❤️олитва священномученику Петру (Полянскому), митрополиту Крутицкому

«😥, святый священномучениче Петре, святителю славный земли Русския, архиерейство, яко крест в годину лютых испытаний, приемый, чашу горькую страданий испивый, и престол патриарший добре соблюдый, верою вся претерпевый и смирением благодать велию стяжавый!

😍ую похвалу воздадим ти? И как, во гресех и немощех суще, дерзнем призывати тя? Обаче вемы, яко со всеми святыми земли нашея, наипаче же со святым Патриархом Тихоном, не престая, молишися у Престола Пресвятыя Троицы о Церкви Русской, да сохранит ю Господь от всякаго зла и искушения, да право правят слово истины архипастыри и пастыри ея, да не изсякает вера в сердцах людских, да в совете мнозе разрешается всякое нестроение и вся любовию всем да бывает!

😥, преславный страдальче! Ты, яко отец чадолюбивый, веси вся потребная нам, сего ради единаго взыскуем: тебе подражатели быти, якоже и ты Христу, да крест свой приимше, яко бремя благое и легкое, путем узким шествуем и тако обителей Небесных достигнем, идеже вкупе с тобою и всеми святыми сподобимся прославляти пречестное и великолепое имя Отца и Сына и Святаго Духа в безконечныя веки. Аминь.»

#святой #Пётр #ПётрПолянский #ПётрКрутицкий #священномученик #митрополит #православие #молитва #храм #икона #религия #христианство

❤️олитва святой преподобномученице великой княгине Елисавете

«😥, святы́я новому́ченицы Церкви Русския, вели́кая княги́не Елисаве́то и пречестна́я и́нокине Варва́ро, ку́пно ева́нгельския за́поведи де́лом во оби́тели милосе́рдия соверши́вшия, ве́ры ра́ди правосла́вныя до сме́рти подвизавшияся и до́брый плод в терпе́нии страсте́й Христу́ прине́сшия! Моли́теся Ему́, я́ко победи́телю сме́рти, да утверди́т Це́рковь Ру́сскую Правосла́вную и Оте́чество на́ше. Се бо лука́вый враг вооружа́ется на ны, хотя́ нас погуби́ти в междоусо́бных бра́нех, ско́рбех, печа́лех, боле́знех, ну́ждах и беда́х лю́тых.

🙂моли́те Го́спода низложи́ти вся не́мощныя де́рзости его́; ве́ру в сердца́х люде́й православных укрепи́те, нам же мужества дар низпослите, да, отве́ргшеся себе́ и взе́мше крест свой, после́дуем Христу́, распина́юще плоть свою́ со страстьми́ и похотьми́. Сохрани́те нас от вся́каго зла, освяти́те пути́ жи́зни на́шея, да́руйте покая́ние нелицеме́рное, тишину́ и мир душа́м на́шим, испроси́те у Го́спода всем нам мыта́рств го́рьких и ве́чныя му́ки изба́витися и Небе́сному Ца́рствию насле́дником бы́ти со все́ми святы́ми, от века угоди́вшими Бо́гу, да ра́дующеся воздади́м хвалу́, честь и поклоне́ние Отцу́ и Сы́ну и Свято́му Ду́ху во ве́ки веко́в. Ами́нь.»

#святая #Елисавета #ЕлисаветаАлапаевская #ЕлисаветаФеодоровна #преподобномученица #чудотворица #ВеликаяКняжна #икона #молитва #христианство #православие

❤️олитва преподобным Кириллу и Марии Радонежским

«😥 блаженная двоице, воистину земли русския украшение, святый преподобный Кирилле и святая преподобная Марие; образ брака христианскаго яви Господь преславное житие ваше; славно бо пожили есте в лета тяжкия для земли и народа нашего и вся скорби и искушения мира сего претрели есте единою плотию — сего ради прослави Господь вас и супружество ваше.

🤣емже смиренно молю вас, препадающе перед святым образом вашим: умолите Господа, во еже послати мне супруга христианскаго (супругу христианскую). Весте бо, яко несть добро человеку единому быти: да исправит Господь стези моя. Ей, блазии о нас пред Богом заступницы, испросите мне смиренномудрия, кротости и рассуждения христианскаго. Помозите мне очистить от страстей сердце мое. Вы бо учителие и образи чистаго жития преизряднии есте и ходатаицы о нас по Бозе во веки веков. Аминь.»

