❤️олитва пред Печерской иконой Пресвятой Богородицы

«😥, Пресвята́я и Пренепоро́чная Де́во Богоро́дице, на́ша Пече́рская похвало́ и украше́ние, держа́вный покро́ве свята́го ме́ста сего́, и́стинная Влады́чице избра́ннаго уде́ла Своего́. Приими́ нас, недосто́йных рабо́в Твои́х, убо́гое моле́ние, с ве́рою и любо́вию принося́щих пред чу́дным о́бразом Твои́м, да посети́ши ми́лостивно грехо́вное житие́ на́ше, просвеща́ющи его́ све́том покая́ния, осени́ нас, обремене́нных скорбьми́ мно́гими, Твое́ю Небе́сною ра́достию, сподо́би нас при́сно сла́вити Тя в ми́ре и благоче́стии на ме́сте святе́м сем, да, без поро́ка преше́дше путь жития́ на́шего, по́мощию Твое́ю дости́гнем ве́чнаго весе́лия во све́тлости святы́х и Богоно́сных оте́ц на́ших Анто́ния и Феодо́сия и всех преподо́бных Пече́рских и еди́ными усты́ и се́рдцы воспои́м Тя с Предве́чным Сы́ном Твои́м и Безнача́льным Его́ Отце́м и Пресвяты́м, Животворя́щим, Всеблаги́м и Единосу́щным Его́ Ду́хом во ве́ки веко́в. Ами́нь.»

#молитва #ПечерскаяИкона #икона #ПресвятаяБогородица #Богородица #БожияМатерь #Богоматерь #религия #христианство #православие

❤️итать другие молитвы пред иконами Богоматери:
https://pravoslavnye-molitvy.ru/bogoroditse/

❤️олитва Пресвятой Богородице пред иконой Ея «Успение» Киево-Печерской

«😥, Пресвятая и Преблагословенная Мати Господа и Спаса нашего Иисуса Христа, Пречистая Приснодево Богородице Марие! Припадаем и покланяемся Тебе пред святою и чудотворною иконою Твоею, юже от лет древних чудесы многими и исцеленьми прославити благоизволила еси. Смиренно молимся Тебе, Благой и Милосердой Заступнице нашей: предстательством угодников Твоих, преподобных Антония и Феодосия Печерских, вонми гласу грешных молений наших, не презри воздыханий от души, виждь скорби и беды нас обышедшии, и яко любвеобильная воистину Мати потщися на помощь нам безпомощным, унылым, во многая и тяжкия грехи впадшим и присно прогневляющим Господа и Создателя нашего, Егоже умоли, Предстательнице наша, да не погубит нас со беззаконии нашими, да явит нам человеколюбивую Свою милость. Испроси, Владычице, у благости Его всем православным христианом здравие и душевное спасение, благочестное и мирное житие, земли плодоносие, воздуха благорастворение, дождие благовременныя, и благословение свыше на вся благая дела и начинания наша; болящия исцели, скорбящия утеши, бедствующим помози; споспеши всем нам носити иго Xристово в терпении и смиренномудрии, и сподоби нас благочестно житие земное скончати, христианскую же непостыдную кончину получити и Небесное Царствие унаследити. О, Царице Всепетая, Мати Божия Всеблагая! Простри Богоноснии руце Твои к возлюбленному Сыну Твоему и Богу нашему, умоли Его спасти и избавити от погибели вечныя всех иноков обители Твоея Печерския. Якоже древле на горе Печерстей милость являла еси, Владычице, сице и ныне яви, Богородице, Твоя щедроты над обителию Твоею и над нами недостойными чады Твоими; да и зде в земном странствовании нашем, и по кончине живота нашего будем прославлять Безначальнаго Отца, Единороднаго Его Сына, и Единосущнаго и Святаго Его Духа, и Твое милостивное предстательство во веки веков. Аминь.»

#молитва #УспениеБогородицы #ПечерскаяИкона #икона #ПресвятаяБогородица #Богородица #БожияМатерь #Богоматерь

❤️олитва Николаю Угоднику от врагов и ереси

«😥, всеблагий отче Николае, пастырю и учителю всех верою притекающих к твоему заступлению, и теплою молитвою тебя призывающих, скоро потщися, и избави Христово стадо от волков губящих е, сиречь от нашествия латинян лукавых, востающих на ны.

