📺 Билиглерниң чаа төвү

✍️ Чаа өөредилге чылы эгелээринге чедир каш-ла хонуктар арткан. Уруглар удавас парталар артынга олуруптар. Чай дургузунда республиканың школаларынга чаа өөредилге чылынга белеткелди чоруткан, оларның аразында Бора-Тайга ортумак школазы улуг септелгезин кылып дооскан.

#Тыва24 #Медээлер

📺 Чаа школага чаа өөредилге чылы.

✍️ Таңды кожууннуң Бай-Хаак суурда чаа школаны ажыдарынга белеткел ажылы чоруп турар. Өөредилге чери 825 олуттуг. Ол «Өөредилге» национал төлевилелдиң күүселдези-биле боттанып турар улуг хемчээлдиг төлевилел. Кожуунда школачыларга кандыг чаа аргалар ажыттынып турарыл?

#Тыва24 #Медээлер

📺 «Тыва 24». Хүннүң кол болуушкуннары. Башкарыкчызы – Оюмаа Монгуш

✍️ - Тываның Культура яамызы биле Новосибирскиниң консерваториязы кады ажылдажылга дугуржулгазынга атты салганнар.
- Өөредилге чылынга белеткел - кидин түлүк. Бора-Тайга школазында кол септелге ажылдары доозулган.
- Бай-Хаактың чаа школазы чаа өөредилге чылынга белеткенип турар.
- Тывага караа көрбес болгаш көөрү багай улуска «Чайгы мозаика» деп республика чергелиг 17-ги спартакиада болуп эрткен.

#Тыва24 #Медээлер

📺 Культура кижи бүрүзүнге чогумчалыг болур ужурлуг

✍️ Сүт-Хөл кожууннуң Бора-Тайга суурда көдээ Культура бажыңында капиталдыг септелге ажылдары чоруп турар. Президентиниң доктаалы ёзугаар күүсеттинип турар «Өг-бүле» национал төлевилелдиң ачызында ол боттанган. Культура албан чериниң бажыңы 1987 чылда туттунган, ынчангаш улуг чаартылга ёзулуг-ла хереглеттинип турган. Ол ам ийи дугаар тынышты алыр.

#Тыва24 #Медээлер

📺 Ажыл-ижинде шылгарааннарга күрүне шаңналдары

✍️ Республика хүнүнге тураскаадып, регионнуң хөгжүлдезинге улуг үлүг-хуузун киирген хамаатыларга Тываның Баштыңы Владислав Ховалыг күрүне шаңналдарын тывыскан. Күш-ажылдың хоочуннарын, аныяк специалистерни демдеглеп, байырын чедирген. Бедик шаңналдарга кымнар төлептиг болганыл?

#Тыва24 #Медээлер

📺 Бурунгу культураның кадагалакчылары

✍️ Бүгү делегейниң үндезин чоннарының хүнүнге болгаш Тыва Республиканың хүнүнге тураскааткан эвээш санныг үндезин чоннарның фестивалы Кызылга болуп эрткен. Байырлалдың кол маадырлары – ивижилерниң болгаш аңчыларның онзагай культуразын кадагалап чоруур Тожу тывалары.

#Тыва24 #Медээлер

📺 Хөөмей - тываларның культурлуг өнчүзү

✍️ Тывага эрткен дыштаныр хүннерде элээн каш культурлуг болуушкуннар-биле долу болган. Оларның бирээзи — Хөөмей хүнү. Национал театрга сыгыт-хөөмейниң эң-не тергиин күүседикчилерин болгаш сонуургалдыг улусту чыып, концертти бараалгаткан. Хөөмей - тываларның салгалдан салгалче дамчып келген ховар эртинези.

#Тыва24 #Медээлер

📺 «Тыва 24». Хүннүң кол болуушкуннары. Башкарыкчызы – Идегел Намдан

✍️ - Республика хүнүн таварыштыр Тываның Баштыңы регионнуң шылгараңгай хамаатыларынга күрүне шаңналдарын тывыскан.
- Бора-Тайга суурнуң Культура бажыңы чаарттынып турар.
- Аъш-чем, ыры-хөгжүм, мастер-класстар. Тываның национал парыгынга эвээш санныг үндезин чоннарның фестивалы болуп эрткен.
- Тывага Хөөмей хүнүн демдеглээн. Национал театрның сценазынга катаптаттынмас хөөмей чаңгыланган.

#Тыва24 #Медээлер

📺 Мөңгүн-Тайга кожуунда культураның хөгжүлдези

✍️ Кожуунда культурлуг хүрээлелди хөгжүдер талазы-биле ажыл уламчылап турар. «Культура» национал төлевилелдиң ачызында үш объект амгы үениң чаа дериг-херекселдери-биле четчеленип, бедик шынарлыг хемчеглерни эрттирер аргалыг апарган.

#Тыва24 #Медээлер

📺 Тываның Иштики херектер яамызының чеди ай дургузунда кылган ажылының түңнелдери

✍️ 2025 чылда регионнуң Иштики херектер яамызы хамаатыларның айыыл чок чоруун хандырар талазы-биле ажылды чорудуп турар. Кем-херек үүлгедиишкиннерин эвээжедир болгаш хөй-ниити корум-чурумун быжыглаар талазы-биле хемчеглерни алган. Иштики херектер сайыды Юрий Завьялов бо чылдың чеди айының ажыл-чорудулгазының түңнелдериниң дугайында илеткелди кылып, журналистерниң айтырыгларынга харыылаан.

#Тыва24 #Медээлер