#святые #Мария #Кирилл #КириллМария #КириллРадонежский #МарияРадонежская #Радонежские #преподобные #православие #молитва #храм #икона #религия #христианство #вераправославная

😇 Другие молитвы преподобным Кириллу и Марии Радонежским:
https://pravoslavnye-molitvy.ru/kirillu-i-marii-radonezhskim/

❤️олитва преподобному Харитону Исповеднику

«😥, священная главо, преподобне отче, преблаженне авво Харитоне! Не забуди убогих твоих до конца, но поминай нас всегда во святых твоих и благоприятных молитвах к Богу. Помяни стадо твое, еже сам упасл еси, и не забуди посещати чад твоих. Моли за ны, отче священный, за дети твоя духовныя, яко имеяй дерзновение к Небесному Царю, не премолчи за ны ко Господу, и не презри нас, недостойных, верою и любовию чтущих тя. Поминай нас у Престола Вседержителева, и не престай моляся о нас ко Христу Богу, ибо дана тебе бысть благодать за ны молитися. Не мним бо тя суща мертва, аще бо телом и преставился еси от нас, но и по смерти жив сый пребываеши. Не отступай от нас духом, сохраняя нас от стрел вражиих, и всякия прелести бесовския, и козней диавольских, пастырю наш добрый.

😙едуще убо тя воистину и по смерти жива суща, тебе припадаем и тебе молимся: молися о нас Всесильному Богу, о пользе душ наших и испроси нам время на покаяние, да невозбранно прейдем от земли на небо, от мытарств же горьких, бесов, воздушных князей и от вечныя муки да избавимся, и Небеснаго Царствия наследницы да будем со всеми праведными, от века угодившими Господу нашему Иисусу Христу, Емуже подобает всякая слава, честь и поклонение, со Безначальным Его Отцем и с Пресвятым и Благим и Животворящим Его Духом, ныне и присно, и во веки веков. Аминь.»

#святой #Харитон #ХаритонИсповедник #преподобный #монастырь #православие #молитвы #религия #христианство

❤️олитва святому мученику князю Вячеславу Чешскому

«😥 святый благоверный княже мучениче Вячеславе, избранный воеводо земли Чешския и всех христиан словенских теплый пред Богом предстателю! Днесь, в память твою единодушно сошедшеся в честнем храме сем и пред иконою твоею умиленно молящеся, сице из глубины сердца нашего к тебе взываем: ты в житии твоем ревнитель и защитник Православныя веры был еси – и нас в ней теплыми твоими к Богу молитвами непоколебимы утверди. Ты великое возложенное на тя служение усердно проходил еси, и нас твоею помощию пребывати коегождо, в немже призван есть, настави. Ты супостатов полки от отечества твоего силою ратною и мудростию управительною отгнал еси, и на нас ополчающихся всех врагов видимых и невидимых низложи.

🤣ы в пределах страны своея правду и мир и милосердие насаждати потщался еси, и нам от милостиваго Бога в сих добродетелех преуспеяние испроси. Ты безвинную кровь твою, аки Авель, от руки брата своего пред враты церковными пролиял еси, и нас, яко чада единыя Матере Церкве, братолюбию и кротости научи. О великий и славный княже Вячеславе, ради вящшия славы Небесныя венец земнаго княжения оставивый и венцем мученическим праведно увенчанный! Ныне с мудрою наставницей, праматерию твоею Людмилою, и всеми святыми у Престола Божия предстоя, не забуди нас сирых и убогих, якоже в животе твоем никогоже от таковых оставил еси. И предстательством твоим житие тихое и безгрешное и к вечному царствию шествие устрой нам, да прославим Бога, дивнаго во святых Своих, Отца и Сына и Святаго Духа, ныне и присно и во веки веков. Аминь»

#молитва #святой #Вячеслав #Вацлав #ВячеславЧешский #благоверный #религия #христианство #церковь #икона #православие

