💯  Мастацтва выразання ажурных папяровых узораў мае даўнюю гісторыю, звязаную з вынаходніцтвам паперы ў старажытным Кітаі. У познім сярэднявеччы праз Персію і Турцыю папяровыя карункі трапляюць у Еўропу і ў XVIII–XIX стагоддзях былі ўжо вядомыя амаль на ўсёй яе тэрыторыі. Так, у беларускім шляхецкім асяроддзі былі пашыраны «сілуэты» – выразаныя з чорнай паперы сілуэтныя партрэты, фігуркі людзей і нават складаныя сюжэтныя кампазіцыі, якімі аздаблялі інтэр"еры, дамскія альбомы, выкарыстоўвалі як падарункі.