Азалия белән Рэйхан — икесе дә Сарман урта мәктәбендә белем алачаклар. Берсенең сыйныф җитәкчесе Илмира Әхәтова булса, икенчесенеке — Гөлназ Гатина.
Миңа 6 яшь тулды. “Ләйсән” балалар бакчасына йөрдем, хәзер укырга керергә әзерләнәм. Тәрбиячеләребез — әбием Ләйсән, Альбина, Гөлфинә апалар минем яхшы укуымны теләп калдылар. Мәктәпкә барасы көнемне санап көтәм. Дүрт көннән мин укучы булачакмын. Хәрефләр таныйм, әзрәк саный беләм. Бик тә укырга өйрәнәсем килә. Әти-әниемне бишлеләр белән генә сөендерергә сүз бирәм, - диде кечкенә Азалия.
Рэйхан район үзәгенең “Сандугач” балалар бакчасын тәмамлады. Тәрбиячеләре Гөлшат Мостафина, Дания Әхкәмова аны 100гә кадәр санарга да өйрәткәннәр.
Мин хәрефләрне таныйм, әзрәк укый да беләм әле. Мәктәптә барасым килә тизрәк. Бакчада йөргәндә, йокларга яратмый идем. Мәктәптә анысы булмаячак, урра, - диде ул.
Бүләк букчасында беренче сыйныф укучысына кирәкле булган күп нәрсә бар. Күңелле әлифба, нота дәфтәре, көндәлек, альбом, буягычлар, төсле кәгазьләр, гуашь, пластилин, төсле карандашлар. Котлау открыткасына матур теләкләр дә язылган. “Кадерле Азалия (Рэйхан)! Сине 1 сентябрь — Белем көне белән котлыйм! Бу көнне синең өчен беренче кыңгырау чыңлый, син белем һәм яңа ачышлар дөньясына беренче адым ясыйсың. Алда сине могҗизалы тормыш, кызыклы очрашулар, мавыктыргыч сәяхәтләр көтә. Хәерле юл сиңа!”, диелә анда.
Булачак укучыларның әниләре Миләүшә Зарипова белән Гүзәл Бикмиева да бүләкләргә, җитәкчелек тарафыннан булган игътибарга сөенделәр. Матур теләкләргә без дә кушылабыз һәм нәни дусларыбызның “5” һәм “4”ле билгеләренә генә укуларын, сәламәт булуларын телибез.

Сарман районының мәгариф хезмәткәрләре дәүләт бүләгенә ия булдылар

Бүләкләнүчеләр арасында балалар бакчасы тәрбиячеләре дә, мәктәп укытучылары да бар.
Сарманның “Ләйсән” балалар бакчасы физик тәрбия инструкторы Арефьева Римма Хәниф кызына,
Сарман гимназиясенең туган тел һәм әдәбияты укытучысы Арсланова Гөлия Мөхәммәтлатыйп кызына,
Җәлил икенче санлы урта гомумбелем бирү мәктәбенең башлангыч сыйныфлар укытучысы Бариева Фәнүсә Фоат кызына,
Сарманның “Лилия” балалар бакчасы өлкән тәрбиячесе Хәсәншина Фирая Зәкәрия кызына,
Зур Нөркәй урта гомумбелем бирү мәктәбенең рус теле һәм әдәбияты укытучысы Хуҗина Миләүшә Рафис кызына “Россия Федерациясенең почетлы мәгариф хезмәткәре” исеме бирелде.

🎉 Район укытучыларына Мактау грамоталары тапшырылды 🎓

Үсеп килүче буынга белем һәм тәрбия бирү системасына зур өлеш керткәннәре һәм күпьеллык намуслы хезмәтләре өчен Татарстан Республикасы Мәгариф һәм фән министрлыгының Мактау грамотасы белән бүләкләнделәр:
🏆 Фәридә Фоат кызы Әхмәтшина – Зур Нөркәй балалар бакчасы тәрбиячесе,
📖 Резедә Илдус кызы Бәдертдинова – Илексаз төп гомумбелем бирү мәктәбенең рус теле һәм әдәбияты укытучысы,
⚛️ Лилия Ислам кызы Вәлитова – Сарман урта гомумбелем бирү мәктәбенең физика укытучысы,
🎨 Миләүшә Миргасыйм кызы Гарипова – Җәлил гимназиясенең рәсем сәнгате укытучысы,
🧪 Әлфия Нәҗиб кызы Кәлимуллина – Адлер Тимергалин исемендәге Иске Минзәләбаш төп гомумбелем бирү мәктәбенең биология, химия фәннәре укытучысы,
📜 Айгөл Роберт кызы Салихова – Җәлил икенче санлы урта гомумбелем бирү мәктәбенең тарих, җәмгыять белеме укытучысы. 👏