Дзень народзінаў Ларысы Геніюш❤️

9 жніўня 1910 года нарадзілася цудоўная беларуская паэтка, пісьменніца і грамадская дзяячка.

Сёння выдатны дзень, каб прыгадаць некаторыя творы нашай паэткі:

💎„Куфар”

💎„Даўніна”

💎„Вершы. Рукапісны зборнік 1945-1947гг.”

Іншыя цікавыя матэрыялы пра Ларысу Геніюш глядзіце тут.

#дзень_у_гісторыі

🚙 Заплануйце паездку па музеях Беларусі

Вось некалькі ідэй:

💎Дом-музей Марка Шагала ў Віцебску. Паглядзіце на архіўныя дакументы і асабістыя рэчы мастака і яго сям’і. Экспанаты для калекцыі падбіралі з дапамогай серыі малюнкаў, якую сам Марк Шагал і стварыў (па памяці адлюстраваў інтэр'еры бацькоўскага дома). Таксама завітайце ў Арт-Цэнтр Марка Шагала, дзе знаходзіцца адна з найбуйнейшых калекцый мастака ў свеце (больш за 300 арыгінальных графічных работ і рэпрадукцыі самых вядомых карцін).

💎Стары і Новы замкі ў Гродне. Натхніцеся месцам, дзе праходзілі знакавыя сустрэчы, гучныя палітычныя падзеі і шыкоўныя балі. Стары і Новы замкі — адзіныя манаршыя рэзідэнцыі, якія захаваліся на тэрыторыі Беларусі. Ну і абавязкова знайдзіце час пагуляць па цудоўным горадзе, напоўненым асаблівай атмасферай.

💎Палац Пуслоўскіх у Косаве — «рыцарская мроя», унікальны помнік неагатычнай архітэктуры 19-га стагоддзя. Завітайце не толькі ва ўнутраныя пакоі будынка, але і пашпацыруйце вакол замка. Таксама наведайце музей-сядзібу Тадэвуша Касцюшкі.

💎Сядзіба Козел-Паклеўскіх. У вёсцы Чырвоны Бераг, недалёка ад Жлобіна знаходзіцца самая незвычайная сядзіба ў Беларусі і выглядае як дэкарацыя для фэнтэзійнага фільма. У палацы размешчаны філіял Жлобінскага гісторыка-краязнаўчага музея, дзе можна паглядзець прадметы і дакументы, што раскрываюць гісторыю сям'і ўладальнікаў і стварэння сядзібы, яе архітэктурныя асаблівасці, а таксама побыт і традыцыі дваран пазамінулага стагоддзя.

💎Дудуткі. Месца, вядомае хіба што ўсім, але не ўсе там былі! А варта! Тут можна пашпацыраваць па парку, даведацца новае пра старадаўні народны побыт у музеях, паўдзельнічаць у майстар-класах, паспрабаваць смачныя стравы і напоі, пакатацца на конях.

💎Быхаўскі замак. Доўгі час паселішча належала князям і ўплывовым магнатам: князю Свідрыгайлу, роду Гаштольдаў, гетману Вялікага Княства Літоўскага Яну Каралю Хадкевічу, сям’і Сапегаў. Захаваліся толькі часткі роваў, бастыёнаў, сцены палаца, але і яны выдатна перадаюць дух былой велічы. Таксама зручна, што вакол замка зрабілі сцежкі, усталявалі ліхтары і паставілі лаўкі, дзе можна спакойна пабыць у сваіх думках.

#жнівеньскі_адвэнт

🎥 Паглядзіце фільмы, прасякнутыя атмасферай школьнага жыцця!

Школьныя гады — гэта час адкрыццяў, выпрабаванняў і незабыўных момантаў. Прапануем вам 6 фільмаў па-беларуску, якія перанясуць вас у атмасферу школьнага жыцця з розных куткоў свету. Ад магічных прыгодаў да рэалістычных гісторый — дакладна знойдзеце нешта для сябе!

🌟 Уэнздэй / Wednesday (2022). Захапляльны серыял пра Уэнздэй Адамс, якая трапляе ў Акадэмію Невермар. Тут яна спрабуе авалодаць сваімі здольнасцямі, спыніць серыю забойстваў і раскрыць таямніцу, звязаную з яе бацькамі.

🌟 Джуна / Juno (2007). Кранальная і часам камічная гісторыя пра 16-гадовую Джуну, якая нечакана зацяжарыла. Фільм паказвае, як яна справілася з гэтай сітуацыяй, прымаючы складаныя рашэнні і сутыкаючыся з рэакцыяй атачэння.

