#СучаснаяБеларусь

У Беларускім дзяржаўным універсітэце распрацавалі ўдасканаленае антыстатычнае падлогавае пакрыццё

Ідэя праекта належыць вядучаму навуковаму супрацоўніку лабараторыі хіміі тонкіх плёнак Навукова-даследчага інстытута фізіка-хімічных праблем БДУ Яўгену Аводку.
Новая распрацоўка заклікана вырашыць праблему бяспекі, звязаную з назапашваннем электрастатычных зарадаў у памяшканнях.

Асаблівасцю распрацоўкі БДУ з’яўляецца ўнікальны склад пакрыццяў, размова ідзе аб выкарыстанні вугляродных нанатрубак у якасці дабаўкі ў матэрыял. Цяпер жа пачата вытворчасць матэрыялаў, якія выкарыстоўваюцца для ўстаноўкі распрацаванага падлогавага антыстатычнага пакрыцця, на адным з беларускіх прадпрыемстваў. У планах выкарыстанне новаўвядзення БДУ ў электроннай прамысловасці, медыцынскіх установах, на вытворчасцях з моцным пылаўтварэннем, а таксама на экалагічна чыстых вытворчасцях

Крыніца https://zviazda.by/be/news/20240128/1706454085-u-bdu-raspracavali-udaskanalenae-antystatychnae-padlogavae-pakryccyo

#СучаснаяБеларусь

Беларусы паказалі ў Маскве новы аўтобус, які пераехаў заходнія санкцыі

Мінскі аўтазавод працягвае пераводзіць мадэльны рад пасажырскай тэхнікі на сакцыённа ўстойлівую агрэгатную базу. Чарговая навінка на гэтым тыдні была прадэманстравана на выставе NAIS-2024 ў Маскве - перонны аўтобус МАЗ-271047.

Новы пероннік упершыню быў паказаны яшчэ ў 2020 годзе. Тады ўзор быў аснашчаны дызельным рухавіком Mercedes і аўтаматычнай каробкай перадач Alison. На той час МАЗ выпусціў восем машын гэтай мадэлі.
Аднак пасля ўвядзення санкцый пра гэтыя рухавікі і аўтаматы можна было забыцца.

Энтузіязм беларускіх наватараў зламаць не ўдалося, "мазаўцы" вырашылі пераадолець санкцыённыя абмежаванні за кошт электрычнасці.
Скончылася гэта мінулагодняй прэзентацыяй элекробуса МАЗ-271Е

На гэтым вынаходлівыя беларусы не спыніліся, для пакупнікоў была патрэбна і дызельныя версія. Для іх распрацавалі МАЗ-271047, якому санкцыі не страшныя: навінка аснашчана 240-сілавым рухавіком і аўтаматычнай 6-ці ступенчатай каробкай перадач беларускай вытворчасці.

А калі ўлічыць, што Мінскі аўтазавод - адзіны вытворца перонных аўтобусаў ў ЕЭАС, у новага МАЗ-271047 адбою ад кліентаў не будзе.

#СучаснаяБеларусь
#ПобытБеларусі
#Рамёствы

У Расіі зараз у моду ўваходзяць какошнікі, зразумела, у сучасным варыянце. Бачу, што папулярныя блогеры, прадпрымальнікі, артысты носяць гэты аксесуар. Дызайнеры моды робяць акошнік элементам сваіх калекцый.

І была думка, вось бы і які небудзь элемент беларускага касцюма набыў новае жыццё і стаў папулярным сярод моладзі. Аж раптам во яно! Ёсць! Беларускія майстрыцы робяць гарлячкі з бісеру і паспяхова прадаюць іх нават за мяжу!

Гарлячка — шыйнае ўпрыгажэнне з бісеру, якое штодзённа насілі жанчыны Гомельшчыны ў мінулым стагоддзі.

Бісер на тэрыторыю сучаснай Беларусі завозілі з ранняга жалезнага веку. З I ст. да н. э. — I ст. н. э. у нас пачалі вырабляць разнастайныя шкляныя пацеркі, якія потым выкарыстоўвалі для шыйных упрыгажэнняў, нанізваючы на шнуркі або конскі волас, для аздаблення металічных упрыгажэнняў, вопраткі і рытуальных прадметаў.

Аднак выпляталі з бісеру толькі на Гомельшчыне, а менавіта ў Веткаўскім і Брагінскім раёнах. Там у канцы XIX — пачатку XX стст. распаўсюдзіліся шыйныя ўпрыгажэнні з бісеру пад рознымі назвамі — кружкі, лавачкі, пляцёнкі і гарлячкі. Гарлячкі плялі па ўсёй акружнасці шыі або толькі на пярэднюю частку.
Узоры звычайна паўтаралі арнамент на абрусах, кашулях, ручніках. Тыповыя назвы такіх узораў: «Казёл», «Павук», «Капейка», «Вочка».

#СучаснаяБеларусь

Трохвугольная царква ў Вялікай Сваротве.

Размяшчэнне: Брэсцкая вобл., Баранавіцкі р-н, в. Вялікая Сваротва;
Адлегласць: Брэст 220 км, Мінск 160 км;
Каардынаты: 53.373440, 25.767447

Самая распаўсюджаная версія будаўніцтва храма такой незвычайнай формы гаворыць аб тым, што ён прызначаўся для малітваў прадстаўнікоў адразу трох канфесій.

Уніяты, праваслаўныя і каталікі маглі выкарыстоўваць асобныя ўваходы, а алтар быў усталяваны пасярэдзіне.

Траецкую царкву напаткаў сумны лёс. У 1943 годзе яна была спалена партызанамі, якія баяліся, што будынак у якасці ўмацавання выкарыстоўваюць немцы. Храм адноўлены сіламі святара Георгія Сапуна і неабыякавых прыхаджан. Тут і зараз тры ўваходы: праўда, выкарыстоўваецца толькі адзін, а алтар пасля пераасвячэння перанеслі на ўсход.

#СучаснаяБеларусь

Як прайшоў Дзень горада ў Мінску?

Фуры, квадроберы, рыцыры, шляхта, радасныя дзеці - усё, што прыводзіць у дзікі лямант турба-актывістаў!

Для астатніх беларусаў - вясёлае і разнастайнае свята з забаўляльнымі мерапрыемствамі на любы густ!

На тым дабранач усім!

Крыніца відэа