❤️олитва святителю Афанасию Великому, Александрийскому

«😥, всехва́льный и пресла́вный святи́телю Афана́сие Вели́кий, за ве́ру Правосла́вную ты был еси́ в до́лзех труде́х, мно́зех по́двизех, в пятикра́тных изгна́ниих и бе́гствех, претерпе́л еси́ мно́ги клеветы́ и оболга́ния, мно́гажды за ню хоте́ша врази́ твои́ уби́ти тя, и то́кмо Сам Бог чуде́сно сохрани́ тя от сме́рти. И все сие́ ты претерпе́л еси́ от нечести́вых еретико́в – ариа́н, с ни́ми же и боро́лся еси́, и и́хже, в пучи́не слове́с погрузи́в, терпе́нием твои́м препобеди́л еси́, и, злове́рие их от Це́ркве отгна́в и правосла́вное уче́ние насади́в, умно́жил еси́ се́мя ве́ры Христо́вой. Вои́стинну ты еси́ хра́брый во́ин Христо́в, я́ко во́ин бо, до конца́ дний твои́х сла́вно боро́лся еси́ за пра́вую ве́ру со еретики́. Вои́стинну ты еси́ столп ве́ры Правосла́вныя, и́бо ника́коже поколеба́ся ве́ра твоя́ Правосла́вная от сих гоне́ний ерети́ческих, но па́че утверди́ся и укрепи́ся, и не то́кмо у тя и у па́ствы твое́й, но и во всей Це́ркви Христо́вой. К тебе́ мо́лимся, уго́дниче Бо́жий, испроси́ у Христа́ Бо́га на́шего и нам име́ти ве́ру непоколеби́му и не уклони́тися от пра́ваго пути́ ея́, но до конца́ дний свои́х пребы́ти на нем, не боя́щеся ни ле́сти, ни преще́ния, ни да́же гоне́ния, и унасле́довати Ца́рство Небе́сное во сла́ве Бо́га Отца́ и Сы́на и Свята́го Ду́ха, иде́же ты и вси святи́и пребыва́ют. Ами́нь.»

#молитва #святой #Афанасий #АфанасийВеликий #АфанасийАлександрийский #архиепископ #святитель #храм #икона #религия #христианство

❤️олитва святому апостолу Христову Симону Зилоту, Кананиту

«🤒вятый славный и всехвальный апостоле Христов Симоне, сподобивыйся прияти в дом твой в Кане Галилейстей Господа нашего Иисуса Христа и Его Пречистую Матерь, Владычицу нашу Богородицу, и очевидцем быти преславнаго чудесе Христова, на браце твоем явленнаго, претворения воды в вино! Молим тя с верою и любовию: умоли Христа Господа претворити души наша из грехолюбивых в боголюбивыя; сохрани и соблюди нас молитвами твоими от искушений диавольских и падений греховных, и испроси нам свыше помощь во время уныния и беспомощия нашего; да не преткнемся о камень соблазна, но неуклонно шествуем спасительным путем заповедей Христовых, дондеже достигнем оных блаженных обителей райских, идеже ты ныне водворяешися и веселишися. Ей, апостоле Спасов! Не посрами нас, крепце на тя уповающих, но буди нам помощник и покровитель во всем житии нашем и помози нам благочестно и богоугодно житие сие временное скончати, благую и мирную христианскую кончину получити и добраго ответа сподобитися на Страшнем Суде Христове; да избежавше мытарств воздушных и власти лютаго миродержца, унаследуем Царство Небесное и прославим великолепное имя Отца и Сына и Святаго Духа, во веки веков. Аминь.»

#апостол #СимонЗилот #апостолСимон #святой #молитва #православие #религия #Христианство #святитель #чудотворец #архиепископ #12апостолов #СимонКананит

😇 Акафист апостолу Симону Зилоту:
https://pravoslavnye-molitvy.ru/akafist-apostolu-simonu-kananitu-zilotu/

❤️олитва cвятителю Николаю Угоднику о помощи

«😥, всеблагий отче Николае, пастырю и учителю всех верою притекающих к твоему заступлению, и теплою молитвою тебя призывающих, скоро потщися, и избави Христово стадо от волков губящих е, сиречь от нашествия латинян лукавых, востающих на ны.