🌟 Ўаджда / Wadjda (2012). Кранальны фільм пра 10-гадовую дзяўчынку з Саўдаўскай Аравіі, якая марыць пра ровар, нягледзячы на культурныя забароны. Гэта гісторыя пра смеласць, упартасць і барацьбу за свае мары.

🌟 Сэрца альфабэтам Брайля / Le coeur en Braille (2016). Французская драма пра сяброўства паміж талентавітай віяланчэлісткай Мары, якая губляе зрок, і Віктарам, яе аднакласнікам. Разам яны змагаюцца з выклікамі і знаходзяць новыя шляхі для рэалізацыі імкненняў Мары.

🌟 Гары Потэр і філасофскі камень / Harry Potter and the Sorcerer’s Stone (2001). Першы фільм вядомай серыі, які знаёміць нас з малым чараўніком Гары Потэрам. Гледачы разам з галоўным героем адкрываюць чароўны свет, трапляюць у школу чараўніцтва Хогвартс і сутыкаюцца з першымі прыгодамі і небяспекамі ў новым жыцці Гары.

🌟 Мост у Тэрабітыю / Bridge to Terabithia (2007). Чароўная і кранальная гісторыя пра сяброўства паміж Джэсам і Лэслі, двума самотнымі школьнікамі, якія ствараюць уяўны сусвет — Тэрабітыю. Фільм даследуе тэмы ўяўлення, сяброўства і сутыкнення з рэальнасцю, прапануючы гледачам незабыўнае падарожжа ў свет дзіцячых фантазій.

#жнівеньскі_адвэнт

📝 Напішыце сабе ліст, які прачытаеце напрыканцы навучальнага года

У настаўнікаў, акрамя новага года, ёсць яшчэ адзін дзень, калі можна пачаць усё з пачатку. Скарыстайцеся гэтым! Выдзеліце час для сябе, адключыце тэлефон, вазьміце нататнік, які так шкадавалі😉, і пачніце пісаць усё, што прыходзіць у галаву. Калі складана, скарыстайцеся наступнымі пытаннямі:

💎Які/якая я цяпер? Якім/якой бачу сябе напрыканцы навучальнага года? Што я хачу ў сабе змяніць? (апішыце самадчуванне)
💎Што мяне натхняе?
💎Што прыносіць мне радасць і задавальненне?
💎Якія навыкі хачу засвоіць?
💎Чым я займаюся ў вольны час і чым хачу займацца?
💎У якіх актыўнасцях хачу паўдзельнічаць? (трэнінгі, семінары, конкурсы і іншае)
💎Якія новыя мясціны я хачу наведаць?
💎Чаму новаму я навучу дзяцей сёлета?
💎Як я буду клапаціцца пра сябе?

І дадайце матывуючы наказ, напрыклад:

„Даражэнькі/даражэнькая! Ты з усім справішся і ўсё атрымаецца. Гэты год будзе выдатным, поўным на пазітыўныя эмоцыі і цудоўныя моманты. Ты малайчынка!

З любоўю і верай у цябе!
Твой/твая я❤️”.

#жнівеньскі_адвэнт

Доступно приложение к ИМП по физкультуре!

💪 Приложение доступно на Национальном образовательном портале и ждет своих читателей!

Таким образом, на данный момент доступны приложения к ИМП по всем учебным предметам. Их можно посмотреть как на образовательном портале, так и в нашем недавнем посте.

Коллеги, много ли изменений по вашим учебным предметам в этом году?

📚Зладзьце дзень англійскай мовы

Вось некалькі ідэй, як правесці гэты дзень цікава і карысна:

🔖Паглядзіце кіно ў арыгінальнай агучцы, а калі цяжка ўспрымаць толькі на слых, дадайце субтытры (таксама англійскія).

🔖Пачытайце кнігу на англійскай мове, якую раней чыталі на рускай ці беларускай.

🔖Перакладзіце любімую песню (калі таксама даўно слухайце нейкі трэк, але не ведаеце яго сэнсу😅).

🔖Пачытайце навіны ў англамоўных выданнях.

🔖Паглядзіце інтэрв’ю з вашымі ўлюбёнымі артыстамі.

🔖Каб палегчыць выкананне пунктаў вышэй, загляніце на канал ВОТ ЭТО английский, дзе лінгвіст-перакладчык разбірае інтэрв’ю, песні, кіно, кнігі і іншае, дзеліцца цікавымі выразамі і словамі.

🔖Падцягніце праблемныя тэмы з BBC Learninig English, знойдзеце лёгкія і кароткія відэа на розную тэматыку.

