🔴 🟦🟦🟦🟦

❓ Германияда ишлаш истагида бўлган ҳамшираларга қандай талаблар қўйилган?

✅ Хабар берганимиздек, хорижда фаолият олиб бориш истагида бўлган ўзбекистонлик малакали ўрта тиббиёт ходимлари Германия Федератив Республикасининг нуфузли клиникаларига умумий ҳамшира ҳамда психиатрик ҳамшира сифатида ишлаш учун таклиф этилмоқда.

❓ Хўш, ушбу дастурда қатнашувчи номзодларга қандай талаблар қўйилган?

✅ Аввало, номзодлар 39 ёшдан ошмаган, даволаш соҳасида камида 2 йиллик доимий иш тажрибасига эга бўлиши лозим.

❌ Стоматолог, ўқитувчилик ва доришунослик соҳасида фаолият юритган мутахассислар қабул қилинмайди.

👩‍⚕️ Психиатрия бўлимида ишлаш учун номзодлар касалхона ёки клиниканинг исталган бўлимида камида 2 йиллик тажрибага эга ва Германияда психиатрия бўйича ишлаш истагини билдирган ҳамширалар орасидан танланади.

‼️ Бундан ташқари, немис клиникаларида ишлаш ниятидаги ҳамшираларимиз тиббиёт коллежи ёки техникумини (фақат 3 йиллик диплом) тамомлаган бўлиши шарт.

🤗 Қолаверса, беморларга ғамхўрлик қилиш қобилияти — энг муҳим талаблардан бири.

📖 Тошкент, Андижон, Наманган, Қарши ва Ангрен шаҳарларида ташкил этиладиган немис тили курсларида 10 ой давомида иштирок этиш талаб этилади (икки босқичли танловлардан муваффақиятли ўтганлар дастурда қатнаша олади).

🟣 Номзодлар немис тили курсларида иштирок этаётган вақтда меҳнат фаолияти билан шуғулланмаслиги зарур.

💻 Кейинги навбатда Тошкент шаҳридаги Гёте институти имтиҳонларидан муваффақиятли ўтиши шарт.

🏠 Лойиҳада иштирок этишни истаган фуқароларга Тошкент шаҳрида бепул тураржой, техник жиҳозланган ўқув хонаси берилади.

❓ Хўш, барча имтиҳонлардан муваффақиятли ўтган ҳамширалар Германияда қанча миқдорда маош олади? Уларга қандай иш шароити ва имкониятлар яратиб берилади?

‼️ Материалнинг навбатдаги қисми шунга бағишланади.

Соғлиқни сақлаш вазирлиги
Матбуот хизмати.

🌐@ssvuz  | 🌐@ssvmatbuotkotibi |🌐 Facebook | 🌐Instagram

🔴 🟦🟦🟦

Ўзбекистон халқига Рамазон ҳайити табриги
—
Поздравление народу Узбекистана с праздником Рамазан хайит

🌐@ssvuz  | 🌐@ssvmatbuotkotibi |🌐 Facebook | 🌐Instagram