😥гради и сохрани страну нашу, и всяку страну в Православии сущую, святыми твоими молитвами от мирскаго мятежа, меча, нашествия иноплеменников, от междуусобныя и кровопролитныя брани. И якоже помиловал еси триех мужей в темнице седящих, и избавил еси их царева гнева и посечения мечнаго, тако помилуй и избави Великия, Малыя и Белыя Руси народ православный от пагубныя ереси латинския.

😖ко да твоим ходатайством и помощию, Своим же милосердием и благодатию, Христос Бог, да воззрит милостивным оком Своим на люди в невежествии сущия, иже десницы ни шуйцы своея не познаша, паче же юныя, киим обольщения латинския глаголются во еже отвратити от веры православныя, да просветит разум людей Своих, да не соблазнятся же и не отпадут от веры отеческия, совесть, суетными мудрованьми и невежествиими усыпленную, да пробудит, волю обратит ко хранению святыя веры Православныя, да помянет убо веру и смирение отцев наших, живот свой за веру Православную положивших, приемлющи моления теплыя святых угодников Своих, в земли нашей просиявших, соблюдающих нас от прелести и ереси латинския, да сохранивши нас во святем Православии сподобит нас на страшнем Судищи Своем деснаго стояния со всеми святыми. Аминь»

#святой #Николай #НиколайУгодник #НиколайЧудотворец #молитва #православие #икона #религия #христианство #вераправославная

❤️итать другие молитвы Николаю Угоднику:
https://pravoslavnye-molitvy.ru/nikolayu-chudotvorcu/

❤️олитва архангелу Селафиилу о помощи

«😥, великий архистратиже Божий Селафииле! Ты молиши Бога за людей верующих, умоли Его благоутробие за меня, грешную, да избавит меня Господь от всех бед и болезней и от напрасныя смерти и да сподобит меня Господь Царствия Небеснаго со всеми святыми во веки веков. Аминь.»

#молитва #архангел #Селафиил #религия #христианство #церковь #икона #православие

❤️ругие молитвы архангелу Селафиилу:
https://pravoslavnye-molitvy.ru/arhangelu-selafiilu/

❤️олитва Пресвятой Богородице просительная о помощи

«😥, Пресвятая Дева, Матерь Господа Вышнего, всемилостивая Заступница и Покровительница всех, к Тебе с верой прибегающих! Воззри с высоты небесной славы Своей на меня, который припадает к Твоему подножью, услышь мою смиренную молитву, грешного и недостойного раба Твоего, и принеси её к возлюбленному Своему Сыну. О, Преблагословенная Богородица! Ты, которую мы именуем всех скоропослушница и скорбящих радость, услышь и меня скорбного; Ты – утоление печали, утоли и мои душевные болезни и печали; Ты – купина неопалимая, сохрани мир и всех нас от вражиих вредоносных огненных стрел; Ты – взыскание погибших, не попусти мне погибнуть в бездне моих грехов; Ты – целительница страждущих, исцели и меня, который ранен от болезней душевных и телесных; Ты – нечаянная радость, радостью спасения Твоего отними от меня страх грядущего мучения; Ты – споручница грешных, будь и мне, грешнику, благосердной споручницей покаяния и спасения моего. После Бога на Тебя всё моё упование возлагаю, будь мне всегда неусыпной ходатольницей и всесильной предстательницой перед Твоим Сыном, Господом нашим Иисусом Христом, укрепи во мне веру в Него, утверди меня в любви в Него, научи меня любить и славить и Тебя, Пресвятую Матерь Бога, Преблагословенную Марию: вседержавному покрову Твоему, Богородица, вручаю себя на все времена. Ами́нь.».