😥гради и сохрани страну нашу, и всяку страну в Православии сущую, святыми твоими молитвами от мирскаго мятежа, меча, нашествия иноплеменников, от междуусобныя и кровопролитныя брани. И якоже помиловал еси триех мужей в темнице седящих, и избавил еси их царева гнева и посечения мечнаго, тако помилуй и избави Великия, Малыя и Белыя Руси народ православный от пагубныя ереси латинския.

😖ко да твоим ходатайством и помощию, Своим же милосердием и благодатию, Христос Бог, да воззрит милостивным оком Своим на люди в невежествии сущия, иже десницы ни шуйцы своея не познаша, паче же юныя, киим обольщения латинския глаголются во еже отвратити от веры православныя, да просветит разум людей Своих, да не соблазнятся же и не отпадут от веры отеческия, совесть, суетными мудрованьми и невежествиими усыпленную, да пробудит, волю обратит ко хранению святыя веры Православныя, да помянет убо веру и смирение отцев наших, живот свой за веру Православную положивших, приемлющи моления теплыя святых угодников Своих, в земли нашей просиявших, соблюдающих нас от прелести и ереси латинския, да сохранивши нас во святем Православии сподобит нас на страшнем Судищи Своем деснаго стояния со всеми святыми. Аминь»

#НиколайУгодник #НиколайЧудотворец #Святитель #Николай #святой #молитва #православие #религия #Христианство #чудотворец #архиепископ

😇 Читать другие молитвы Николаю Угоднику:
https://pravoslavnye-molitvy.ru/nikolayu-chudotvorcu

❤️олитва священномученнику Никодиму, архиепископу Костромскому и Галичскому

«🤒вяты́й новому́чениче святи́телю Никоди́ме, ди́вный па́стырю и доблестный во́ине Христо́в! Ты́ все́ю душе́ю от ю́ности за́поведи Бо́жии возлюби́л еси́. Неле́ностно словесам Христо́вой и́стины внима́я, и ины́м мно́гим до́брый наста́вник бы́л еси́. Те́мже Госпо́дь яви́ тя́ прее́мника апо́столом Свои́м. И во дни́ гоне́ния лю́таго на ве́ру Правосла́вную я́ко и́стинный па́стырь яви́лся еси́; кре́стный пу́ть со па́ствою свое́ю проше́д, ссылки, заточе́ния и страда́ния смире́нно претерпе́вый и та́ко вене́ц му́ченический восприя́вый, обре́те благода́ть моли́тися за ны́. И ны́не, о хода́таю на́ш пред Престо́лом Царя́ сла́вы, испроси́ у Него́ ве́ру оте́ческую утверди́ти, Це́рковь святу́ю от ересе́й и раско́лов огради́ти, ве́рных укрепи́ти, заблу́ждших обрати́ти, многострада́льное Оте́чество на́ше умири́ти и от враго́в ненаве́тно сохрани́ти, да моли́твами твои́ми укрепля́еми, изба́вимся от ко́зней лука́ваго, избе́гнем от вся́кия беды́ и напа́сти и та́ко на земли́ благоче́стно пожи́вше, жи́зни ве́чныя на Небеси́ сподо́бимся, иде́же вку́пе со Пречи́стою Госпоже́ю Де́вою Богоро́дицею, со́нмом преподо́бных и богоно́сных оте́ц Костромскаго кра́я покрови́телей и все́ми святы́ми просла́вим в Тро́ице сла́вимаго Бо́га Отца́ и Сы́на и Свята́го Ду́ха во ве́ки веко́в. Ами́нь.»

#святой #Никодим #НикодимКостромской #НикодимГаличский #священномученник #архиепископ #новомученик #православие #молитвы #религия #христианство

❤️олитва святителю Филарету Черниговскому

«😥, Богомудрый Святителю отче наш Филарете, от юности Христа возлюбил еси, ревностию ко храму Божьему исполненный, расколов и ересей искоренителю и истинного учения насадителю. Призри на нас, чад твоих, слезно просящих твоего заступления пред Господом, помози нам, угодниче Божий, избавитися от всякого зла. Сохрани нас от губительной язвы, глада и смертоносныя раны и от всяких бед и скорбей, находящих на нас по грехам нашим.

