7⃣ лютага адзначаецца народнае свята Рыгораў дзень.

📌 У праваслаўным календары гэта дзень ушанавання памяці Рыгора Багаслова.

🎭 Народныя традыцыі:

🔸У гэты дзень нельга сварыцца, асуджаць і гаварыць дрэнныя словы пра іншых людзей.
🔸Нанесеныя крыўды запомняцца надоўга.
🔸Які дзень з раніцы да поўдня, такая і першая палова наступнай зімы, а з поўдня да вечара - другая палова.
🔸Чым больш добрых спраў зробіш у гэты дзень, тым лепш. Але рабіць дабро варта таемна.
🔸Хваліцца перад людзьмі за добрыя ўчынкі - вялікі грэх.
🔸Усё дрэннае, што сарвалася з вашых вуснаў у гэты дзень, у хуткім часе можа спраўдзіцца.
🔸Разлілі малако 7 лютага - да вялікай і раптоўнай радасці.

Яшчэ больш чытайце тут.

📚 У народзе кажуць:

🔹Сарока садзіцца на ніжнія галіны дрэў - да ветру.
🔹Зоркі ✨мігочуць - да марозу і віхуры.
🔹Чуваць шчэбет сініц за акном - да маразоў.
🔹Моцны снегапад❄️ - да ранняй і доўгай восені.
🎂Тым, што нарадзіўся 7 лютага, варта насіць хрызаліт.
#народныкаляндар
#сш34

8⃣ лютага адзначаецца народнае свята Фёдар-памінальнік.

📌У гэты дзень
ушаноўваюць памяць вялебнага Хведара Студыта.

🎭 Народныя традыцыі:

🔸 Нябожчыкі, якія вельмі сумуюць, могуць пакінуць замагільны свет і наведаць жывых сваякоў.
🔸Гэта тычыцца тых, хто забыўся пра іх, даўно не наведваў магілы і не ставіў свечкі.
🔸Каб гэтага не адбылося, існуе шмат абрадаў: пакладзеная пад парог сякера, накрэсленыя на вокнах крыжы.
🔸Заказвалі малебен, асвяшчалі дом і двор святой вадой.
🔸Гэты дзень называлі яшчэ «гарохавым», бо па гароху прадказвалі надвор'е.
🔸Пажадана было пакарміць птушак са словамі: «Сабе клюйце, мне грашыма плюйце».

Яшчэ больш чытайце тут.

📚 У народзе кажуць:

🔹Ясна і няма ветру - вясна настане рана і не будзе халоднай.
🔹 Калі сініца з раніцы спявае, то зіма яшчэ не прыйдзе.
🔹Калі рассыпаны на талерку гарох звонка коціцца, гэта да маразоў, а калі глуха, пойдзе снег.

🎂Людзі, народжаныя ў гэты дзень, елі гарохавую кашу, каб мець сілы ўвесь будучы год. Насіць ім варта алмаз.
#народныкаляндар
#сш34

9⃣ лютага адзначаецца народнае свята Златавустава вогнішча.

📌У царкоўным календары гэта дзень ушанавання памяці багаслова Іаана Златавуста.

🎭 Народныя традыцыі:

🔸Маліліся пра асвету розуму і аб уразуменні духоўнай граматы, а таксама аб дапамозе ў роспачы.
🔸Шанавалі агонь у печы, які замяшчаў сонечнае святло ў зімовы час.
🔸Рабілі гэта, каб заклікаць у дом здароўе і дабрабыт, а на палі - урадлівасць.
🔸Запаліць у печы трэба было так, каб разам заняліся ўсе палены.
🔸Пажадана было ў гэты дзень пазбягаць парэзаў, апёкаў і траўм.
🔸 Не раілі рабіць пакупкі, дарыць падарункі і мыць галаву.

Яшчэ больш чытайце тут.

📚 У народзе кажуць:

🔹Калі аблокі ☁️ідуць супраць ветра, гэта да снегу❄️.
🔹 Шкло пацее - да цяпла.
🔹Белы месяц🌙 - да халоднага надвор'я, чырвоны - да ветранага.
🔹На сумётах закругленыя грабяні, а на палях снежныя хвалі - да багатага ўраджаю.
🎂Людзі, якія нарадзіліся 9 лютага, захавальнікі дабрабыту. Насіць ім варта алмаз.
#народныкаляндар
#сш34

1⃣0⃣ лютага адзначаецца народнае свята Яфрэмаў дзень.

📌 У гэты дзень успамінаем хрысціянскага багаслова і паэта Яфрэма Сірына.

🎭 Народныя традыцыі:

🔸На Яфрэма не забівалі насякомых, якія жылі ў хаце.
🔸 Падмяталі падлогу венікам з палыну, які мог зберагчы хату ад нячыстай сілы і злых людзей.
🔸Дзень Яфрэма Сірына звязваўся з дамавіком.
🔸Калі дамавік паказваўся каму-небудзь з дамачадцаў, гэта абяцала хваробу ці смерць.
🔸Па павер'ях, дамавік плача перад няшчасцем, тупае ці крычыць, калі сярдуе.
🔸Дамавік не любіць сварак і неакуратных людзей. Іх ён карае, палохаючы па начах і ствараючы ў хаце беспарадак.
🔸Казалі, што кошка🐱 - гэта гаспадыня дома, і яна можа зладзіць з дамавіком.

Яшчэ больш чытайце тут.

📚 У народзе кажуць:

🔹Калі на вуліцы вецер 💨гуляе, летам будзе шмат дажджоў🌧.
🔹Паветра над лесам стала сінім - да хуткага цяпла.
🔹Чарнее не паветра, а сам лес - таксама да цяпла.
🎂Тым, хто нарадзіўся 10 лютага, дапамагае дамавік і беражэ ад бед. Насіць ім варта бурштын.
#народныкаляндар
#сш34