📌Былтырғы Ұлттық құрылтайда көтерілген мәселелерге қатысты 9 заң қабылданды

Оның ішінде ойын бизнесін жарнамалауға тыйым салу, тарихи ескерткіштер мен табиғи нысандарды қорғау, әйелдер мен балаларды зорлық-зомбылықтан қорғау және батырлар есімін ұлықтау, есірткі қылмысына жазаны күшейту мен ономастика ережелерін жаңарту бастамалары бар.

Ел тұрғындары Ұлттық құрылтайдың халық пен билік байланысын нығайтатындығына оң пікір білдіруде.

📺@qazaqstantv

✍️Олжас Сүлеймен: Жастар арасында ұлттық спортты насихаттауымыз қажет

Team Qazaqstan жобасының жетекшісі Олжас Сүлеймен ұлттық спорт түрлерін кеңінен насихаттауға назар аударды.

Сондай-ақ, ол телеарналарда ұлттық спорт түрлерінің трансляциясын ұлғайтуды ұсынды.

📺@qazaqstantv

❗️«Ел тарихында есімі қалған әйелдердің рөлін насихаттауымыз керек»

Президент Қасым-Жомарт Тоқаевтың қатысуымен өткен Ұлттық құрылтайдың IV отырысында Мәжіліс депутаты, құрылтай мүшесі Жұлдыз Сүлейменова елге еңбегі сіңген, қазақ тарихында айрықша рөлі бар әйелдерді бүгінде насихаттап, дәріптеуіміз керек екенін айтты.

⚡️«Жаһандану заманында тұлға ретінде әйелдердің өнегесін ұрпаққа дәріптеуіміз қажет. Мұндай тұлға өте көп. Мысалы, Шоқан Уәлихановтың әжесі Айғаным 6 тілді жетік меңгерген. Кенесары ханның қарындасы Бопай ханымды, алғашқы дәрігер Аққағаз Досжанова және батыр қыздарымыздың өмірін үлгі етуіміз қажет. Олардың тағдырын неге сахнамаласқа деймін», - дейді депутат.

📺@qazaqstantv

Мемлекет басшысының атынан Ұлттық құрылтай қатысушыларына ауызашар берілді

«Ең алдымен, қасиетті Рамазан айында тұтқан оразаларыңыз қабыл болсын дегім келеді.

Сондай-ақ бүгін баршаңызды Әз-Наурыздың бастауы – Көрісу күнімен құттықтаймын! Халқымыз үшін қастерлі қос мерекенің қатар келуін бәріміз жақсылыққа балаймыз.

Осындай берекелі сәтте Көкше жерінде арнайы бас қостық. Ұлттық құрылтайдың кезекті отырысын өткіздік. Мазмұнды әрі мағыналы жиын болды. Көптеген салмақты ұсыныс айтылды. Қоғамды толғандырып жүрген маңызды мәселелер көтерілді.

Құрылтай отырысының нәтижесі елімізге нақты пайда әкелеріне еш күмән жоқ.

Бүгінгі жиында Құрылтай мүшелері елге шын жанашыр азаматтар екенін айқын көрсетті. Елдік істе күш біріктіру – біртұтас ұлтқа тән қасиет.

Сіздер әрдайым азаматтық жауапкершіліктің озық үлгісін көрсетіп жүрсіздер. Баршаңызға зор ризашылығымды білдіремін», - деді Президент жиында.

📺@qazaqstantv

💬«Кітапханашылардың қызметіне қарай жіктеуді ұсынып отырмыз»

Президент Қасым-Жомарт Тоқаевтың қатысуымен өткен Ұлттық құрылтайдың IV отырысында Мәжіліс депутаты, құрылтай мүшесі Жұлдыз Сүлейменова кітапхана мәселесі қалай шешіліп жатқанын айтты.

📝«Елімізде кітап оқу күні белгіленді. Сонымен қатар, кітап баспагерлеріне грантты заңмен белгілеу мәселесі шешіліп жатыр. Сонымен қатар, кітапханашыларды қызметіне қарай жіктеуді ұсынып отырмыз», - деді депутат Жұлдыз Сүлейменова.

📺@qazaqstantv