😥, добрый и верный пастырю Христов! Святую Церковь Православную, от наветов вражиих непоколебиму соблюди. Стране нашей вся благая и ко спасению потребная испроси, да по милости Своей велицей Господь всю жизнь нашу незыблемым миром оградит, дабы непрестанно славити с тобою Единосущную и Нераздельную Троицу, Отца и Сына и Святоаго Духа. Аминь.»

#святой #Филарет #ФиларетЧерниговский #архиепископ #святитель #православие #молитва #храм #икона #религия #православный

❤️олитва святителю Савве Сербскому

«😥, священная главо, преславный чудотворче, святителю Христов Савво, Сербския земли первопрестольниче, хранителю и просветителю, всех же христиан благонадежный пред Господем предстателю! Тебе припадаем и молимся: даждь нам быти причастником любве твоея к Богу и ближнему, ею же при жизни святая душа твоя преисполнена бысть.

😥зари нас истиною, просвети ум и сердце наше светом Божественнаго учения, научи нас тебе подражати верно, Бога и ближняго нашего любити и заповеди Господни совершати непогрешительно, да будем и мы чада твоя, не по имени токмо, но всем житием нашим.

🥸олися, святый архиерею, о святей Православней Церкви и отечестве твоем земнем, присно тя любовию чтущем. Призри благоутробно на всяку душу верных твоих чтителей, милости и помощи твоея ищущих, буди всем нам в болезнех целитель, в скорбех утешитель, в печалех посетитель, в бедах и нуждах помощник, в час же смертный милостивый покровитель и защититель, да помощию молитв твоих святых, сподобимся и мы грешнии спасение верное получити и Царствие Христово унаследовати.

😠й, святче Божий, не посрами упования нашего, еже на тя крепко возлагаем, но яви нам твое многомощное заступление, да славим и поем дивнаго во святых Своих Бога Отца и Сына и Святаго Духа, всегда, ныне и присно и во веки веков. Аминь.»

#святой #святитель #Савва #СавваСербский #архиепископ #молитва #икона #религия #православие #христианство

❤️олитва святителю Феодосию, архиепископу Черниговскому

«😥, священная главо, крепкий наш молитвенниче и заступниче, святителю Феодосие, услыши нас, с верою призывающих тя и усердно припадающих к раце честных и многоцелебных мощей твоих (или: иконе твоей). Поминай нас у Престола Вседержителева и не престай молитися за ны. Вемы, яко грехи наши разлучают нас между нами и тобою, и недостойни есмы толикаго отца и ходатая. Но ты, быв подражатель человеколюбия Божия, не престани вопия о нас ко Господу, испроси предстательством твоим у Всемилостивейшаго Бога нашего мир Церкви Его, на земли воинствующей, пастырем ея силу ревностно подвизатися о спасении людей. Умоли Небеснаго Отца всем нам подати дар, коемуждо благопотребен, веру истинную, надежду твердую и любовь неоскудевающую, градов наших утверждение, мира умирение, от глада и пагубы избавление, от нашествия иноплеменников сохранение, юным и младенцем благое в вере возрастание, старым и немощным утешение и подкрепление, болящим исцеление, сиротам и вдовицам милость и заступление, заблуждшим исправление, бедствующим благовременную помощь. Не посрами нас в уповании нашем, споспешествуй, яко отец чадолюбивый, и нам понести иго Христово во благодушии и терпении, и всех управи в мире и покаянии непостыдно скончати живот свой и Царствия Божия наследником быти, идеже ты ныне водворяешися со Ангелы и всеми святыми, прославляя Бога, в Троице славимаго, Отца и Сына и Святаго Духа. Аминь.»

