❤️олитва святителям Герасиму, Питириму и Ионе, епископам Великопермским«
😥, святителие Христовы Герасиме,
Питириме и Ионо! К вам, яко чада ко отцем, во смирении сердца с верою и любовию вси притекаем и умиленно молимся: предстательством вашым со равноапостольным Стефаном испросите у Господа нам покаяние и прощение всех вольных и невольных согрешений наших, да преуспевающе во истинней вере и благочестии, явимся достойни милости Его неизреченныя. Будите, святителие Христовы, теплии о нас пред Богом заступницы, да умирит и укрепит Господь Святую Церковь Свою, да обратятся к вере неверующии, да вразумятся заблуждающиися, да престанут соблазны и нестроения.
😥граждайте ходатайствы вашими государство Российское и молитеся выну ко Господу, страждущую страну нашу Российскую от лютых безбожник и власти их да свободит, и да возставит престол православных правителей; верных рабов Его, в скорби и печали день и нощь вопиющих к Нему, многоболезный вопль да услышит и да изведет от погибели живот наш, да тихое и безмолвное житие поживше в веце сем, христианскую кончину и добрый ответ на Страшнем Суде Божии улучим и наследницы будем Небеснаго Его Царствия во веки веков. Аминь.»
#молитва #святые #Герасим #Питирим #Иона #епископы #ГерасимВеликопермский #ПитиримВеликопермский #ИонаВеликопермский #православие #икона #религия #христианство #православные #церковь 