#молитва #икона #ПресвятаяБогородица #Богородица #БожияМатерь #Богоматерь #религия #христианство #православие

❤️ругие молитвы Пресвятой Богородице:
https://pravoslavnye-molitvy.ru/bogoroditse/

❤️олитва святой великомученице Ирине

«😥 многострадальная и преславная Ирино, невесто Христова всехвальная, угоднице Божия! Предстоящи у Престола Пресвятыя Троицы и наслаждающися неизреченнаго блаженства, призри убо милостивно на нас, приносящих ти хвалебное пение сие, испроси нам милость, отпущение грехов у Преблагаго Господа, вемы бо, воистину вемы, яко вся, елико восхощеши, испросити у Него можеши. Темже убо смиренно припадаем к тебе и просим: умилостиви Владыку неба и земли, да подаст нам дух твоей ревности ко хранению святых Его заповедей, яко да возможем земное поприще в добродетельном житии проводити, райских селений унаследовати и тамо с тобою и всеми святыми прославляти Отца и Сына и Святаго Духа во веки веков. Аминь.»

#святая #Ирина #ИринаМакедонская #великомученица #православие #молитва #церковь #библия #молитвослов #христианство

😇 Читать акафист святой великомученице Ирине:
https://pravoslavnye-molitvy.ru/akafist-irine-velikomuchenitse/

❤️олитва пред иконой Пресвятой Богородице «Неупиваемая Чаша»

«😶‍🌫️арице наша Преблагая, надеждо наша, Пресвятая Богородице, прияте­леще сирых и странных Заступнице, бедствующих помоще и озлобленных покрове. Зрише нашу беду, зрише нашу скорбь: отвсюду искушениями одержимы есмы, а заступающего несть. Ты убо Сама помози нам, яко немощны, окорми, яко странны, настави нас, яко заблудших, уврачуй и спаси нас, яко безнадежных. Не има­мы иныя помощи, ни инаго предстательства, ни утешения, токмо Тебе, о Мати всех скорбных и обремененных. Призри на нас, грешных и во озлоблении сущих, покрый нас Честным Твоим Омофором. Да избавлени бу­дем от зол, обышедших нас, наипаче же пиянства. Да восхвалим всегда Пресвятое имя Твое. Аминь.»

#НеупиваемаяЧаша #ПресвятаяБогородица #БожьяМатерь #Богородица #Богоматерь #молитва #икона

🤱 Читать другие молитвы пред иконой Божией Матери «Неупиваемая Чаша»: https://pravoslavnye-molitvy.ru/neupivaemaya-chasha/

❤️олитва преподобному Варлааму Серпуховскому

«😥, преподобне и Богоносне отче наш Варлааме, обители Пресвятыя Владычице Богородицы устроителю, земли Серпуховския украшение, милостивый и теплый о нас к Богу ходатаю и чудотворче преславный! Приклони ухо твое на моления наша, буди нам благих податель и в житии сем многоскорбнем утешитель и наставник. Научи ны, суетными попечениями обуреваемыя, первее Царствия Небесного искати, и в послушании и смирении сердечнем волю Божию исполняти. Яко руце, на помощь нам немощным простираемыя, да будут твоя святыя к Богу за ны молитвы. Подаждь же исцеления душам и телесем нашим, да в радости духовней благодарственныя и хвалебныя пения не престанем возсылати, и тако твоим заступлением храними, достигнем в тихое и безмятежное пристанище, идеже ты со Ангелы и всеми святыми присно славиши Пречестное и Великолепое Имя Отца и Сына и Святаго Духа, аминь.»

#молитва #святой #преподобный #Варлаам #ВарлаамСерпуховской #религия #христианство #православие #вера

❤️олитва преподобному Иакову Железноборовскому

«😥, Преподобне и Богомудре отче наш Иакове! Вемы, яко с лики Ангельскими и всеми святыми предстоиши присно Престолу Господа Вседержителя, и велие имаши к Нему дерзновение молитися о всех, с верою и умиленными слезами в помощь тя призывающих. Не премолчи убо, вопия за ны, недостойныя, ко Господу Богу, да отвратит гнев свой, праведно за беззакония наша на ны движимый, и да избавимся всяких скорбей, бед же и напастей, и злых обстояний, и благочестно поживем в будущем веце, ходяще в заповедех и оправданиих Господних непорочно. О, Преблаженне и Боголюбезне отче наш Иакове! Умоли Господа, да не оскудеют во обители твоей истинные ревнители иноческаго жития и подражатели святому и богоугодному житию твоему; сохрани предстательством твоим к Богу обитель и страну сию от огня, глада, меча, нашествия иноплеменных и от всякаго зла, и всем, с верою и любовию притекающим во твою обитель испроси у Господа Бога грехов прощение, телесем здравие, исправление греховнаго жития и вечное спасение; да с тобою и всеми святыми сподобимся прославляти в Троице Славимаго Бога, Отца, и Сына и Святаго Духа, во веки веков. Аминь.»

