Хас бииирдии суруналыыс бэйэтэ ыскааптаах, үлэлиир дьоҕус муннуктаах. Үлэлиир усулуобуйа бэркэ тэриллибит. Араадьыйа салаатын уопуттаах суруналыыс Кира Курилова салайар. Ыытааччы Артур Габышев федеральнай ханааллары кытта бииргэ үлэлэһэр эбит.
Видеоператордар хосторугар биһигини "Вести Саха" биэрии киэн туттуута, оператор Алесандр Князев көрүстэ. "Саамай үчүгэй усулуобуйа биһиэхэ, оператордарга, тэриллибитэ. Араас тэрээһини устан кэлэн баран, үссэнэ, сынньана түһээт, эмиэ сүүрэбит" диэн кэпсээтэ Александр Князев.
"Вести Саха" саайтын көрбөт суруналыыс суох буолуохтаах. Икки тылынан (нууччалыы уонна сахалыы) тахсар сонуннары хайдах оҥороллорун туһунан сүүрбэччэ сыл бу тэрилтэҕэ үлэлээбит Антон Масалыкин билиһиннэрдэ.
"Вести Саха" саайтын көрбөт суруналыыс суох буолуохтаах. Икки тылынан (нууччалыы уонна сахалыы) тахсар сонуннары хайдах оҥороллорун туһунан сүүрбэччэ сыл бу тэрилтэҕэ үлэлээбит Антон Масалыкин билиһиннэрдэ.
"Вести Саха" биэрии сулуһа Ньургуйаана Феоктистова үлэтин олус сөбүлүүрүн туһунан санаатын үллэһиннэ.