#молитва #святой #святитель #Феодосий #ФеодосийЧерниговский #чудотворец #архиепископ #религия #христианство #православие #вера #икона

❤️олитва Иоанну, архиепископу Рижскому и всей Латвии

«😥, всеблаженне святый священномучениче святителю отче наш Иоанне, правды Божия поборниче и святыя православныя веры Христовой защитниче, хулителей Святыя Церкве обличителю, врагов прогонителю, обидимым покровителю и всех верных христиан теплый предстателю. Ты всею душею от юности заповеди Христовы возлюбил еси. И во дни гонения лютаго на веру Православную, яко истинный пастырь явился еси, крестный путь прошед: поругание, заточение, оклеветание претерпевый и тако мученический венец восприял еси, обретши благодать Господу молитися за ны. Вемы, яко ты, предстоя Престолу Вседержителя, имаши велие дерзновение в молитвах пред Господем. И ныне смиренно припадаем и усердно молимся: о, скорый заступниче наш, святителю священномучениче отче Иоанне, услыши нас грешных и недостойных чад твоих: умоли Всемилостиваго Господа и Пречистую Его Матерь Пресвятую Богородицу веру православную соблюсти, Святую нашу Церковь укрепити в единстве мира и любви, отпадшия от Святыя Церкве паки возвратити, страну нашу Латвийскую в мире, христианских добродетелех и благоденствии сохранити. Помози нам и разум наш питати не суетною мудростию человеческою, но смиренным познанием воли Божия.

😥, святый угодниче Божий, не презри нас молящихся тебе: не токмо от бед и скорбей избавления просим, но силы и твердости, великодушия и любве, дабы претерпети оныя напасти восстающия на ны. Испроси нам неослабное терпение до конца жития нашего, мир с Господем и грехов наших прощение. Ей, святый священномучениче, моли Господа Бога и Спаса нашего Иисуса Христа Сына Божия избавитися нам от всякаго зла и сохранити храм сей, и град, и страну нашу, и люди благочестно чтущия тя от всякия напасти, от болезней, глада, потопа, огня, меча, нашествия иноплеменников и междоусобныя брани, от клеветы и всякаго злаго обстояния. Молитвами твоими святыми рассеянныя собери, заблудшия на путь правый настави, старость поддержи, юныя вразуми, младенцы воспитай и всех нас с любовию почитающих тя утверди, да пребудем в любве друг ко другу, единомысленно исповедуя Отца и Сына и Святаго Духа, Троицу Единосущную и Нераздельную, и тако да сподобимся Небеснаго Царствия, идеже славится Пречестное и Великолепое Имя Пресвятой и Живоначальной и Нераздельной Троицы. Аминь.»

#молитва #святой #архиепископ #Иоанн #ИоаннРижский #священномученик #ЯнисПоммер #Иван #православие #религия #христианство #православие #вера

😇 Акафист священномученику Иоанну Рижскому:
https://pravoslavnye-molitvy.ru/akafist-ioannu-rizhskomu/

❤️олитва священномученику Фаддею, архиепископу Тверскому и Кашинскому

«😥, великий и преславный угодниче Христов, священномучениче Фаддее! Светильниче пресветлый, на свещнице Церкви Православныя возженный, сосуде чистоты и избранное селение Духа Святаго! Молим убо тя: сохрани под кровом молитвенных крил твоих Православное Отечество наше и паству, юже собрал еси, да не закоснеем в окаменении сердец и нерадении о спасении нашем.

😥, пастырю добрый и ближний друже Христов! Сподоби и нас, путем покаяния шествуя, возлюбити Бога всем сердцем и помышлением нашим и ближняго яко себе, и тако по неложному слову апостола: приближитесь Господу, и приближится вам, — сподобитися вожделенных селений райских, идеже ты с лики святых пребываеши, прославляя в Троице славимаго Бога, Отца и Сына и Святаго Духа, ныне и присно и во веки веков. Аминь.»

