❤️олитва преподобному Никандру пустынножителю, Псковскому чудотворцу«
😥, преподо́бне и достоблаже́нне о́тче наш Ника́ндре, по́стниче терпеливоду́шный, безмо́лвия рачи́телю предо́блий, учи́телю спасти́ся хотя́щим прему́дрый, наказа́телю лени́вым прети́хий, разреши́телю тлетво́рных страсте́й незло́бивый, му́жу жела́ний, прозорли́вства проро́ческаго испо́лненне, предвозгла́сная бу́дущих благ цевни́це, адама́нте ве́ры во Христа́ несеко́мый, незы́блемый терпе́ния сто́лпе, за́поведей Творца́ твоего́ соверши́телю благопослушли́вый, плотоно́сный А́нгеле и Ду́ха Свята́го вмести́лище благово́нное, жи́телю пусты́нный и бесо́в прогони́телю, исполни́телю всех доброде́телей смиренному́дрый, Небе́сный челове́че и сожи́телю го́рним чинонача́лием, кро́тостию ду́ха зе́млю кро́тких насле́довавый, дру́же Христо́в и уго́дниче Пресвяты́я Богоро́дицы, Я́же и ра́ку цельбоно́сных моще́й твои́х во хра́ме Свое́м просла́вити благоизво́ли, изоби́льно от нея́ чуде́сному дождю́ на ве́рных излива́тися повеле́вши!
😍 не́йже припа́дающе с любо́вию, мо́лим тя, досточу́дне: не преста́й моли́ти Пресвяту́ю и Живонача́льную Тро́ицу, низпосла́ти стране́ на́шей мир и благоде́нствие, на враги́ же побе́ду и одоле́ние, и от наве́т вра́жиих во́инству на́шему сохрани́тися в ми́ре, Це́рквам согла́сие и всем лю́дем тишину́ и изоби́лие благи́х дарова́ти. И угаси́, блаже́нне, моли́твами твои́ми, паря́щия на ны разжже́нныя бесо́вския стре́лы, да не прико́снется нам зло́ба грехо́вная. И, всем вся ми́лостивне да́руя, при́зри и на мя, смире́ннаго раба́: свя́зан бо есмь лю́те плени́цами прегреше́ний и влеко́мь, увы́ мне! в пучи́ну стра́стнаго мо́ря неодержа́нно.
🤒его́ ра́ди приле́жно молю́ святы́ню твою́, пребога́те, и припа́даю к ра́це моще́й твои́х со слеза́ми: предста́ни мне на пути́ бе́дственнаго жития́ сего́, расто́ргни у́зы, отжени́ стра́сти, осла́би от грехо́вных вери́г, изба́ви мя от належа́щия ско́рби и от вся́каго зла, разреши́ мя от боле́зненных уз и спасе́ние души́ умоли́ мне, я́ко да воспою́ и просла́влю в Тро́ице сла́вимаго Еди́наго Бо́га, Отца́ и Сы́на и Свята́го Ду́ха, ны́не и в безконе́чныя ве́ки веко́в. Ами́нь.»
#святой #преподобный #Никандр #НикандрПсковский #пустынножитель #чудотворец #Псков #православие #молитва #религия #икона #церковь 