Адпачывайце з камфортам

Ужо пачаўся купальны сезон і дзятлаўчане могуць атрымліваць асалоду ад адпачынку каля вады.
Многія жыхары райцэнтра накіроўваюцца на пляж на гарадскім возеры.
У адпаведнасці з планам мерапрыемстваў па падрыхтоўцы пляжаў да купальнага сезона перад ЖКГ быў пастаўлены шэраг задач, якія трэба было выканаць у тэрмін. І наша камунальная служба справілася. Прычым справілася лепш за ўсіх у вобласці. Пры абавязковым інспектаванні пляжаў, іх прыёмцы напярэдадні купальнага сезона старшыня абласной арганізацыі АСВОД Сяргей Вінаградаў адзначыў, што дзятлаўскі пляж падрыхтаваны своечасова і ў адпаведнасці з усімі нормамі, таму і прызнаны лепшым. Сяргей Альбертавіч падзякаваў за якасную работу, адказны падыход да арганізацыі бяспечнага і камфортнага адпачынку людзей на вадаёме і ўручыў падзякі і памятныя падарункі начальніку Дзятлаўскага РУП ЖКГ Васілію Пецюку і яго намесніку Віктару Дзедулю.
👇👇👇
http://diatlovonews.by/2023/06/adpachyvajce-z-kamfortam

#Дзятлава #Дятлово #власть #освод #жкх