❤️олитва преподобноисповеднику Гавриилу Мелекесскому

«😥, до́брый па́стырю и до́блий во́ине Христо́в, ско́рый помощниче и те́плый засту́пниче, богоблаже́нный уго́дниче Бо́жий и Правосла́вия тве́рдый испове́дниче Гаврии́ле! Име́яй ве́лие дерзнове́ние пред Престо́лом Всевы́шняго, не оста́ви на́с моли́твами твои́ми, с любо́вию и ве́рою к тебе́ притека́ющих. Ты́ бо от ле́т ранних ю́ности твоея́ о́гнь любве́ Боже́ственныя в се́рдце твое́м ко Го́споду возже́гл еси́, жи́знь свою́ всеце́ло Бо́гу посвяти́вый, наипа́че нищету́ духо́вную стяжа́вый, я́ко ра́б благи́й, дела́ богоуго́дная кро́тко и смире́нно твори́л еси́, те́мже и надели тя́ Госпо́дь да́ры Ду́ха Свята́го, и́миже и поны́не то́чиши чудеса́ мно́гая.

🥸о́лим тя́, о́тче Гаврии́ле, при́зри на лю́ди, зде́ стоя́щия, и благода́тию, ти́ Свы́ше да́нною, уврачу́й души́ на́ша, грехо́м изъязвленныя, исцели́ телеса́ на́ша многоболе́зненная, ста́рость поддержи́, вдови́ц заступи́, си́рых и обездо́ленных окорми́, супру́жество ве́рно сохрани́. На́с же вразуми́, научи́ и воспита́й ча́да на́ша в ве́ре Правосла́вной, дабы́ не уклоня́тися на́м от пра́выя стези́, но, храня́ще апо́стольская преда́ния, тве́рдо Христа́ Бо́га испове́дати. Е́й, свя́тче Бо́жий! Умягчи́ се́рдца на́ша, жите́йскими попече́ньми окамене́нная, и помози́ на́м милосердными бы́ти, во е́же, до́лга христиа́нскаго не забыва́юще, еди́ному от ме́ньших бра́тий Го́спода на́шего Иису́са Христа́ ми́лостиво послужи́ти. Дабы́, егда́ яви́тися Го́сподеви на́шему во сла́ве Отца́ Своего́ со А́нгелы Святы́ми, в ра́дости услы́шати гла́с Его́: прииди́те, благослове́ннии Отца́ Моего́, насле́дуйте угото́ванное ва́м Ца́рствие от сложе́ния ми́ра. Ами́нь.»

#молитва #святой #преподобноисповедник #Гавриил #ГавриилМелекесский #ГавриилИгошкин #Архимандрит #икона #религия #христианство #православие #вера #вераправославная