#молитва #святой #преподобный #Иаков #ИаковЖелезноборовский #религия #христианство #православие #вера

❤️олитва святым Женам-мироносицам о даровании христианского милосердия

«😥 святыя жены мироносицы, всехвальныя Христовы ученицы! К вам мы, грешнии и недостойнии, ныне усердно прибегаем и во умилении сердец наших молимся. Вы паче всех благ земных Сладчайшаго Господа Иисуса возлюбисте и Тому чрез все житие добре последовасте, Божественным учением Его и благодатию души своя питающе и множество человек к чудному свету Христову приводяще. Испросите и нам у Христа Бога благодать просвещающую и освящающую нас, да ею осеняемы, в вере и благочестии в подвизех любви и самоотвержения преуспевати будем, и Христу в ближних Его служити неленостно потщимся. О святыя жены! Вы бодренно благодатию Божиею житие на земли препроводивше и во обители Небесныя радостно отшедше, притекосте. Молите убо Христа Спаса, да и нас сподобит странствие наше земное, во временнем сем веце непреткновенно совершити, и в мире и покаянии житие наше скончати, да тако во святыни на земли поживше, вечныя и блаженныя жизни на Небеси сподобимся, и тамо с вами и со всеми святыми вкупе восхвалим Троицу Единосущную и Нераздельную и воспоим едино Божество, Отца и Сына и Всесвятаго Духа и истее благодати Божия причастники будем в невечернем дни Царствия Его во веки веков. Аминь.»

#святые #ЖёныМироносицы #молитва #православие #икона #вера #религия

😇 Другие молитвы святым Жёнам-мироносицам:
https://pravoslavnye-molitvy.ru/zhenam-mironosicam/

❤️олитва Тамаре, царице Грузинской, от всякого зла

«😥, святая великая благоверная царице Тамара! Мы грешнии (имярек) и смиреннии, яко к теплой защитнице и скорой помощнице усердно прибегаем, просяще помощи и заступления в бездне бед погружаемых, иже на всяк день и час нам от человек лукавых приключающихся, и различными болезньми одержимых, да твоим заступлением, коль великое дерзновение к Богу имееши, помолись о нас в печалех, нуждах и напастех сущих, и заступи нас от всех врагов видимых и невидимых, наипаче же от бесовских козней и хитростей, наглых нападений и льстивых подступов, да не будем им в поругание и посмеяние, и твоею крепкою помощию их от нас отгони, якоже отгнала от страны Иверской и верную любовь к Богу в сердцах наших утверди и достойну соделай.

😠гда же приспеет наше от временного сего жития отшествие и к вечности переселение, скоро в помощь нам предстани, и от насилий вражиих свободи, яко имееши жизнь вечную, и приведи сердца наша к истинному покаянию, да и мы нескверными усты и чистой совестию предстанем Пресвятей Троице, прославляя и воспевая Ю, со всеми святыми в бесконечные веки. Аминь.»

#Тамара #царицаТамара #молитва #ТамараГрузинская #Грузия #святая #храм #икона #религия #христианство #Библия #благоверная

😇 Другие молитвы святой царице Тамаре:
https://pravoslavnye-molitvy.ru/tamare-carice-gruzinskoy/

