mahallasida obodonlashtirish ishlari ko‘zdan kechirilib, Ichki ishlar bo‘linmasida Termiz shahri, Termiz va Angor tumanlari Ichki ishlar bo‘limlari boshliqlarining ayollar jinoyatchiligini jilovlash yuzasidan axborotlari tinglandi. Shu yerning o‘zida “Xo‘jaipok turizm zonasi va sihatgohi” qurilishi bo‘yicha taqdimot ham ko‘rib chiqildi.

Shuningdek, Termiz va Angor tumanlarida “Yoshlar va turizm ko‘cha”larini barpo etish hamda tanlab olingan madaniyat markazlarini loyihaga asosan namunali madaniyat markaziga aylantirish ishlari bilan tanishildi.

Batafsil: https://surxondaryo.uz/blog/2215

#Surxondaryo #turizm #xotinqizlar #taqdimot #loyihalar #qurilish

Telegram | Facebook | Instagram | YouTube | Web-site | X