🔖Дамоўцеся з сябрамі і сяброўкамі на каву, дзе будзеце размаўляць толькі па-англійску (спачатку будзе складана, але смех і добры настрой гарантаваны😉).

🔖Паглядзіце ці паслухайце лекцыі TED на цікавую вам тэму.

🔖Паспрабуйце сфармуляваць свае ўражанні за дзень і выпішыце іх у нататнік.

#жнівеньскі_адвэнт

Дзень народзінаў Караля Чапскага

Граф Караль Чапскі — дзяржаўны дзеяч, мінскі гарадскі галава, прадпрымальнік, філантроп, буйны землеўладальнік.

Цікавыя факты:

🌟 Уваходзіў у лік самых багатых мінчан. Валодаў 10 будынкамі ў сталіцы.

🌟 Вельмі шмат зрабіў для Мінска: пры ім правялі электрычнае асвятленне, мінчане пачалі карыстацца тэлефонам, з’явілася конка, будавалі дарогі, масты, тэатры і бібліятэкі, бальніцы, гімназіі і шмат што яшчэ.

🌟 Па ініцыятыве Караля Чапскага ў Мінску стварылі шэраг грамадскіх і дабрачынных арганізацый, у тым ліку Таварыства аматараў спорту, Таварыства аховы жанчын, гарадского крэдытнага таварыства.

🌟 Чапскі шмат увагі надаваў развіццю сістэмы аховы здароўя і адукацыі гараджан.

🌟 Заробленыя грошы аддаваў у гарадскі скарб.

🌟 Стварыў бровар «Багемія» (цяпер «Аліварыя»).

🚗 Завітайце ў Станькава, каб паглядзець на сядзібна-паркавы комплекс, які належаў графу.

🎥 Паглядзіце відэа пра дасягненні Караля Чапскага.

#дзень_у_гісторыі

📚Знайшлі для вас 5 цікавых беларускіх кніг

💎«Князёўна Дарута, або Чалавечая кроў ліпучая» (Людміла Хейдарава) — раман-фэнтэзі па матывах гістарычных падзей сярэдзіны XVII ст. на тэрыторыі, якая адпавядае сучаснай Беларусі.

💎«Планета ў падарунак» — збонік апавяданняў і аповесцяў, якія апісваюць жыццё на іншых планетах, а таксама зямное, тое, што побач, але пры гэтым не меней цікавае і неймавернае.

💎«Прэм’ера» (Андрэй Горват) — у іранічнай і лірычнай аповесці персанажы стамляюцца быць кардоннымі фігуркамі, стараюцца не патануць у шматслойнасці існавання і вучацца казаць: "Je vis. Я жыву".

💎«Зачараваны скарб» (Іна Снарская). У гэтай кнізе жывуць родныя, суседзі, сябры з вёсак маленства пісьменніцы на Полаччыне. Кожны аповед напісаны сэрцам, з вялікай любоўю да сваіх герояў. Завяршае кнігу аповесць, прысвечаная памяці маці, яе няпростаму лёсу і каханню.

💎«Па той бок» (Зараслава Камінская). Па гэты бок, іншымі словамі, тут — таямнічае знікненне дзяўчыны і з’яўленне новых дадзеных, якія могуць перавярнуць уяўленне пра беларускіх традыцыйных лялек. А па той бок — тыя ж лялькі выконваюць свае магічныя абавязкі: абараняюць гаспадароў, дапамагаюць змагацца з нячысцікамі, але часам і самі ператвараюцца ў злыдняў. І як заўжды, калі дачытаеце кнігу, зможаце вырашыць, па які бок — вы.

#жнівеньскі_адвэнт

💰Падлічылі, колькі трэба грошай, каб сабрацца ў школу настаўніку(цы) гісторыі і грамадазнаўства

🔖Што трэба набыць (канцэлярыя і метадычныя матэрыялы):

🔸Друкаваныя сшыткі па гісторыі (5-11 класы) па адным экзэмпляры — 105,69
🔸Зборнік заданняў па грамадазнаўстве (9-11 класы) — 7,69
🔸Рабочыя сшыткі па грамадазнаўстве (9-11 класы) — 22,39
🔸Контурныя карты (5-9 класы) — 43,6
🔸Ручкі з аднолькавым стрыжнем (набор 5 шт) — 4,41
🔸Ручкі чырвоныя (2 шт) — 6,44
🔸Алоўкі простыя (набор 3 шт) — 4,20
🔸Ластык (набор 3 шт) — 2,29
🔸Папера (пачак) — 13 руб.
🔸Сашчэпкі (пачак) — 1,43
🔸Стэплер — 8,03
🔸Скобы (пачак) — 2,08
🔸Магніты (набор 10 шт) — 7,69
🔸Цвёрдыя папкі (3 шт) — 25,08
🔸Файлы (набор 50 шт) — 9,76

ВЫНІК — 263,78 руб.