😇 Читать другие молитвы святому Вячеславу Чешскому:
https://pravoslavnye-molitvy.ru/vyacheslavu-cheshskomu/

❤️олитва на субботу по усопшим

«😬омяни, Господи Боже наш, в вере и надежди живота вечнаго преставльшагося раба Твоего, брата нашего (имя), и яко Благ и Человеколюбец, отпущаяй грехи, и потребляяй неправды, ослаби, остави и прости вся вольная его согрешения и невольная, избави его вечныя муки и огня геенскаго, и даруй ему причастие и наслаждение вечных Твоих благих, уготованных любящым Тя: аще бо и согреши, но не отступи от Тебе, и несумненно во Отца и Сына и Святаго Духа, Бога Тя в Троице славимаго, верова, и Единицу в Троице и Троицу во Единстве, православно даже до последняго своего издыхания исповеда. Темже милостив тому буди, и веру, яже в Тя вместо дел вмени, и со святыми Твоими яко Щедр упокой: несть бо человека, иже поживет и не согрешит. Но Ты Един еси кроме всякаго греха, и правда Твоя, правда во веки, и Ты еси Един Бог милостей и щедрот, и человеколюбия, и Тебе славу возсылаем Отцу и Сыну и Святому Духу, ныне и присно, и во веки веков. Аминь.»

#молитва #суббота #ПокровскаяСуббота #РодительскаяСуббота #православие #молитвы #христианство #церковь

😇 Читать иные молитвы по усопшим:
https://pravoslavnye-molitvy.ru/ob-usopshikh/

❤️олитва Иоанну, архиепископу Рижскому и всей Латвии

«😥, всеблаженне святый священномучениче святителю отче наш Иоанне, правды Божия поборниче и святыя православныя веры Христовой защитниче, хулителей Святыя Церкве обличителю, врагов прогонителю, обидимым покровителю и всех верных христиан теплый предстателю. Ты всею душею от юности заповеди Христовы возлюбил еси. И во дни гонения лютаго на веру Православную, яко истинный пастырь явился еси, крестный путь прошед: поругание, заточение, оклеветание претерпевый и тако мученический венец восприял еси, обретши благодать Господу молитися за ны. Вемы, яко ты, предстоя Престолу Вседержителя, имаши велие дерзновение в молитвах пред Господем. И ныне смиренно припадаем и усердно молимся: о, скорый заступниче наш, святителю священномучениче отче Иоанне, услыши нас грешных и недостойных чад твоих: умоли Всемилостиваго Господа и Пречистую Его Матерь Пресвятую Богородицу веру православную соблюсти, Святую нашу Церковь укрепити в единстве мира и любви, отпадшия от Святыя Церкве паки возвратити, страну нашу Латвийскую в мире, христианских добродетелех и благоденствии сохранити. Помози нам и разум наш питати не суетною мудростию человеческою, но смиренным познанием воли Божия.

😥, святый угодниче Божий, не презри нас молящихся тебе: не токмо от бед и скорбей избавления просим, но силы и твердости, великодушия и любве, дабы претерпети оныя напасти восстающия на ны. Испроси нам неослабное терпение до конца жития нашего, мир с Господем и грехов наших прощение. Ей, святый священномучениче, моли Господа Бога и Спаса нашего Иисуса Христа Сына Божия избавитися нам от всякаго зла и сохранити храм сей, и град, и страну нашу, и люди благочестно чтущия тя от всякия напасти, от болезней, глада, потопа, огня, меча, нашествия иноплеменников и междоусобныя брани, от клеветы и всякаго злаго обстояния. Молитвами твоими святыми рассеянныя собери, заблудшия на путь правый настави, старость поддержи, юныя вразуми, младенцы воспитай и всех нас с любовию почитающих тя утверди, да пребудем в любве друг ко другу, единомысленно исповедуя Отца и Сына и Святаго Духа, Троицу Единосущную и Нераздельную, и тако да сподобимся Небеснаго Царствия, идеже славится Пречестное и Великолепое Имя Пресвятой и Живоначальной и Нераздельной Троицы. Аминь.»