❤️олитва святой равноапостольной Марии Магдалине от искушений

«😥 святая мироносице и всехвальная равноапостольная Христова ученице Магдалино Марие! К тебе, яко верней и мощней о нас к Богу ходатаице, грешнии и недостойнии, ныне усердно прибегаем и в сокрушении сердец наших молимся. Ты в житии своем страшныя козни бесовския испытала еси, но благодатию Христовою явно тех свободилася еси, и нас молитвами твоими от сети бесовския избави, да выну во всем житии нашем делом, словом, мыслию и тайными помышлении сердец наших верно послужим единому Святому Владыце Богу, якоже Тому обещалися есмы. Ты паче всех благ земных сладчайшаго Господа Иисуса возлюбила еси и Тому чрез все житие добре последовала еси, Божественными учении Его и благодатию не токмо свою душу питающи, но и множество людей от тьмы языческия ко Христа чудному свету приводящи; то ведуще, просим тя: испроси нам у Христа Бога благодать просвещающую и освящающую, да, ею осеняеми, преуспеваем в вере и благочестии, в подвизех любве и самоотвержения, да неленостно тщимся служити ближним в их нуждах духовных и телесных, памятующе пример твоего человеколюбия. Ты, святая Марие, бодренно благодатию Божиею протекла еси житие на земли и мирно отшла еси во обители Небесныя, моли Христа Спаса, да молитвами твоими сподобит нас непреткновенно совершити странствие наше в сей юдоли плача и в мире и покаянии скончати живот наш, да тако и в святости на земли поживше, вечныя блаженныя жизни на Небеси сподобимся и тамо с тобою и всеми святыми вкупе выну восхвалим Троицу Нераздельную, воспоим Едино Божество, Отца и Сына и Духа Всесвятаго, во веки веков. Аминь.»

#святая #Мария #МарияМагдалина #равноапостольная #молитва #православие #икона #вера #религия #ЖёныМироносицы

😇 Другие молитвы равноапостольной Марии Магдалине:
https://pravoslavnye-molitvy.ru/marii-magdaline/

❤️олитва святым Марфе и Марии, сестрам праведного Лазаря

«😥, святыя и всехвальныя ученицы Христовы, Боголюбивыя Марфо и Марие! Умолите возлюбленнаго вами и вас возлюбившаго Сладчайшаго Иисуса, Егоже вы исповедали Христа, Сына Божия, да даст и нам грешным грехов оставление, в вере правой нелицемерное и твердое стояние. Вселите в сердца наша дух страха Божия, смиреннаго на Бога упования, терпения и к ближним милосердия. Избавите нас молитвами вашими от искушений житейских, бед и напастей, да тихое и мирное житие поживше зде, с помыслы непорочными и сердцем чистым, с дерзновением веры и упования предстанем на оный страшный суд и, добрый ответ на нем воздавше, радости неизреченныя в Царствии Небеснем сподобимся во веки веков.»

#святая #Марфа #Мария #Лазарь #молитва #православие #икона #вера #религия #ЖёныМироносицы

❤️ругие молитвы святым Жёнам-мироносицам:
https://pravoslavnye-molitvy.ru/zhenam-mironosicam/

❤️олитва преподобному Иову, игумену Почаевскому

«😥 преподобне отче Иове, иноков трудолюбнаго жития богомудрый наставниче, кротости и воздержания, чистоты и целомудрия, братолюбия и нищелюбия, терпения и бдения от ранней юности до поздней старости неутомимый подвижниче, веры православныя великий ревнителю и непреоборимый поборниче, земли Волынския и Галицкия светило богосветлое и святыя Почаевския обители непобедимый защитниче!

😬ризри оком благоутробия твоего на нас недостойных чад твоих, к тебе усердно по вся дни прибегающих и на боголюбивыя люди сия, пред твоими духоносными и многоцелебными мощами собравшияся и благоговейно к тем припадающия, и испроси предстательством твоим ко Всевышнему Владыце им и нам вся, яже к животу и благочестию, полезная и благопотребная: болящия исцели, малодушныя ободри, скорбящия утеши, обидимыя заступи, немощныя подкрепи и поверженныя долу возстави, всем вся, благодатию тебе от Бога данною, даруй по коегождо нужде и потребе, во спасение души и во здравие телу.

😙ознеси, угодниче Божий, всемощную молитву твою, да будет в стране нашей выну мир и тишина, благочестие и благоденствие, в судах правда и милость, в советех мудрость и благое преспеяние, да утверждается же во благих человецех верность, в злых же страх и боязнь, во еже престати им от зла и творити добрая, да тако в стране нашей Царство Христово растет и множится и да прославится в нем Бог, дивный во Святых Своих: Ему же единому подобает всякая слава, честь и поклонение Отцу, и Сыну, и Святому Духу, ныне и присно, и во веки веков. Аминь.»