#молитва #святой #священномученик #Фаддей #ФаддейТверской #архиепископ #ФаддейУспенский #религия #христианство #православие #молитвы #церковь

❤️олитва священномученику Дамиану, архиепископу Курскому и Обоянскому

«🤒вятый новомучениче, святителю Христов Дамиане! Дивный пастырю и доблестный воине Христов! Ты всею душею от юности заповеди Божии возлюбил еси. Тем же Господь яви тя преемника Апостолом Своим. И во дни гонения лютого на веру Православную, яко истинный пастырь, явился еси, крестный путь с паствою своею прошед и тако венец мученический восприял еси, обретший благодать, молитеся за ны. И ныне, о ходатаю наш пред престолом Царя Славы, испроси у Него веру отеческую утвердити, Церковь Святую от ересей и расколов оградити, верных укрепити, заблудших обратити, болящия исцелити, многострадальное Отечество наше умирити и от врагов сохранити ненаветно. И молитвами твоими избавимся от всякия беды и напасти, и тако на земли благочестно поживше, жизни вечныя на Небеси сподобимся, идеже вкупе со всеми Святыми прославим в Троице славимаго Бога Отца, и Сына, и Святого Духа, во веки веков. Аминь.»

#молитва #святой #священномученик #Дамиан #ДамианКурский #архиепископ #Курск #ДамианВоскресенский #религия #христианство #православие #молитвы #церковь

❤️олитва священномученику Прокопию, архиепископу Херсонскому

«😥, пресла́вный священному́чениче Проко́пие, страстоте́рпче непреодоле́нный, Архиере́ю Бо́жий и о Це́ркви Херсо́нстей хода́таю! При́зри на моле́ние на́с, почита́ющих святу́ю па́мять твою́ и испроси́ на́м у Христа́ Бо́га проще́ния грехо́в на́ших, да не до конца́ прогне́вается на на́с Госпо́дь: согреши́хом бо и недосто́йнии яви́хомся милосе́рдия Бо́жия. Моли́ о на́с Го́спода, да ниспо́слет ми́р на гра́ды и ве́си на́ша, да изба́вит на́с от наше́ствия иноплеме́нников, междоусо́бныя бра́ни и вся́ких раздо́ров, и нестрое́ний. Утверди́, священному́чениче всеблаже́нне, ве́ру и благоче́стие во все́х на́с, и да изба́вит на́с Госпо́дь от ересе́й, раско́лов и вся́каго суеве́рия. О, ми́лостивый на́ш предста́телю! Моли́ся за ны́ ко Го́споду, да сохрани́т на́с от гла́да и вся́ких боле́зней, и да пода́ст вся́ на потре́бу челове́ком поле́зная. Наипа́че же да сподо́бимся моли́твами твои́ми Небе́снаго Ца́рствия Христа́ Бо́га на́шего, Ему́же че́сть и поклоне́ние подоба́ет со Безнача́льным Его́ Отце́м и Пресвяты́м Ду́хом, ны́не и при́сно и во ве́ки веко́в. Ами́нь.»

#святой #Прокопий #ПрокопийХерсонский #ПрокопийНиколаевский #священномученик #архиепископ #православие #молитва #храм #икона #религия #христианство

❤️олитва святителю Григорию Паламе, архиепископу Солунскому

«😥, треблаже́нная и честна́я вои́стину и превожделе́нная главо́, безмо́лвия держа́во, мона́шествующих сла́во, о́бщее богосло́вов и отце́в и учи́телей украше́ние, апо́столов сподви́жниче, испове́дников и му́чеников безкро́вный ревни́телю и венча́телю словесы́ и дея́ньми и благоче́стия побо́рниче и воево́до взбра́нный, боже́ственных догма́тов высо́кий изъясни́телю и учи́телю, пре́лести многоразли́чных ересе́й потреби́телю, всея́ Це́ркве Христо́вы предста́телю, и стра́же, и изба́вителю! Ты́ и преста́влься ко Христу́ назира́еши у́бо и ны́не ста́до твое́ и всю́ Це́рковь свы́ше, боле́зни разли́чныя исцеля́я и словесы́ твои́ми вся́ управля́я, и е́реси изгоня́я, и многообра́зных страсте́й избавля́я. Приими́ же и на́ше сие́ моле́ние и изба́ви на́с от страсте́й и искуше́ний, и треволне́ний, и бе́д, и осла́бу и ми́р и благоде́нствие на́м пода́ждь, о Христе́ Иису́се Го́споде на́шем, Ему́же сла́ва и держа́ва подоба́ет со безнача́льным Его́ Отце́м и Животворя́щим Ду́хом, ны́не и при́сно и во ве́ки веко́в. Ами́нь.»