#молитва #святой #архиепископ #Иоанн #ИоаннРижский #священномученик #ЯнисПоммер #Иван #православие #религия #христианство #православие #вера

😇 Акафист священномученику Иоанну Рижскому:
https://pravoslavnye-molitvy.ru/akafist-ioannu-rizhskomu/

❤️олитва святителю Михаилу, первому митрополиту Киевскому

«🤒вяты́й вели́кий и пресла́вный архипа́стырю и о́тче наш Михаи́ле, страны́ Ру́сския первопресто́льниче и просвети́телю, всех же племе́н христиа́нских благонаде́жный пред Бо́гом хода́таю, тебе́ припа́дающе мо́лимся: помози́ нам бы́ти твоея́ к Бо́гу любве́ подража́телем, е́ю же в земне́м животе́ твое́м преиспо́лнен был еси́. Просвети́ умы́ и сердца́ на́ша све́том Боже́ственнаго уче́ния. Научи́ нас тебе́ после́довати ве́рно и за́поведи Госпо́дни усе́рдно твори́ти, да яви́мся ча́да твоя́ не и́менем то́кмо, но и всем житие́м, та́ко позна́емся. Мо́лися, равноапо́стольне иера́рше, о Це́ркви Ру́сской, о гра́де твое́м и оби́тели, в ней же нетле́нно мо́щи твоя́ святы́я почива́ют, и о всем Оте́честве на́шем, при́зри ми́лостивно на вся ве́рныя твоя́ чти́тели, по́мощи твоея́ и́щущия: бу́ди всем в боле́знех цели́тель, в ско́рбех и печа́лех уте́шитель, в беда́х и ну́ждах помо́щник, в час же сме́ртный засту́пник и покрови́тель, да твое́ю по́мощию сподо́бимся и мы гре́шнии спасе́ние получи́ти и Ца́рствие Христо́во насле́довати. Ей, святи́телю Христо́в, а́ще восхо́щеши мо́жеши помощи́ нам, да на по́мощь твою́ упова́юще, просла́вим Ди́внаго во святы́х Свои́х Бо́га Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.»

#молитва #святой #Михаил #МихаилКиевский #митрополит #святитель #православие #икона #религия #церковь

❤️олитва преподобному Григорию Пельшемскому, Вологодскому, чудотворцу

«😥, священная главо, преподобне отче, преблаженне авво Григорие! Не забуди чад твоих, ихже породил еси богоугодными трудами и молитвенными подвиги, поминай во святых твоих благоприятных молитвах и назидай предстательством твоим стадо твое, еже сам пасл еси; моли за ны, отче священный, дети твоя духовныя, яко имея дерзновение к Небесному Царю, не премолчи за ны ко Христу и не презри нас, верою и любовию чтущих тя. Поминай недостойных нас пред Престолом Вседержителя, тебе бо дадеся благодать молитися за ны. Аще бо телом преставился еси от нас, но и по смерти жив во Христе пребываеши. Не отступи от нас духом, сохраняй нас от стрел вражиих, от прелести бесовския и козней диавольских, пастырю наш добрый.

🤒е бо, ракою мощей твоих пребывая с нами, святою твоею душею с небесными силами у Престола Вседержителева предстоя, достойно славиши Господа. Темже, припадающе со умилением, молимся тебе о спасении душ наших: испроси нам время на покаяние и невозбранно прейти от земли на небо чрез мытарства горьких бесов, да твоим предстательством вечныя муки избавльшеся, Небесное Царствие наследовати сподобимся со всеми праведными, от века угодившими Христу Господу нашему, Емуже подобает всякая слава, честь и поклонение, ныне и в безконечныя веки веков. Аминь.»

#молитва #святой #преподобный #Григорий #ГригорийПельшемский #ГригорийВологодский #чудотворец #религия #христианство #православие #вера

❤️олитва пред Барской иконой Божией Матери

«😊огопрославленная, всемирно воспеваемая Госпоже Мати Вседержителева Богородице Марие!

