​​"От избытка сердца уста глаголят"

Фигурное стихотворение Симеона Полоцкого (1629-1680 г.г.), посвященное рожденю царевича Фёдора Алексеевича, 1661 год.

Вся ведый Господь сердце испытует,
един Он тайны моя изследует.
Вся исполняй, и мене проходит,
весть помысл прежде, нежели ся родит.
Несть окна людем до тайны моея,
аще уст дверми не изявлю ея.
И безсмертныи Дуси мя не знают,
аще от изводств нечто познавают.
Совершенно же тайны моя знати
не изволи Бог кому-либо дати.
Тем же аз сам о тебе извещаю,
о Алексие, еже умышляю.
Иисус моя жизнь, Христу долженствую,
елико в себе аз благоимствую.
Целаго сердца Бог себе желает,
общника весма в нем не изволяет.
Разве кто вживе в бозе водворися,
с Богом во мой кров приди, вогнездися.
Божие все есмь точию, о Боже,
кого любиши, пущу в мое ложе.
Вем Алексия, солнце Руси всея,
любимца бытии утробы твоея,
Яко по тебе выну поборяет,
жизнь си на службу твою посвящает.
Тем здравства ему цело усердствую
и к тебе, Боже, о нем молебствую:
Даждь ему лета многа царьствовати,
вся сопостаты славно побеждати.
Спаси царицу пресветлу Марию,
даждь многа лета младу Алексию,
Даждь Феодору, даждь и Симеону,
даждь Иоанну с горнего Сиону.
Соблюди здравы дщери, сестри царски
и весь пресветлый сигклит государьский.
Укрепи, Боже, всю его державу,
умножи веру и разщири славу.
Даждь ему чада чад си увенчати
и в небе с ними венцы восприятии,
Да возопиет, Боже, славу тебе
с чады своими як зде, так и в небе.

#Московская_Русь
#искусство