#молитва #святой #преподобный #Иов #ИовПочаевский #икона #религия #христианство #православие #вера

😇 Читать другие молитвы святому преподобному Иову Почаевскому:
https://pravoslavnye-molitvy.ru/iovu-pochaevskomu/

❤️олитва праведному Иову Многострадальному об исцелении

«😥 святый угодниче Божий, праведне Иове! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою. Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа. Аминь.»

#молитва #святой #праведник #Иов #ИовМногострадальный #икона #религия #христианство #православие #вера #исцеление

😇 Читать другие молитвы святому праведному Иову Многострадальному:
https://pravoslavnye-molitvy.ru/iovu-mnogostradalnomu/

❤️олитва преподобному Михею Радонежскому

«😥, преблаже́нне и Богому́дре о́тче Михе́е! Ты и́стиннаго Па́стыря Христа́ за́поведи исполня́я, вся́ко весе́лие, е́же в ми́ре, возненави́дел еси́ и житие́ твое́ в слеза́х препровожда́л еси́, теле́сныя стра́сти до конца́ умерщвля́я и во всем после́дуя житию́ учи́теля твоего́ преподо́бнаго Се́ргия, с ни́мже и сподо́бился еси́ ви́дети Небе́сную Цари́цу, Пресвяту́ю Богоро́дицу, посеща́ющую вас и благода́тне обещава́ющую, я́ко неотсту́пна бу́дет от ме́ста сего́. О такове́й, да́нней тебе́ благода́ти, ве́дуще мы, я́ко и ны́не ку́пно с Богоно́сным а́ввою твои́м во оби́телях све́та обита́еши и Го́споду предстои́ши, смире́нно мо́лим тя, к честне́й ра́це твое́й припа́дающе: не преста́ни вку́пе с ним моля́ся о нас ко Го́споду на́шему Иису́су Христу́ и Пречи́стей Его́ Ма́тери, о е́же сохрани́ти страну́ на́шу в ми́ре и благопребыва́нии, побе́ду на враги́ дарова́ти, всем же нам во благоче́стии и чистоте́ и взаи́мной любви́ ти́хое и безмо́лвное житие́ устро́ити, от гла́да, губи́тельства, огня́, меча́, междоусо́бныя бра́ни и от вся́кия беды́ и ну́жды нас изба́вити, да, спасе́ни душе́ю же и те́лом, единоду́шно сла́вим в Тро́ице сла́вимаго Бо́га, Отца́, и Сы́на, и Свята́го Ду́ха, ны́не, и при́сно, и во ве́ки веко́в. Ами́нь.»

#святой #Михей #МихейРадонежский #преподобный #православие #молитва #храм #икона #религия #христианство

❤️олитва к Пресвятой Богородице перед Любечской иконой

«😥 пресвятая и преблагословенная Мати Господа и Спаса нашего Иисуса Христа, Пречистая Приснодево, Богородице Мария! Припадаем и поклоняемся Тебе пред святою и чудотворною иконою Твоею, юже от лет древних зде чудеси многими и исцеленми неисчетными прославити благоволила еси. Смиренно молимся Тебе, благой и милосердной Заступнице нашей, предстательством угодника Твоего преподобнаго Антония Печерскаго, вонми гласу грешных молений наших, не презри воздыхании от души, виждь скорби и беды, нас обышедшия, и яко любвеобильная воистину Мати, потщися на помощь нам безпомощным, унылым, во многие и тяжкие грехи впадшим и присно прогневляющим Господа и Создателя нашего, Его же умоли, Предстательнице наша, да не погубит нас со беззаконии нашими, но явит нам человеколюбную Свою милость. Испроси нам, Владычице, у благости Его телесное здравие и душевное спасение, благочестное и мирное житие, земли плодоносие, воздуха благорастворение, дожди благовременны, и благословение свыше на вся благая дела и начинания наша. Исходатайствуй, Госпоже, у Царя царствующих и Господа господствующих всем православным милость Божию, благоустроение и во всех благих изобилие. О Царице всепетая, Мати Божия Всеблагая, простри благоноснии руце Твои к возлюбленному Сыну Твоему и Богу нашему, умоли Его вся ны спасти и избавити погибели вечныя. Яко же древле на месте сем отцем нашим милость Твою являла еси, Владычице, сице и нам ныне яви, Богородице, Твоя щедроты: болящия исцели, скорбящия утеши, бедствующим помози; споспеши всем нам носити иго Христово в терпении и смирении и сподоби нас благочестно житие сие земное скончати, христианскую непостыдную кончину получити и Небесное Царствие унаследити матерним ходатайством Твоим к рождшемуся от Тебе Господу и Богу нашему Иисусу Христу, Ему же со Безначальным Его Отцем и Пресвятым Духом подобает всякая слава, честь и поклонение, ныне и присно и во веки веков. Аминь.»