😬риими нашу сию от полноты сердец любящих Тя, приносимую Тебе пред святою Твоею иконою молитву. Якоже до сего дне и часа милостиво покрывала еси вся люди, притекающия в храм сей, тако и в предняя благоспопеши нам во всех делех и начинаниих наших, яже не возбраняют нашему вечному спасению. Ты веси немощь нашу, зришы скорби, нужды и смущения отовсюду находящия, но вся сия можеши единым токмо воззрением Твоим умирити, аще токмо восхощеши помощи нам.

😙емы, яко грех ради наших несмы достойни милосердия Твоего, но Ты, Рождшая пришедшаго в мир грешники спасти, спаси и нас на всяк день и час согрешющих. Укрепи слабую волю и немощное произволение наше и оживотвори нас духом истиннаго покаяния.

🙁а тако очишении зде Твоего покрова достойни будем и с горящим светильники добродетелей в Страну Небесную прейдем невозбранно, идеже сподобимся поклонитися Тебе, Пречистая Госпоже, славяще избравшую и возвеличившую Тя Пресвятую Троицу, Отца и Сына, и Святаго Духа во веки веков. Аминь.»

#БарскаяИкона #ПресвятаяБогородица #молитва #БожьяМатерь #Богородица #Богоматерь #религия #христианство #православие #икона #церковь

😇 Другие молитвы Барской иконе Божией Матери:
https://pravoslavnye-molitvy.ru/barskoy-ikone/

❤️олитва Пресвятой Богородице в праздник Покрова

«😥, Пресвятая Дево, Мати Господа вышних сил, небесе и земли Царице, града и страны нашея Всемощная Заступнице! Приими хвалебно-благодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим, и пробавит благодать Свою чтущим всечестное имя Твое и с верою и любовию покланяющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным покровом Твоим, и испроси у Бога Сына Твоего: пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание, всем же нам дух разума и благочестия, дух милосердия и кротости, дух чистоты и правды.

😠й, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения, милостива нам буди зде и тамо, в стране земнаго пришельствия и на страшнем суде Сына Твоего; преставльшияся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех, притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно и во веки веков. Аминь.»

#ПокровДень #ПокровПресвятойБогородицы #молитва #БожьяМатерь #ПресвятаяБогородица #Богоматерь #Богородица #религия #христианство #православие #икона #церковь

😇 Другие молитвы на Покров Пресвятой Богородицы:
https://pravoslavnye-molitvy.ru/pokrovu-presvyatoj-bogoroditsy/

❤️олитва преподобному Роману Сладкопевцу

«😥, преблаженне отче наш, Романе Сладкопевче! Призри от горния славы на нас, смиренных и немощных, твоея помощи и утешения просящих. Приникни к нам благосердием твоим и помози заповеди Господни непорочно сохраняти, веру православную крепко содержати, покаяние во гресех наших усердно Богу приносити.

☹️аучи нас, уневестившихся Христу, работати Ему со страхом и радоватися с трепетом. Избави нас от печали и уныния, отжени от нас гордость и славолюбие, да воспоем славу Божию, да восхощем токмо славы небесныя.

😥, святый отче, всели в нас любовь нелицемерную к ближним, послушание безропотное начальником и страх Божий в сердца наша. Даруй познати сладость отречения воли своея, верой крепкой во благое Промышление Божие о спасении человека освяти души наша. Низпосли нам благословение от Господа, да понесем благое иго Христово в долготерпении до конца дней наших, да сподобимся с мудрыми девами внити во брачный чертог Жениха своего Небеснаго и купно со Ангелами воспевати славу величия Его, Отца и Сына и Святаго Духа во веки веков. Аминь.»

#молитва #святой #Роман #РоманСладкопевец #преподобный #икона #религия #христианство #православие #церковь

😇 Читать другие молитвы преподобному Роману Сладкопевцу:
https://pravoslavnye-molitvy.ru/romanu-sladkopevcu/

❤️олитва ко Пресвятой Богородице пред иконой «Касперовская»

