Barkamol avlod tarbiyasiga  masʼulmiz

Yuksak  marralarni koʻzlagan Yangi Oʻzbekistonning ishonchi va tayanchi boʻlgan yoshlar maʼnaviyati, tafakkurini oʻstirish, madaniyatini yuksaltirish hozirgi davrning eng dolzarb masalasi boʻlib turibti. Oʻzbekiston Respublikasi Prezidenti Administratsiyasi tavsiyasi va topshiriqlari asosida  Madaniyat vazirligi hamda  Yoshlar ishlari agentligi tomonidan yoshlar oʻrtasida olib borilayotgan targʻibot ishlari ham shu maqsadga yoʻnaltirilgan.

Hozirgi  davr yoshlari  atrofidagi voqealarga befarq boʻlmagan qiziquvchan, intiluvchan, gʻayratli, shijoatli yoshlardir. Faqat ularning bu qobiliyatlarini toʻgʻri yoʻnaltirish uchun eng avval ularning tafakkurini shakllantirish zarur. Buning uchun biz nima qilyapmiz? Shu savol barchamizni oʻylantirishi kerak.

Toʻgʻri, soʻnggi yillarda isteʼdodli yoshlarni qoʻllab-quvvatlash, iqtidorlarini yuzaga chiqarish maqsadidagi islohotlar oʻz samarasini bermoqda. Lekin, yoshlarning gʻoya va takliflarini oʻrganish, shu bilan birga Vatanga muhabbat va sadoqat ruhida tarbiyalash, madaniyat va sanʼat sohasida bunyodkorligi va soha rivoji yoʻlidagi fidoyiligi va tashabbuskorligini oshirish muhim ahamiyatga ega.

Uchrashuvda shu masalalarga eʼtibor qaratdik, yoshlarning fikr-mulohazalariga quloq tutdik. Ayon boʻldiki, ertangi kun egalari boʻlgan yoshlarimizning intellekti, kuch –gʻayrati, shijoati oldimizga qoʻyilgan barcha marralarni, yuksak choʻqqilarni zabt etishga qodir. Taʼkidlaganimizdek, biz kattalar yoshlar bilan birgalikda bir yoqadan bosh chiqarib ezgu maqsadlar sari olgʻa intilishimiz, ularni ruhlantirishimiz zarur.

🚀 Telegram / 📷 Instagram

⚡️ Namanganda 63-xalqaro “Gullar festivali”ning tantanali yopilish marosimi bo'lib o'tdi. Unda, madaniyat vaziri Ozodbek Nazarbekov ishtirok etdi.

“Gullar festivali”ning bu yilgi xalqaro tadbirning yuksak saviyada o'tkazilishiga munosib hissa qo'shgan faollarni taqdirlash marosimi bo'lib o'tdi. Unga ko‘ra; 

"Eng yaxshi dizayner yaratgan gulchi" sifatida –   Mubosher Qodirov e'tirof etildi.

Tashkilotlar o'rtasida "Eng yaxshi landshaft dizayn" nominatsiyasi – Namangan shahridagi Bobur nomli madaniyat va istirohat bog'iga nasib etdi.

Hokimliklar o'rtasida "Eng ma'naviyatga boy landshaft dizayn" nominatsiyasi bo'yicha Yangi Namangan tumani g'olib bo'ldi.

Ularga zamonaviy avtomashinalarni O'zbekiston madaniyat vaziri Ozodbek Nazarbekov hamda Namangan viloyati hokimi Shavkatjon Abdurazzoqov tantanali ravishda topshirdilar.

Shuningdek, "Gullar festivali avtoparadidagi faol ishtiroki", "Eng yaxshi gul kompozisiyasi", "Milliy qadriyatlar bo‘yicha gulchilar sulolasi davomchisi", "Gullar festivalini tashkil etishdagi xizmatlari uchun" nominatsiyalari bo'yicha g'oliblar ham pul mukofotlari bilan taqdirlandilar.

Taniqli san'atkorlar ishtirokidagi konsert dasturi bo'lib o'tdi. Tadbir yakunida Namangan osmonini ajoyib mushakbozlik bezadi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt