❤️олитва преподобной великой княгине Анне Кашинской

«😥 преподобная и преблаженная мати Анно! Смиренно припадающе к честным мощем твоим, молимся со слезами прилежно: не забуди убогих твоих до конца, но поминай нас всегда во святых твоих и благоприятных молитвах к Богу. О преблаженная великая княгине Анно! Не забуди присещати чад твоих, аще бо телом и преставилася еси от нас, но и по смерти жива пребываеши и не отступаеши от нас духом, сохраняющи нас от стрел вражиих, всякия прелести бесовския и козней диавольских. Молитвеннице наша усердная! Не престай молящися за ны ко Христу, Богу нашему, аще бо мощей твоих рака пред очима нашима выну видима есть, но святая душа твоя, со Ангельскими воинствы у Престола Вседержителя предстоящи, достойно веселится.

😍 тебе убо припадаем, тебе молимся, тебе мили ся деем: молися, преблаженная Анно, Всемилостивому Богу нашему о спасении душ наших, еже испросити нам время на покаяние и невозбранно прейти от земли на Небо, мытарств горьких и вечныя муки избавитися и Небесному Царствию наследником быти со всеми преподобными, от века угодившими Господу нашему Иисусу Христу, Емуже слава, со Безначальным Его Отцем, и с Пресвятым, и Благим, и Животворящим Его Духом, ныне, и присно, и во веки веков. Аминь.»

#святая #Анна #АннаКашинская #София #княгиня #преподобная #благоверная #молитва #православие #религия #христианство #церковь #икона

😇 Акафист великой княгине Анне Кашинской:
https://pravoslavnye-molitvy.ru/akafist-anne-kashinskoj/

❤️олитва преподобной Харитине Литовской, Новгородской

«😥, преподо́бная и пресла́вная ма́ти Харити́но, неве́сто Жениха́ твоего́ Христа́, предста́тельница и храни́тельница Вели́каго Нова́града и земли́ Ру́сской. Услы́ши ны́, моля́щиися к тебе́, и я́коже попече́ние име́ла еси́ о оби́тели твое́й и и́ночествующих в не́й и мно́жество же́н ру́сских на пу́ть спасе́ния направила еси́, та́ко и ны́не помози́ на́м, просвети́ омраче́ние умо́в на́ших и к све́ту и́стинныя ве́ры наста́ви наро́д росси́йский, наде́жду на Бо́га в душа́х на́ших укрепи́, любо́вь в сердца́х на́ших утверди́ и испроси́ на́м вре́мя на покая́ние.

😙о дни́ вели́ких бе́д и скорбе́й страны́ на́шея бу́ди о на́с засту́пница, умоли́ Пречи́стую Ма́терь Го́спода, да спасе́т зе́млю ру́сскую от гла́да, от наше́ствия враго́в и междоусо́бныя бра́ни, от смертоно́сных я́зв и боле́зней, да укрепи́т ны́ в Правосла́вии, единомы́слии, братолю́бии и непоколеби́мем да́же до сме́рти испове́дании ве́ры Христо́вы, да научи́т ны́ послуша́нию Це́ркви Его́ Святе́й. О, приснопа́мятная ма́ти на́ша Харити́но, принеси́ за на́с гре́шных моли́твы твоя́ и разсе́янных ча́д Бо́жиих собери́ любо́вию твое́й, возжзи́ пла́мень моли́твы в сердца́х на́ших, да сла́вяще па́мять твою́, просла́вим Го́спода на́шего Иису́са Христа́ во ве́ки веко́в. Ами́нь.

#святая #Харитина #ХаритинаЛитовская #ХаритинаНовгородская #игумения #княжна #преподобная #молитва #православие #религия #христианство #церковь #икона

❤️олитва мученице Зинаиде Тарсийской

«😥, прехва́льная му́ченице Христо́ва Зинаи́до, благонаде́жная на́ша пред Го́сподем предста́тельнице. Тебе́ припа́даем и мо́лимся: да́ждь на́м бы́ть прича́стником любве́ твоея́ к Бо́гу и бли́жнему — е́юже при жи́зни свята́я твоя́ душа́ преиспо́лнена бы́сть. Озари́ на́с и́стиною, просвети́ у́м и се́рдце све́том Боже́ственнаго уче́ния, научи́ на́с тебе́ подража́ти ве́рно, Бо́га и бли́жняго на́шего люби́ти и за́поведи Го́спода соверша́ти непогреши́тельно, да ча́да све́та яви́мся вои́стину.

😬ри́зри благоутро́бно на вся́кую ду́шу ве́рных твои́х почитателей, ми́лости и по́мощи твоея́ и́щущих. Бу́ди все́м на́м в боле́знех цели́тельница, в ско́рбех уте́шительница, в печа́лех посетительница, в беда́х и ну́ждах помо́щница, в ча́с же сме́ртный ми́лостивая покрови́тельница и защитительница и все́м вся́ проше́ния ко бла́гу испо́лни. Да при по́мощи моли́тв твои́х да́ждь на́м спасе́ние ве́чное получи́ти и Ца́рствие Христо́во унасле́довати, сла́вяще ди́внаго во святы́х свои́х Бо́га, Отца́ и Сы́на и Свята́го Ду́ха во ве́ки веко́в. Ами́нь.»

#молитва #святая #Зинаида #ЗинаидаТарсийская #Зина #мученица #религия #христианство #церковь #икона #православие

❤️олитва святой великомученице Злате Мегленской

«😥, пресла́вное прозябе́ние ро́да Болгарскаго, солнцезрачная деви́це, багряни́цею крове́й свои́х украше́нная, предо́брая ма́ти на́ша, великому́ченице Зла́то! Услы́ши ча́д твои́х с любо́вию к тебе́ ны́не прибега́ющих и ма́лое сие́ моле́ние на́ше приими́, и Го́споду Бо́гу на́шему благоприя́тно сотвори́. Согреши́хом бо и беззако́нновахом, и недосто́йны есмы́ зре́ти высоту́ небе́сную от мно́жества непра́вд на́ших — свя́зани есмы́ у́зами грехо́вными и николи́же во́ли Созда́теля на́шего сотвори́хом, ниже́ сохрани́хом повеле́ний Его́; те́мже преклоня́ем коле́на сокруше́нна и смире́нна се́рдца на́шего ко Творцу́ и Спа́су своему́ и твоего́ ма́терняго заступле́ния к Нему́ про́сим. Воздви́гни ру́це твои́, кра́сная девому́ченице, любве́ Христо́вы сосу́де всезлаты́й, и вку́пе с Пречи́стою Богоро́дицею и все́ми святы́ми ро́да на́шего Зижди́теля все́х умоли́, да ниспо́слет ми́лость Свою́ на многострада́льную страну́ на́шу, шата́ние люде́й да умири́т, го́рькия собла́зны церко́вныя да утоли́т, отступи́вшия от Ве́ры Правосла́вныя све́том И́стины Своея́ да просвети́т, ста́рыя да умудри́т, ю́ныя да наста́вит, от растле́ния нра́вов и от сете́й ерети́ческих до́бре и́х сохраня́я, младе́нцы млеко́м благоче́стия да воспита́ет, все́х же на́с ба́нею покая́ния да обнови́т.

🙂моли́, о, златонравная ма́ти, кра́сный цве́те де́вства и му́чеников удобре́ние, Го́спода и Спа́са на́шего, да пода́ст на́м ду́х смире́ния и кро́тости, ду́х целому́дрия и послуша́ния, ду́х любве́ нелицеме́рныя, и да упра́вит у́м на́ш, и се́рдце на́ше в пра́вой ве́ре да укрепи́т, я́ко да И́стиною наставля́еми и любо́вию осиява́еми, ти́хое и ми́рное зде́ поживе́м житие́ во вся́ком благоче́стии и чистоте́. Моли́ся, о, великому́ченице сла́вная, сладча́йшая ма́ти на́ша Зла́то, Тро́ице Преблагослове́нней, да изба́вит ны́ от вся́каго обстоя́ния, и от вся́каго наве́та вра́жия безбоязненны на́с да сохрани́т, да ни ра́нами, ниже́ преще́нием устраша́еми, до конца́ ве́рни Христу́ Жениху́ на́шему пребу́дем, и та́ко со благо́ю наде́ждею и и́стинным увере́нием к та́мошнему ми́ру по́йдем, богоприя́тное твое́ заступле́ние призыва́юще и Пребоже́ственную Тро́ицу: Отца́ и Сы́на и Свята́го Ду́ха, вы́ну хва́ляще и благословя́ще, ны́не и при́сно, и во ве́ки веко́в, ами́нь.»

#святая #Злата #ЗлатаМегленская #Хриса #великомученица #религия #христианство #православие #молитвы #Сербия #Болгария

❤️олитва преподобной Параскеве Сербской

«😥, прекра́сная неве́сто Христо́ва, чи́стая голуби́це, позлаще́нная Ду́хом Святы́м, де́вственная похвало́ и пустынножи́тельная собесе́днице А́нгелов, насади́вшая на земли́ мы́сленный рай твои́ми доброде́телями, преподо́бная ма́ти Параске́во! Что принесе́м тебе́ досто́йнаго в дар, кроме́ смире́нных и гре́шных моле́ний на́ших, я́же прии́мшы, очи́стя я́ святы́ми твои́ми моли́твами и принеси́ к Жениху́ твоему́, Христу́ Бо́гу на́шему! Ублажа́ем тя, красото́ Се́рбскаго наро́да и на́ша засту́пнице и храни́тельнице, е́юже хва́лятся ца́рие и кня́зи. Ты, я́ко хра́брый воево́да, кре́постию, да́нною ти от Царя́ сил, обраща́ла со студо́м вспять ли́ца враго́в страны́ твоея́, и на́шу страну́ Росси́йскую си́лою моли́тв твои́х огради́ от всех наве́т ви́димых и неви́димых враго́в.

🥸оли́ Бо́га о нас, о преподо́бная ма́ти, да не я́ростию Свое́ю обличи́т нас, ниже́ гне́вом Свои́м нака́жет нас за премно́гия грехи́ на́ша, но ми́лостию Свое́ю да огради́т нас и да да́рует нам вре́мя на покая́ние и исправле́ние. О преподо́бная Параске́во, всех, собра́вшихся в сем хра́ме и с любо́вию чту́щих святу́ю па́мять твою́, осени́ твои́м заступле́нием и испроси́ у Царя́ сил, Ему́же со А́нгелы предстои́ши, коему́ждо благопотре́бная во вре́менной жи́зни сей, па́че же помози́ нам достиже́нии Ца́рства Небе́снаго в бу́дущем ве́це твои́ми те́плыми моли́твами и хода́тайством ко Го́споду на́шему Иису́су Христу́, Ему́же подоба́ет вся́кая сла́ва, честь и поклоне́ние со Отце́м и Святы́м Ду́хом, ны́не и при́сно и во ве́ки веко́в. Ами́нь.»

#святая #Параскева #ПараскеваСербская #преподобная #религия #христианство #православие #молитвы

❤️олитва святой великомученице Злате Мегленской

«😥, пресла́вное прозябе́ние ро́да Болгарскаго, солнцезрачная деви́це, багряни́цею крове́й свои́х украше́нная, предо́брая ма́ти на́ша, великому́ченице Зла́то! Услы́ши ча́д твои́х с любо́вию к тебе́ ны́не прибега́ющих и ма́лое сие́ моле́ние на́ше приими́, и Го́споду Бо́гу на́шему благоприя́тно сотвори́. Согреши́хом бо и беззако́нновахом, и недосто́йны есмы́ зре́ти высоту́ небе́сную от мно́жества непра́вд на́ших — свя́зани есмы́ у́зами грехо́вными и николи́же во́ли Созда́теля на́шего сотвори́хом, ниже́ сохрани́хом повеле́ний Его́; те́мже преклоня́ем коле́на сокруше́нна и смире́нна се́рдца на́шего ко Творцу́ и Спа́су своему́ и твоего́ ма́терняго заступле́ния к Нему́ про́сим. Воздви́гни ру́це твои́, кра́сная девому́ченице, любве́ Христо́вы сосу́де всезлаты́й, и вку́пе с Пречи́стою Богоро́дицею и все́ми святы́ми ро́да на́шего Зижди́теля все́х умоли́, да ниспо́слет ми́лость Свою́ на многострада́льную страну́ на́шу, шата́ние люде́й да умири́т, го́рькия собла́зны церко́вныя да утоли́т, отступи́вшия от Ве́ры Правосла́вныя све́том И́стины Своея́ да просвети́т, ста́рыя да умудри́т, ю́ныя да наста́вит, от растле́ния нра́вов и от сете́й ерети́ческих до́бре и́х сохраня́я, младе́нцы млеко́м благоче́стия да воспита́ет, все́х же на́с ба́нею покая́ния да обнови́т.

🙂моли́, о, златонравная ма́ти, кра́сный цве́те де́вства и му́чеников удобре́ние, Го́спода и Спа́са на́шего, да пода́ст на́м ду́х смире́ния и кро́тости, ду́х целому́дрия и послуша́ния, ду́х любве́ нелицеме́рныя, и да упра́вит у́м на́ш, и се́рдце на́ше в пра́вой ве́ре да укрепи́т, я́ко да И́стиною наставля́еми и любо́вию осиява́еми, ти́хое и ми́рное зде́ поживе́м житие́ во вся́ком благоче́стии и чистоте́. Моли́ся, о, великому́ченице сла́вная, сладча́йшая ма́ти на́ша Зла́то, Тро́ице Преблагослове́нней, да изба́вит ны́ от вся́каго обстоя́ния, и от вся́каго наве́та вра́жия безбоязненны на́с да сохрани́т, да ни ра́нами, ниже́ преще́нием устраша́еми, до конца́ ве́рни Христу́ Жениху́ на́шему пребу́дем, и та́ко со благо́ю наде́ждею и и́стинным увере́нием к та́мошнему ми́ру по́йдем, богоприя́тное твое́ заступле́ние призыва́юще и Пребоже́ственную Тро́ицу: Отца́ и Сы́на и Свята́го Ду́ха, вы́ну хва́ляще и благословя́ще, ны́не и при́сно, и во ве́ки веко́в, ами́нь.»

#святая #Злата #ЗлатаМегленская #Хриса #великомученица #религия #христианство #православие #молитвы #Сербия #Болгария

❤️олитва праведной Тавифе Иоппийской

«😥, пресла́вная учени́це Христо́ва, све́тлая звездо́ Иоппи́йская, свята́я пра́ведная Тави́фо! К тебе́, ны́не на Небесе́х су́щей, с ве́рою притека́ем в моли́тве, ты же, я́ко ми́лостивая в жи́зни свое́й бы́вша, не лиши́ и нас, смире́нных, милосе́рдия твоего́. Принеси́ усе́рдныя моле́ния твоя́ Спаси́телю всех, Христу́ Бо́гу, да да́рует нам, хла́дным, любо́вь, малове́рным – те́плую ве́ру, леня́щимся – ре́вностное трудолю́бие, гордя́щимся – ти́хое смире́ние, иноки́ням – свято́е послуша́ние, нача́льствующим – ра́зум и милосе́рдие, боля́щим – здра́вие и облегче́ние, бе́дным – по́мощь и заступле́ние, уныва́ющим – Бо́жие упова́ние, оби́телям – мир и спасе́ние, лю́дем – во благо́м поспеше́ние, всем в ско́рбех – утеше́ние. Наипа́че моли́ Го́спода на́шего, апо́столом Петро́м тя воскреси́вшаго, да и мы сподо́бимся по о́бщем всех Воскресе́нии ста́ти в Це́ркви Его́ одесну́ю и с тобо́ю сла́вити Отца́, и Сы́на, и Свята́го Ду́ха во ве́ки веко́в. Ами́нь.»

#молитва #святая #Тавифа #ТавифаИоппийская #праведная #православие #религия #христианство #молитва #религия #церковь

❤️олитва преподобномученице Анастасии Римляныне

«🙁евственниц похвало и мучениц славо, Анастасие преподобная! К тебе во умилении сердец наших припадаем и твоего заступления у Господа о нас молим. Аще бо чистоте твоей не поревновахом и безбоязненнаго исповедания твоего не приобщихомся, паче же многими прегрешеньми и лютыми паденьми и отступствы гнев Божий привлекохом, но не хощем во гресех наших умрети и, на твоя мужеския подвиги взирающе, паки на одоление страстей наших ополчаемся. Сие же ведуще, яко кроме благодатныя помощи ничто же благое сотворити возможем, тую нам от Господа подати тебе просим.

🤣ы бо, преподобномученице преславная, велие ко Владыце дерзновение стяжала еси, яко прославившая Его в чистой душе твоея и в телеси твоем страдальчестем, зане вся прельщения и прещения мучителя презревши, искоренение же зубов и ногтей истерзание, и сосцев и рук и ног отсечение сладце претерпевши, дерзновенно вопияла еси: “Христос есть богатство мое и похвала”! Темже от того богатства и нашей нищете духовная подаждь дарования и от безмерных прегрешений живот наш соблюди, мир и безмятежие нам испроси, от нужды и уныния нас предстательством твоим огради, друг ко другу нас в послушании и братолюбии настави и ко Господу очи сердец наших всегда возводи, во еже присно славити нам Отца и Сына и Святаго Духа державу, и твое теплое предстательство во веки веков. Аминь.»

#святая #Анастасия #АнастасияРимляныня #молитва #православие
#вера #религия #икона

😇 Читать акафист преподобномученице Анастасие Римляныне:
https://pravoslavnye-molitvy.ru/akafist-anastasiya-rimlyanynya/

❤️олитва великомученице Екатерине Александрийской

«😥 святая великомученице Екатерине, избранный чистоты сосуде, столпе православия, надежная предстательнице наша, явившая нам сама вину умоляти тя, подвижнице законная, святая на святей горе свято почивающая! Молим тя: приникши свыше, вонми гласу моления нашего, призри на бедствие рабов твоих, просвети омрачение ума нашего, сотвори нас горняя мудрствовати, а не земная. Поспеши нам молитвами твоими побеждати плотская похотения, пристрастия к миру и козни злых духов, на нас злобно воюющих: да твоим предстательством во дни жития сего свободни будем от враждебных их нападений и по исходе от воздушных их истязаний.

😥, премудрая дево! Даруй нам вся, яже к пользе прошения: можеши бо многая испросити у возлюбленнаго Жениха, Христа Бога нашего. Мы вемы, яко много может молитва праведнаго, споспешествуемая благоутробием милосердаго Бога, Емуже слава, честь и благодарение всегда, ныне и присно и во веки веков. Аминь.»

#молитва #святая #великомученица #Екатерина #ЕкатеринаАлександрийская #православие #икона #религия

😇 Молитвы святой великомученице Екатерине Александрийской:
https://pravoslavnye-molitvy.ru/ekaterine-velikomuchenitse/

❤️олитва великомученице Варваре Илиопольской

«🤒вятая славная и всехвальная великомученице Варваро! Собраннии днесь в храме твоем Божественном люди, раце мощей твоих поклоняющиися и любовию целующии, страдания же твоя мученическая, и в них Самаго Страстоположника Христа, давшаго тебе не точию еже в Него веровати, но и еже по Нем страдати, похвалами ублажающе, молим тя, известная желания нашего ходатаице: моли с нами и о нас умоляемаго от Своего благоутробия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, и дарует христианскую кончину животу нашему — безболезненну, непостыдну, мирну, Божественных Тайн причастну, и всем, на всяком месте, во всякой скорби и обстоянии требующим Его человеколюбия и помощи, великую Свою подаст милость, да благодатию Божиею и твоим теплым предстательством, душею и телом всегда здрави пребывающе, славим дивнаго во святых Своих Бога Израилева, не удаляющаго помощи Своея от нас всегда, ныне и присно, и во веки веков. Аминь.»

#молитва #православие #святая #великомученица #Варвара #Илиопольская #ВарвараИлиопольская #религия #икона

😇 Читать другие молитвы великомученице Варваре:
https://pravoslavnye-molitvy.ru/varvare-velikomuchenice/

❤️олитва преподобной Ангелине Сербской

«😥, преподобная Ангелино, мати наша добрая и милостивая, помози нам, чадом твоим непослушливым. Ты еси матерь наша благая, скорбное житие на земли пожила еси, обаче с помощию Божией, победы в битвах храбро стяжала еси и душа твоя в свет Царствия Небеснаго радостно вселися. Твоя домашния Церковь Христову украсиша и позолотиша твоим святым супругом Стефаном и сынами Иоанном и Максимом. Имела еси сердце неизмеримо большое и сострадательное ко всем, находящимся в беде. Посему благочестивый сербстий народ звал тебя лучшим из слов дарованных Богом – матушка. Яко ты еси мати всех нас, сербов, твоих, которые, аще и согрешиша много, обаче любим тя и почитаем и к тебе за помощью притекаем.

😍ая бо матерь детей своих возненавиде, аще и согрешат зело? Ни, но мудро наказует их, любити же не престает. Поэтому и ты, мати наша добрая, накажи нас с небес, бичом Божиим, но не оставляй нас без твоея любви. Десницей правды Божией покарай нас, а десницей любви укрепи и верни с путей неправедных на путь истины и добра.

🥸олимся тебе, мати добрая, молитвами твоими испроси нам благословение небесное: болящим здравие, немощным силу, отчаявшимся надежду, голодным хлеба насущнаго, безплодным чад, гонимым кров и утешение, и всем молящимся тебе подай по великой милости твоей просимое. Но и еще больше даруй нам, мати наша добрая, благ небесных души очищающих, укрепляющих нас в исполнении заповедей Божиих, ведущих нас к добру и уводящих от всякаго зла. Ибо аще не бежим от зла в мире сем, како убежим от него в ином мире, аще не очистимся здесь от грязи, како сможем там, где смотрят на то что отсюда несем.

😬омози нам умрети миру сему, якоже и ты миру мертва бысть, возжелавши блага непреходящаго и вечнаго. Пусть и наше благо на небесех будет, дабы и сердца наши на небесех были, а не здесь, идеже все гниет и исчезает, идеже вор крадет, и моль и ржа тлит. Аще бо все силы своим положим на блага мира сего, за горсть праха земнаго, юже ниже с собой возьмем, тем и ты нам помощи не возможеши, мати наша благая. Аще же немного потрудимся, хотя мало возопиим ко Господу чрез тебя, невесту Его небесную, таже помощь твоя изольет неисчислимые блага небесные, иже укрепят нас на узком пути спасения, аще и сотни смертей нам предстанут.

😙оистину душа наша вся грехами разодрана и бедна добродетелью, милосердный же Господь уготова лекарство – покаяние. Да родится в нас, хотя малая часть того истиннаго покаяния, еже Господу принесла еси, мати наша святая. Оживи божественное в душах наших твоими теплыми слезами, яже изливаеши на всяк день о роде сербстем, да уразумеем бездну долгов наших пред Богом, Он же прощает долги наши, аще искренно и слезно попросим Его о прощении.

🤣емже смилуйся, матушка наша Ангелино, крушедольская святая игумения, и помози нам спастися ото всякаго зла, дабы однажды твоими молитвами ко Господу, вошли в покой Царства Небеснаго, идеже вси благодарно прославляют Святую Единосущную и Нераздельную Троицу, Отца и Сына и Святаго Духа, ныне и присно и во веки веков. Аминь.»

#молитва #святая #Ангелина #АнгелинаСербская #преподобная #КрушедольскийМонастырь #Сербия #религия #христианство #православие

❤️олитва святой благоверной княгине Иулиании Вяземской и Новоторжской

«😥 всехвальная мученице, святая угоднице Божия, благоверная княгиня Иулиание! Ты супружеския ради чистоты душу свою положила еси и за целомудрие даже до крови подвизалася еси, и сего ради, аще и жена была еси, обаче к лику праведных дев сопричтена быти сподобилася еси.

😍 тебе, велие дерзновение ко Владыце стяжавшей, смиренно притекаем и умильно просим тя: подаждь нам отраду и свобождение от плотския брани, житие целомудренное и благочестное в супружестве, девстве пребывание, се бо страстьми плотскими обуреваемся, и грехов многих пучина объяла есть ны. Темже и несть мы достоины ниже взирати на высоту Небесную, ниже Господа в помощь свою призывати.

😊уди нам помощница во спасение скорая и от зол и обстояний избавительница неодолимая. Всех, с верою несумненною к Богу приходящих и молитвенно к тебе притекающих, от всяких бед душевных и телесных свободи, скорбящия обрадуй, труждающимся помози, плачущия утеши, изнемогающия поддержи, нападствуемым буди заступница, вдовицам и сирым защитница, младенцем питательница.

😬омози нам, да не погибнем со страстьми и похотьми нашими, но да управим живот наш во всяком благочестии и чистоте, яко да соделаем телеса наша храмом живущаго в нас Духа Святаго и прославим благодать и милость Триединаго Бога во веки веков. Аминь.»

#святая #благоверная #Иулиания #ИулианияВяземская #ИулианияНовоторжская #княгиня #вераправославная #молитва #религия #православие #христианство

❤️олитва Великомученице Анастасии Узорешительнице

«😥 многострадальная и премудрая великомученице Христова Анастасие! Ты душею а Небеси у Престола Господня предстоиши, на земли же данною тебе благодатию различная совершаеши исцеления; призри убо милостивно на предстоящия люди и молящияся пред иконою твоею, просящия твоея помощи, простри ко Господу святыя молитвы о нас и испроси нам оставление согрешений наших, помощи в трудах милосердных, укрепления духа в служении, кротости, смирения и послушания, недужным исцеление, скорбящим и во узах сущим скорую помощь и заступление, умоли Господа, да подаст всем нам христианскую кончину и добрый ответ на Страшнем Судищи Своем, да сподобимся и мы купно с тобою славити Отца и Сына и Святаго Духа. Аминь.»

#святая #молитва #Анастасия #АнастасияУзорешительница #Узорешительница #великомученица #православие #религия #икона #церковь

😇 Читать акафист святой Анастасии Узорешительнице:
https://pravoslavnye-molitvy.ru/akafist-anastasii-uzoreshitelnitse/

❤️олитва святой преподобномученице Евгении Римской

«🙁евственниц похвало и мучениц славо, Евгение преподобная! К тебе во умилении сердец припадаем и заступления твоего у Господа просим! Ты бо, преподобномученице преславная, велие дерзновение ко Владыце всех стяжала еси, яко прославившая Его в чистой душе твоей и телеси твоем страдальчестем, зане, вся прельщения врага и прещения мучителя презревши, вся терпящи, вопияла еси: «Христос есть богатство мое и похвала!» Темже от того богатства и нашей нищете духовная подаждь дарования и от безмерных прегрешений нас предстательством твоим огради, друг ко другу нас в послушании и братолюбии настави и ко Господу очи сердец наших всегда возводи, во еже присно славити нам Отца и Сына и Святаго Духа державу и твое теплое предстательство во веки веков. Аминь.»

#святая #молитва #Евгения #ЕвгенияРимская #преподобномученица #православие #религия #икона #церковь

❤️олитва святой праведной Иулиании Лазаревской, Муромской

«🙂тешение наше и похвало, Иулиание, голубице богомудрая, яко финикс преславно процветшая, криле добродетелей священне и посребренне имущая, имиже на высоту Царствия Небеснаго возлетела еси! Похвальная пения памяти твоей радостно днесь приносим, понеже Христос нетлением чудесным тя увенча и благодатию исцелений тебе прослави. Зане любовию Христовою уязвившися, от младости чистоту душевную и телесную хранила еси, пост же и воздержание возлюбила еси, имиже помогающей ти благодати, вся страсти мира сего попрала еси, и, яко пчела, мудро цвет добродетелей изыскавши, пресладкий мед Святаго Духа в сердце свое вселила еси и, еще во плоти бывши, посещения Богоматере сподобилася еси. Прилежно убо тя молим: молися, госпоже, да подаст нам в Троице славимый Бог твоими молитвами многолетно здравие же и спасение, тишину и изобилие плодов земных и на враги победы и одоления.

🤒охрани предстательством твоим, преподобная мати, страну Русскую и град сей и вся грады и страны христианския неврежденны от всех навет и козней вражиих. Помяни, госпоже, убогия рабы твоя, днесь в молитве тебе предстоящия, чрез все житие свое паче всех человек прегрешившия, обаче теплое покаяние о сих приносящия и твоими к Богу молитвами оставление грехов получити просящия, яко да греховных страстей свободившеся, благодарственное пение тебе приносити присно потщимся и прославим всех благих Подателя Бога, Отца и Сына и Святаго Духа, ныне и присно и во веки веков. Аминь.»

#святая #праведная #Иулиания #ИулианияЛазаревская #ИулианияМуромская #молитва #православие #религия #икона #христианство #церковь

❤️олитва святой мученице Татиане Римской

«😥, святая мученице Татиано, невесто Сладчайшаго Жениха твоего Христа, агнице Агнца Божественнаго, голубице целомудрия, страданьми, яко одеждами царскими одеянная, к ликом небесным сопричтенная, ликующая ныне во славе вечней, от дней младых Богу обещавшаяся святая служительнице Церкве, целомудрие соблюдшая и паче всех благ Господа возлюбившая! Тебе мы молимся и тебе мы просим: внемли прошением нашим сердечным и не отвергай молений наших.

🙁аруй чистоту тела и души, вдохни любовь к Божественным истинам, на путь добродетельный введи нас, ангельское охранение испроси у Бога нам, наши раны и язвы телесныя исцели, в злострадании терпение даруй, греховныя язвы уврачуй, юность нашу огради, старость безболезненну и безбедну даруй, в смертнем часе помози. Поминай наши скорби и отраду даруй.

😬осети нас, сущих в темнице греха, на покаяние настави скоро, возжжи пламень молитвы, не оставь нас, сирых, да славяще страдания твоя, возсылаем хвалу Господу сил, всегда, ныне и присно, и во веки веков. Аминь.»