#молитва #ЛюбечскаяИкона #ПресвятаяБогородица #Богородица #БожияМатерь #Богоматерь

❤️олитва пред Жировицкой иконой Пресвятой Богородице о защите от бед и напастей

«😥, Премилосердная Госпоже, Дево Богородице! Киима устнама прикоснуся ко святыни Твоей, или киими словесы исповем щедроты Твоя, людем являемыя: никтоже бо, притекаяй к Тебе, отходит тощ и не услышан. От юности моея взысках помощи и заступления Твоего, и николиже лишен бых милосердия Твоего. Зриши, Госпоже, скорби сердца моего и язвы души моея веси. И ныне, коленопреклоненно предстоя пред пречистым Твоим образом, моления моя приношу Ти. Не лиши мя всесильнаго ходатайства Твоего в день скорби моея, и в день печали моея заступи мя. Тока слез моих не отврати, Владычице, и радости мое сердце исполни. Прибежище и предстательство буди мне, Милостивая, и света Твоего зарями ум мой просвети. И не токмо о себе молю Тя, но и о людех, притекающих к заступлению Твоему. Церковь Сына Твоего во благости соблюди, и огради ю от злокозненных наветов враг, возстающих на ню. Архипастырем нашим посли помощь Твою во апостольстве, и сохрани их здравы, долгоденствующи, право правящи слово истины Господни. Пастырем испроси у Бога Сына твоего ревность и бдение о душах врученнаго им стада словеснаго, и дух разума и благочестия, чистоты и правды божественныя им ниспосли. Испроси такожде, Владычице, у Господа властем предержащим и градоправителем мудрость и силу, судиям — правду и нелицеприятие, всем же притекающим к Тебе — дух целомудрия, смиренномудрия, терпения и любве. Еще же молю Тя, Премилосердная, осени страну нашу кровом Твоея благостыни, и избави ю от бедствий стихийных, нашествия иноплеменников и междоусобных нестроений, да вси, живущии в ней, в любве и мире пребывающе, тихое и безмятежное житие поживут, и благ вечных молитвами Твоими унаследивше, возмогут купно с Тобою восхваляти Бога на небеси во веки. Аминь.»

#молитва #икона #ЖировицкаяИкона #Богородица #Богоматерь #ПресвятаяБогородица #БожияМатерь #религия #христианство #православие

🤱 Читать другие молитвы Жировицкой иконе Пресвятой Богородицы:
https://pravoslavnye-molitvy.ru/zhirovickoy-ikone/

❤️олитва святому преподобному Нилу, Сорскому чудотворцу

«😥тче наш всепреподобнейший Ниле! Приими сию похвальную песнь, тебе любовию и верою приносимую, и милостивно приклонься с небесных высот, яко отец чадолюбивейший, ходатайствуй верою и любовию тя почитающым грехов прощение, жития исправление, кончину христианскую, мирну и ненаветну от духов злобы. И предстани тогда, о, отче, прогоняя страх смертный от верных твоих рабов и чтителей твоея священнейшия памяти, безбедно творя разлучение души от тела и лютых мытарств прехождение сильным твоим ко Господу молением и предстательством, благодатию, щедротами и человеколюбием Господа и Бога и Спаса нашего Иисуса Христа, и Его Пресвятейшия Матере, твоим милостивым о нас ходатайством. Надеемся вся сия прошения получити и в день страшнаго суда деснаго стояния улучити со всеми угодившими Богу. Аминь.»

#молитва #икона #НилСорский #преподобный #чудотворец #религия #христианство #православие #вера