«😥 Пресвятая Дево, Богомати Пречистая, града Одессы и всея земли Черноморския покрове и заступление! Тебе припадаем и покланяемся пред Святою и Пречестною иконою Твоею Касперовскою, Еюже дивные и преславные чудеса совершашася. Ты едина еси радости нашея Ходатаице и яко Мати Божия можеши всем нам помощи. Тебе убо единей дадеся Матернее дерзновение умилостивити Сына Твоего, Христа Бога нашего, о спасении нас грешных. Темже смиренно молим Тя, Всемилостивую Владычицу нашу, не презри и не возгнушайся воздыханий наших, но помози нам немощным, скверным и неисправленным, скорбящим и озлобленным, больным и заблудшим, в сокрушении сердец наших прибегающих. Избави нас, Преблагословенная Госпоже, Мати Господа Вышнего, от всяких бед и скорбей, от всяких недугов и болезней, от внезапныя смерти, от напастей демонских и наветов злых человек, яко Тобою и демоны попираются и вси враги наши посрамляются.

🙂моли, Госпоже Пречистая, Господа и о еже сохранитеся Отечеству нашему и Православной Церкви нашей в мире и тишине. Вышним Своим Благословением да укрепит Господь Архиереи наша Православныя и пастыри, христолюбивое воинство со всеми православными христианами. Всех же нас огради от всякого зла благостию Твоею, и утеши милостивым Твоим посещением и вся благодеющия нам. Еще же, о, Владычице, молим Тя, еретическое востание низложи, рассеянные собери, заблудшия во едино Христово стадо возврати, старость поддержи, юныя вразуми, вдовицы сирыя защити, болящия исцели и скорбящие утеши. Прежде отшедшие отцы и чада и братию нашу во светлостех райских и селениях праведных упокой, с ними же и нас всех в покаянии и исповедании приими, да и мы со всеми Святыми прославим Пречестное и Пресвятое имя Отца и Сына и Святаго Духа, ныне и присно, и во веки веков. Аминь.»

#молитва #Касперовская #икона #КасперовскаяИкона #ПресвятаяБогородица #Богородица #БожияМатерь #Богоматерь #религия #христианство #православие

❤️олитва святому праведному воину Феодору Ушакову

«😥, пресла́вный и достохва́льный во́ине, флотово́дче Фео́доре, небе́сный на́ш заступниче и кре́пкий защи́тниче! Днесь, па́мять твою́ почита́юще, смире́нно мо́лим тя: вознеси́ о нас ко Го́споду Бо́гу те́плыя твоя́ моли́твы и испроси́ у Него́ оставле́ние все́х согреше́ний на́ших, имиже преогорчева́ем Его́. Умоли́ Го́спода дарова́ти нам ко Оте́честву на́шему любо́вь нелицеме́рную, мир и благоде́нствие Це́ркви на́шей Правосла́вней, всем же нам теле́сное здра́вие и душе́вное спасе́ние, христиа́нскую кончи́ну живота́ на́шего и до́брый отве́т на Стра́шнем Суде́ Его́. Ей, свя́тче Бо́жий, не посрами́ упова́ния на́шего, е́же на тя́ по Бо́зе и Богоро́дице возлага́ем, да, твои́ми моли́твами получи́вше благода́ть и ми́лость от Го́спода, просла́вим человеколю́бие Отца́ и Сы́на и Свята́го Ду́ха, и твое́ свято́е засту́пле́ние, ны́не и при́сно, и во ве́ки веко́в. Ами́нь.»

#молитва #святой #Феодор #ФеодорУшаков #адмирал #праведный #воин #православие #икона #религия #церковь

😇 Другие молитвы праведному воину Феодору Ушакову:
https://pravoslavnye-molitvy.ru/feodoru-ushakovu/

❤️олитва святым Киприану и Устинье

«😥 святии священномучениче Киприане и мученице Иустина! Внемлите смиренному молению нашему. Аще бо временное житие ваше мученически за Христа скончали есте, но духом от нас не отступаете есте, присно по заповедем Господним шествовати нас научающе и крест свой терпеливо нести нам пособствующе. Се, дерзновение ко Христу Богу и Пречистей Его Матери стяжали есте. Темже и ныне будите молитвенницы и ходатаи о нас, недостойных (имена). Будите нам заступницы крепции, да заступлением вашим сохраняеми невредимы от бесов, волхвов и от человек злых пребудем, славяще Святую Троицу: Отца и Сына и Святаго Духа, ныне и присно, и во веки веков. Аминь.»