#молитва #святой #святитель #архиепископ #ГригорийПалама #Григорий #религия #христианство #православие #вера

😇 Читать акафист святителю Григорию Паламе, архиепископу Солунскому: https://pravoslavnye-molitvy.ru/grigoriyu-palame/

❤️олитва исповеднику Стефану, архиепископу Сурожскому

«😥, священная главо, крепкий наш молитвенниче и заступниче, святителю отче наш Стефане, услыши нас с верою и любовию призывающих тя. Поминай нас у Престола Вседержителева и не престай молитися о нас. Испроси предстательством твоим у Всемилостивейшего Спаса нашего мир Церкви, его пастырем, Божию ревность и силу, православной стране нашей мир и спасение. Умоли Небеснаго Отца нашего всем подати коемуждо благопотребен дар: веру истинную, надежду твердую, любовь неоскудную, градов наших утверждение, мира умирение, от глада и губительства избавление, от нашествия иноплеменник сохранение, юным благое в вере возрастание, старым и немощным утешение и укрепление, болящим исцеление, сирым и вдовицам милость и заступление, бедствующим помощь. Не посрами нас во уповании нашем, споспешствуй, яко отец чадолюбивый, и нам понести благое иго Христово во благодушии и терпении и всех нас управи в мире и покаянии непостыдно живот свой окончати и Царствия Божия наследницы быти, идеже ты ныне водворяешися со Ангелы и всеми Святыми, выну хваля Бога, в Троице славимого, Отца и Сына и Святаго Духа. Аминь.»

#святой #Стефан #СтефанСурожский #исповедник #святитель #молитва #архиепископ #православие #религия #христианство #церковь

❤️олитва священномученику Фаддею, архиепископу Тверскому и Кашинскому

«😥, великий и преславный угодниче Христов, священномучениче Фаддее! Светильниче пресветлый, на свещнице Церкви Православныя возженный, сосуде чистоты и избранное селение Духа Святаго! Молим убо тя: сохрани под кровом молитвенных крил твоих Православное Отечество наше и паству, юже собрал еси, да не закоснеем в окаменении сердец и нерадении о спасении нашем.

😥, пастырю добрый и ближний друже Христов! Сподоби и нас, путем покаяния шествуя, возлюбити Бога всем сердцем и помышлением нашим и ближняго яко себе, и тако по неложному слову апостола: приближитесь Господу, и приближится вам, — сподобитися вожделенных селений райских, идеже ты с лики святых пребываеши, прославляя в Троице славимаго Бога, Отца и Сына и Святаго Духа, ныне и присно и во веки веков. Аминь.»

#молитва #святой #священномученик #Фаддей #ФаддейТверской #архиепископ #ФаддейУспенский #ФаддейКашинский #религия #христианство #православие #молитвы #церковь

❤️олитва святителю Антонию (Смирницкому), архиепископу Воронежскому

«😥, святителю Христов, отче Антоние, светило преславное земли Воронежския! Скорый помошниче всем с верою к тебе притекающим, услыши ныне наш вопль сердечный, к тебе возносимый. Исходатайствуй нам вечное спасение и прощение множества грехов наших. Молися прилежно, да помиловани будем, и Царствия Небеснаго наследницы явимся. Таже и в многоразличных скорбех и нуждах наших помози нам: болящия исцели, обидимыя защити, печальныя возвесели, о Державе Российстей и людех ея молитву теплую сотвори. Егда же приблизится время скончания земнаго жития нашего, моли, да не без покаяния и причащения Святых Христовых Таин отыдем, да неосужденно предстанем Царю Славы, грозному Судии всех и да сподобимся со всеми святыми славити Единаго Истиннаго Бога, Отца и Сына и Святаго Духа, во веки веков. Аминь.»