(падлікі прыкладныя, спіс рэчаў складзены з меркаванняў некалькіх настаўнікаў)

Прайдзіце, калі ласка, апытанку ніжэй!

Калі ласка, адкажыце ў каментарах на наступныя пытанні:

🔹Ці вы ўжо набывалі неабходныя рэчы да школы?

🔹Што ўваходзіла ў ваш спіс? (Што плануеце набыць?)

🔹Колькі вы патрацілі? (Колькі плануеце патраціць?)

🔹Ці хапае даплаты, каб закрыць усе патрэбы?

Дзякуй! 🙂

☕️ Сустрэньцеся з калегамі і каляжанкамі

Пачатак навучальнага года ўсё бліжэй, таму заплануйце сустрэчу са сваімі калегамі і каляжанкамі, каб згадаць, што цікавага, смешнага, утульнага вы рабілі разам летась, і запланаваць тое ж самае сёлета!

Каманда "Настаўніцкай" падрыхтавала для вас некалькі ідэй (на прыкладзе Мінска), як можна правесці гэтыя сустрэчы:

📌 Схадзіце разам у кавярню на смачную каву ці гарбату

📌 Пагуляйце ў настольныя гульні ў адмысловых месцах

📌 Наведайце разам чайную цырымонію

📌 Завітайце вялікай настаўніцкай кампаніяй у кіно

📌 Наведайце тэатры

📌 Зайдзіце з калегамі і каляжанкамі ў бар і адпачніце напярэдадні навучальнага года

А калі горад вам не пасуе, збярыце калег і з'ездзіце разам на прыроду на 1-2 дні, у месцы, якія мы рэкамендавалі раней.

❗️Такі план можна рэалізаваць ў любым іншым горадзе. Выкарыстайце ідэі, напісаныя вышэй, альбо прыдумайце свае.

#жнівеньскі_адвэнт

👩🏼‍🏫 Чатыры онлайн-дошкі для працы настаўніка і рэпетытара

Візуалізаваны матэрыял вельмі добра дапамагае ўспрымаць інфармацыю і канцэнтравацца на ёй. Дзеці звыкліся да гаджэтаў, яркіх карцінак і відэа, таму, часам, дошкі з крэйдай ці з маркерамі ўжо недастаткова.

На дапамогу прыходзяць сэрвісы, дзе можна ў рэжыме онлайн запаўняць дошку, выкарыстоўваючы разнастайныя элементы. А калі вы рэпетытар і працуеце онлайн — гэта ўвогуле адна з самых неабходных рэчаў. Такія дошкі можна выводзіць на інтэрактыўныя экраны, паказваць праз праектар ці ноўтбук.

Падрыхтавалі для вас некалькі сэрвісаў, якія добра выконваюць гэту функцыю:

1️⃣ Дошкі ад МТС Лінк

Сэрвіс ад экасістэмы МТС для онлайн-урокаў, сустрэчаў, фіксавання важных дэталяў. Сумесная праца ў рэжыме рэальнага часу з магчымасцю дадаваць дакументы, спасылкі, малюнкі, відэа і рэакцыі.

2️⃣ Padlet

Сучасная, напоўненая карыснымі функцыямі онлайн-дошка. Праграма адразу прапануе прайсці онлайн-навучанне і рэкамендуе гатовыя шаблоны для дошкі. Можна дадаваць дакументы, файлы, выявы, галасавыя запісы, відэа, спасылкі, малюнкі. Ёсць убудаваная нейрасетка, якая па апісанні стварае малюнак.

3️⃣ Limnu

Гэтая онлайн-дошка адпавядае важнаму патрабаванню, якога часта бракуе ў онлайн сэрвісах, - рэалістычнасці. Надпісы і малюнкі маркерам Limnu выглядаюць як на рэальным вайтбордзе. На дошку можна дадаваць стыкеры, выявы, выбіраць розныя колеры і тыпы маркераў. Тое, да чаго вы прызвычаіліся на ўроках, зараз можна рабіць онлайн. У сэрвісе можна працаваць аднаму і групай.

4️⃣ Explain Everything

Онлайн-дошка дазваляе працаваць з ужо гатовымі шаблонамі, загружаць відэа, карцінкі і дакументы і ажыўляць іх праз анімацыі, галасавыя і відэа-каментары. Калі дзеці ўбачаць старанна падрыхтаваную вамі дошку, яны будуць у захапленні і ўключацца ў ваш урок!

#онлайн_магчымасці