#святые #Киприан #Устинья #Иустина #мученики #священномученики #религия #Христианство #православие #молитвы

😇 Другие молитвы святым Киприану и Иустине:
https://pravoslavnye-molitvy.ru/kiprianu-i-ustine/

❤️олитва преподобному Кассиану греку, Угличскому

«😥, преподо́бне о́тче наш Кассиа́не, вели́кий подви́жниче и уго́дниче Христо́в! Услы́ши нас, гре́шных, тебе́ ве́рою и любо́вию призыва́ющих, и вонми́ проше́нием на́шим. Я́коже ты оте́чество твое́ и княже́ние любве́ ра́ди Бо́жия оста́вил еси́ и от Росси́йскаго самоде́ржца дае́мыя тебе́ гра́ды и ве́си не прия́л еси́, да Вы́шнее нетле́нное насле́дие получи́ши, та́ко и нас, грехолю́бно в су́етном ми́ре сем стра́нствующих, моли́твами твои́ми к любви́ Бо́жией наста́ви и обрати́ ум наш ко внима́нию те́хже Небе́сных по́честей, да не прельща́емся тле́нными сего́ ми́ра красо́тами. О блаже́нне о́тче Кассиа́не, ты, вели́ким воздержа́нием и бде́нием плоть твою́ ду́ху покори́в, сотвори́л еси́ ю́ чи́стый сосу́д Свята́го Ду́ха. Испроси́ и нам благода́ть сию́, да, плотски́я по́хоти попра́вше, духо́вно и богоуго́дно поживе́м в сие́ вре́мя, да́нное нам для приобрете́ния ве́чных неизрече́нных сокро́вищ.

😥 вели́кий трудолю́бче и уго́дниче Бо́жий, я́ко име́яй дар зубны́я и о́чныя боле́зни цели́ти, огне́вицы же и долголе́тныя ра́ны, и вся́кия разслабле́ния врачева́ти, и от наси́лий бесо́вских стра́ждущих избавля́ти, исцели́ у́бо на́ша стра́сти душе́вныя и облегчи́ нестерпи́мыя боле́зни теле́сныя, от бед и напа́стей защити́, избавля́я нас от вся́каго искуше́ния и наси́льства диа́воля в жи́зни сей; в час же исхо́да душ на́ших предста́ни нам, вели́кий засту́пниче, и, прогна́в темностра́шныя зра́ки лука́вых духо́в, путево́дствуй нас до превы́спренняго Престо́ла вели́чества Бо́жия, да та́мо, узре́вше неизрече́нную сла́ву Христа́ Бо́га на́шего, возблагодари́м тя, толи́каго предста́теля и засту́пника, и, с тобо́ю ку́пно соединя́яся ли́ком святы́х, согла́сно и единоду́шно чи́стою любо́вию воспое́м и просла́вим Безнача́льную Единосу́щную и Неразде́льную Тро́ицу, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.»

#святой #Кассиан #КассианГрек #КассианУгличский #преподобный #православие #молитва #храм #икона #религия #христианство #вераправославная #молитва

❤️олитва преподобной великой княгине Анне Кашинской

«😥 преподобная и преблаженная мати Анно! Смиренно припадающе к честным мощем твоим, молимся со слезами прилежно: не забуди убогих твоих до конца, но поминай нас всегда во святых твоих и благоприятных молитвах к Богу. О преблаженная великая княгине Анно! Не забуди присещати чад твоих, аще бо телом и преставилася еси от нас, но и по смерти жива пребываеши и не отступаеши от нас духом, сохраняющи нас от стрел вражиих, всякия прелести бесовския и козней диавольских. Молитвеннице наша усердная! Не престай молящися за ны ко Христу, Богу нашему, аще бо мощей твоих рака пред очима нашима выну видима есть, но святая душа твоя, со Ангельскими воинствы у Престола Вседержителя предстоящи, достойно веселится.