#молитва #святой #Антоний #АнтонийСмирницкий #АнтонийВоронежский #архиепископ #святитель #икона #религия #христианство #православие #церковь

❤️олитва святителю Макарию, митрополиту Московскому и всея Руси, чудотворцу

«😥 вели́кий святи́телю, Це́ркве Ру́сския первопресто́льниче, гра́да Москвы́ па́стырю и учи́телю, о́тче наш Мака́рие блаже́нне, до́бре по́двиг жития́ твоего́ соверши́вый и дерзнове́ние у Го́спода стяжа́вый! К тебе́ во умиле́нии серде́ц на́ших припа́даем и усе́рдно мо́лим: бу́ди о нас те́плый предста́тель у Престо́ла Вседержи́телева и умоли́ Всеблага́го Бо́га, да не пре́зрит нас, во мно́гия и лю́тыя грехи́ впа́дших, но да́рует нам вся блага́я и потре́бная, я́же ко спасе́нию.

😙е́мы бо, я́ко не́мощни есмы́, но мо́лим тя усе́рдно, святи́телю Бо́жий, предста́тельством твои́м сохрани́ невреди́мо всеросси́йскую па́ству, ю́же во святи́тельстве твое́м до́бре упа́сл еси́. Архиере́ем и пресви́тером у Го́спода испроси́ му́дрость, во е́же пра́во пра́вити сло́во Боже́ственныя и́стины, же́ртвенную любо́вь и ре́вность о спасе́нии, да не поги́бнет ни еди́н от па́ствы их; и́ночествующих в по́двизех укрепи́; в ми́ре живу́щим и́стинный и потре́бный им, и́же во Христе́ Иису́се, о́браз жи́тельствования покажи́; ве́ру на́шу укрепи́, любви́ нелицеме́рней друг ко дру́гу научи́, в наде́жди на милосе́рдие Бо́жие утверди́.

😠ще́ же мо́лим тя, святи́телю, испроси́ нам у Всеми́лостиваго Бо́га ду́ха ра́зума и прему́дрости, да украси́мся и́стинным богове́дением спаси́тельных писа́ний святы́х оте́ц и му́дростию их творе́ний. Ей, святи́телю Бо́жий, о ми́ре всего́ ми́ра Го́спода умоли́, страну́ на́шу твои́м предста́тельством в ми́ре и безмяте́жии соблюди́, вся лю́ди Оте́чества на́шего в до́брем расположе́нии друг ко дру́гу сохрани́ и чу́жды междоусо́бных нестрое́ний покажи́, вся́кий град и вся́кую весь до́бре сохрани́, святу́ю ве́ру в лю́дех непоро́чну соблюди́. Бу́ди всем нам ско́рый помо́щник в ну́ждах на́ших, да тобо́ю окормля́еми, ми́рно и благоче́стно поживе́м в жи́зни сей, да сподо́бимся и ве́чных благ восприя́тия на Небеси́, сла́вяще и превознося́ще Отца́, и Сы́на, и Свята́го Ду́ха, и твое́ ми́лостивое предста́тельство, во ве́ки веко́в. Ами́нь.»

#молитва #святой #Макарий #Московский #святитель #митрополит #архиепископ #чудотворец #икона #религия #христианство #православие #церковь

❤️олитва святителю Савве Сербскому

«😙о святителех великое украшение, богомудре отче Савво, молимся раби твои и припадающе, вопием ти: не остави своих чад, отче, но буди всегда с нами, якоже обещался еси, да и мы по долгу воспоем тя, ублажим тя и прославим величие и силу твою и достойную песнь принесем ти, вопиюще и глаголюще: тебе ублажаем, святителю; тебе воспеваем, светильниче; тебе покланяемся, отче Савво! Моли, молимтися, спастися поющим святую твою память. Аминь.»