#святая #Татьяна #святаяТатьяна #ТатианаРимская #мученица #православие #религия #христианство #икона #молитва #церковь

😇 Другие молитвы святой мученице Татиане:
https://pravoslavnye-molitvy.ru/svyatoy-tatyane/

❤️олитва святой равноапостольной Нине, просветительнице Грузии

«😥 всехвальная и предивная равноапостольная Нино, воистину великое украшение Церкве Православныя и изрядная похвало народу Иверийскому, просветившая всю страну Грузинскую Божественным учением и подвиги апостольства победившая врага нашего спасения, трудом и молитвами насадившая зде вертоград Христов и возращшая его в плод мног. Празднующе святую память твою, притекаем к честному лику твоему и благоговейно лобызаем всехвальный дар тебе от Божия Матере, чудотворный крест, егоже ты обвила еси драгими власы твоими, и умильно просим, яко присную предстательницу нашу: огради нас от всяких зол и скорбей, вразуми врагов Святыя Церкве Христовы и противников благочестия, охраняй твое стадо, упасенное тобою, и моли Всеблагаго Бога, Спасителя нашего, Емуже ты ныне предстоиши, да дарует народу нашему мир, долгоденствие и во всяком добрем начинании поспешение, и да приведет Господь нас в Небесное Свое Царствие, идеже вси святии славословят всесвятое Его Имя ныне, и присно, и во веки веков. Аминь.»

#молитва #святая #Нина #НинаГрузинская #Грузия #равноапостольная #православие #икона #религия #христианство #православие #церковь #православные

😇 Читать другие молитвы святой равноапостольной Нине:
https://pravoslavnye-molitvy.ru/ravnoapostolnoj-nine/

❤️олитва святой блаженной Ксении Петербургской

«😥 преславная святая, блаженная мати наша Ксение, теплая о нас пред Богом молитвеннице! Якоже прежде к надгробию твоему припадавшии, сице ныне и мы по прославлении твоем к мощем твоим прибегающе, просим: помолися Господу, да освятит наши души и телеса, да просветит ум, очистит совесть от всякия скверны, нечистых помыслов, лукавых и хульных умышлений и от всякаго превозношения, гордости же и кичения, высокоумия же и дерзости, от всякаго фарисейскаго лицемерия, и от всякаго студнаго и лукаваго обычия нашего; да дарует нам искреннее покаяние, сокрушение сердец наших, смиренномудрие, кротость же и тихость, благоговение, разум же духовный со всяким благоразумием и благодарением.

🙂таившая себе от мудрых века сего, но Богу знаемая, испроси же стране нашей Российстей от бед лютых избавление, всего нашего жития обновление и исправление, соблюди нас во всяком благочестивом православном исповедании веры христианския, яко да ублажающе тя сподобимся во вся дни воспевати, благодарити и славити Отца и Сына и Святаго Духа, Троицу Единосущную, Животворящую и Нераздельную во веки веков. Аминь.»

#молитва #святая #Ксения #КсенияПетербургская #блаженная #юродивая #Оксана #православие #икона #религия #христианство #православные #церковь

😇 Читать другие молитвы святой Ксении Петербургской:
https://pravoslavnye-molitvy.ru/ksenii-peterburgskoj/

❤️олитва преподобной Евфросинии Александрийской

«😥, святая преподобная мати наша Евфросиние! Ныне светло память твою празднующе, умиленными сердцами восклицаем ти: ты послушалася еси благаго Учителя Господа нашего Иисуса Христа, глаголющаго в Евангелии: Иже любит отца или матерь паче Мене, несть Мене достоин, и иже не отречется всего своего имения, не может быти Мой ученик, и всем житием своим последовала еси Ему. Испроси нам, мати наша Евфросиние, силы и действа Святаго Духа, во еже искоренити всякий грех в нас живущий и сотворити души наша в храмы Божии; воспламени сердца наша любовию ко Господу да исполним уста наша ко славословию Его и совершим хождение наше пред лицем Божиим во всяком благочестии и чистоте, да небесным предстательством твоим спасаеми узрим славу Божию, славяще Отца и Сына и Святаго Духа во веки веков. Аминь.»

#молитва #святая #Евфросиния #ЕвфросинияАлександрийская #преподобная #православие #храм #икона #религия #христианство #вераправославная