😍 тебе убо припадаем, тебе молимся, тебе мили ся деем: молися, преблаженная Анно, Всемилостивому Богу нашему о спасении душ наших, еже испросити нам время на покаяние и невозбранно прейти от земли на Небо, мытарств горьких и вечныя муки избавитися и Небесному Царствию наследником быти со всеми преподобными, от века угодившими Господу нашему Иисусу Христу, Емуже слава, со Безначальным Его Отцем, и с Пресвятым, и Благим, и Животворящим Его Духом, ныне, и присно, и во веки веков. Аминь.»

#святая #Анна #АннаКашинская #София #княгиня #преподобная #благоверная #молитва #православие #религия #христианство #церковь #икона

😇 Акафист великой княгине Анне Кашинской:
https://pravoslavnye-molitvy.ru/akafist-anne-kashinskoj/

❤️олитва Божией Матери пред иконой «Трубчевская»

«😥 Пречи́стая Госпоже́, ми́ра Засту́пнице, Ма́ти Всепе́тая! Воззри́ ми́лостивно на предстоя́щия со стра́хом лю́ди Твоя́ и с ве́рою и любо́вию припа́дающия пред чудотво́рною ико́ною Твое́ю. Вонми́ многоболе́зненному воздыха́нию душ на́ших, при́зри с высоты́ святы́я Твоея́ на нас. Се бо грехми́ погружа́емии и скорбьми́ обурева́емии, взира́юще на о́браз Твой честны́й, я́ко живе́й Ти су́щей с на́ми, смире́нная моле́ния прино́сим Тебе́, Влады́чице. Мо́лим Тя: не отврати́ лица́ Твоего́ от прибега́ющих к Тебе́, бу́ди Хода́таица и Покрови́тельница за нас гре́шных пред Бо́гом, и гнев Его́ пра́ведный, за беззако́ния на́ша дви́жимый на нас, ско́ро ути́ши, и к покая́нию наста́ви нас.

😖коже не́когда поми́ловала еси́ прибега́вших к Тебе́ люде́й земли́ Ска́новы, и изба́вила еси́ их от смертоно́сныя я́звы, та́ко и нас всех, с ве́рою моля́щихся Тебе́, изба́ви от паде́ний грехо́вных, от наве́та злых челове́к, от собла́знов ми́ра и искуше́ний, скорбе́й и бед, и от внеза́пныя сме́рти. Вразуми́ и научи́ ходи́ти без поро́ка по пути́ земна́го сего́ жития́, вложи́ в сердца́ на́ша дух стра́ха Бо́жия, дух благоче́стия, дух кро́тости, смире́ния, терпе́ния, непамятозло́бия, умягчи́ зла́я сердца́ на́ша, низпосли́ ре́вность о спасе́нии душ на́ших и бли́жних на́ших.

🙁а́руй всем нам, моля́щимся Тебе́, христиа́нскую кончи́ну жития́ на́шего, и до́брый отве́т на Стра́шнем Суди́щи Христо́ве. Вруча́ем бо живо́т свой Твоему́ Покро́ву и промышле́нию, да ра́достно всегда́ пое́м Тебе́ со все́ми святы́ми: ра́дуйся, Благода́тная, ра́дуйся, Обра́дованная, ра́дуйся, Преблагослове́нная, ра́дуйся, Препросла́вленная во ве́ки. Ами́нь.»

#молитва #Трубчевская #икона #ТрубчевскаяИкона #ПресвятаяБогородица #Богородица #БожияМатерь #Богоматерь #религия #христианство #православие #церковь

❤️олитва Архангелу Рафаилу чтомая в среду

«😥, великий Архангеле Божий Рафаиле, приемый дар от Бога целити недуги, исцели неисцельные язвы моего сердца и многие болезни моего тела. О, великий Архангеле Божий Рафаиле, ты еси путеводитель, врач и целитель, руководствуй меня ко спасению и исцели все болезни мои душевные и телесные, и проведи меня к Престолу Божию, и умоли Его благоутробие за грешную мою душу, да простит меня Господь и сохранит от всех врагов моих и от злых человек, от ныне и до века. Аминь.»

#молитва #православие #архангел #Рафаил #АрхангелРафаил #религия #христианство

Подписаться на канал: 😇 Православные молитвы