#святой #святитель #Савва #СавваСербский #архиепископ #молитва #икона #религия #православие #христианство

❤️олитва святителям Афанасию Великому и Кириллу, архиепископам Александрийским

«😥 всесвятии отцы Афанасие и Кирилле, теплии наши заступницы, ересей потребители, благочестия защитители, недужным врачеве, в бедах помощницы и всем притекающым к вам теплии предстатели, помозите нам, грешным, в сем житии, и умолите Господа Бога даровати нам грехов оставление и Царствия Небеснаго наследие, да всегда прославляем Отца и Сына и Святаго Духа, и ваше милостивное предстательство, ныне и присно и во веки веков. Аминь.»

#святые #молитва #Афанасий #АфанасийВеликий #Кирилл #КириллАлександрийский #архиепископ #святитель #православие #молитвы #храм #икона #религия #христианство #вераправославная #православные

❤️олитва святителю Моисею, архиепископу Новоградскому, чудотворцу

«😥, свяще́ннейший о́тче, святи́телю Христо́в Моисе́е, па́стырю и учи́телю наш, не отри́ни нас, с ве́рою притека́ющих к моще́м твои́м и тво­ему́ заступле́нию и те́плою моли́твою тя призыва́ющих, но ско́ро потщи́ся помоли́тися Царю́ ца́рствующих и Го́споду госпо́дствующих, да изба́вит ста́до Свое́ от волко́в, гу́бящих е́, и вся́кую страну́ христиа́нскую огради́ и сохрани́ святы́ми твои́ми моли́твами от мирска́го мяте́жа и тру́са, наше́ствия иноплеме́нник и междоусо́бныя бра́ни, от гла́да же и губи́тельства, пото́па, и меча́, и огня́, и напра́сныя сме́рти, и, я́коже поми́ловал еси́ гряду́щаго ку́плю де́яти от потопле́­ния и от разбо́йников, спасл еси́ святу́ю оби́тель твою́, та́ко поми́луй и нас, умо́м, сло́вом и де́лом во тьме грехо́вней су́щих, и изба́ви нас гне́ва Бо́жия и ве́чныя ка́зни, я́ко да твои́м хода́тайством и по́мощию, Свои́м же милосе́рдием и благода́тию, Христо́с Бог ти́хое и безгре́шное житие́ даст нам пожи́ти в ве́це сем и изба́вит нас шу́ияго стоя́ния, сподо́бит же десна́го со все́ми святы́ми. Ами́нь.»

#святой #Моисей #МоисейНовоградский #МоисейПсковский #архиепископ #святитель #чудотворец #православие #икона #религия #церковь #молитва

❤️олитва святителю Феодосию, архиепископу Черниговскому

«😥, священная главо, крепкий наш молитвенниче и заступниче, святителю Феодосие, услыши нас, с верою призывающих тя и усердно припадающих к раце честных и многоцелебных мощей твоих (или: иконе твоей). Поминай нас у Престола Вседержителева и не престай молитися за ны. Вемы, яко грехи наши разлучают нас между нами и тобою, и недостойни есмы толикаго отца и ходатая. Но ты, быв подражатель человеколюбия Божия, не престани вопия о нас ко Господу, испроси предстательством твоим у Всемилостивейшаго Бога нашего мир Церкви Его, на земли воинствующей, пастырем ея силу ревностно подвизатися о спасении людей.

🙂моли Небеснаго Отца всем нам подати дар, коемуждо благопотребен, веру истинную, надежду твердую и любовь неоскудевающую, градов наших утверждение, мира умирение, от глада и пагубы избавление, от нашествия иноплеменников сохранение, юным и младенцем благое в вере возрастание, старым и немощным утешение и подкрепление, болящим исцеление, сиротам и вдовицам милость и заступление, заблуждшим исправление, бедствующим благовременную помощь.

☹️е посрами нас в уповании нашем, споспешествуй, яко отец чадолюбивый, и нам понести иго Христово во благодушии и терпении, и всех управи в мире и покаянии непостыдно скончати живот свой и Царствия Божия наследником быти, идеже ты ныне водворяешися со Ангелы и всеми святыми, прославляя Бога, в Троице славимаго, Отца и Сына и Святаго Духа. Аминь.»

#молитва #святой #святитель #Феодосий #ФеодосийЧерниговский #чудотворец #архиепископ #религия #христианство #православие #вера #икона