📺 Тывадан ачы-дузаны тускай шериг операциязының девискээринге чедирип берген

✍️ Дөрт фурада чүдүрген 35 тонна ачы-дузаны тускай шериг операциязында ийи аңгы угланыышкынга Тывадан чоруткан делегация Шагаа хүнүнде чедирип берген. ооң-биле кады шериг албанныгларга ламалар ном номчуп, арыглаашкын езулалдарын чоруткан.

#Тыва24 #Медээлер #ТШО #АчыДуза

📺 Тываның Баштыңы тускай шериг операциязының киржикчилеринге чаа регионалдыг программаның эгелээнин чарлаан

🎖 Тускай шериг операциязының киржикчилеринге кадрлар айтырыын шиитпирлээр «Тываның Маадырлары» деп төлевилелдиң сайтызы ажылдап эгелей берген. Героитувы.рф деп платформадан кижи бүрүзү сонуургаан медээлерин көрүп, программа дугайында өөренип көргеш, киржир күзелин илередип болур. Бистиң тырттырар бөлүүвүс деткимчениң чаа хевирин сонуургап четкен.

#Тыва24 #Медээлер #ТШО #ТываЧазак

📺 «Тываның Маадырлары» регионалдыг программа

🎖 Тываның Баштыңы Владислав Ховалыгның даалгазы-биле эгелээн ТШО киржикчилеринге болгаш хоочуннарнынга чаа мергежилдер чедип алырынга дузалаар «тываның Маадырлары» деп регионалдыг программаже чагыглар хүлээп алыышкыны эгелей берген.

#Тыва24 #Медээлер #ТШО #ТываныңМаадырлары

📺 Тываның командазы «Ада-чурт камгалакчыларының Кубогунда» киржип турар.

✍️ Март 12-де Ханты-Мансий автономнуг округта бир дугаар Бүгү-российжи спорттуң кышкы хевирлеринге «Ада-чурт камгалакчыларының Кубогу» эгелээн. Ажыдыышкын ёзулалынга Тывадан команда база киришкен.

#Тыва24 #Медээлер #ТШО #Спорт

📺 Тывада «Тываның Маадырлары» программага киржир күзелин илереткен чагыглар хүлээп алыышкыны кидин-түлүк.

🎖 Тывага март эгезинде «Тываның Маадырлары» деп регионалдыг программа боттанып эгелээн. Ол «Маадырлар үези» деп Президентиниң кадрлар программазының тыва хевири болур. Ооң эки талаларының дугайында болгаш канчаар чагыг киирериниң дугайында бистиң тырттырар бөлүүвүс сонуургаан.

#Тыва24 #Медээлер #ТываныңМаадырлары #ТШО

📺 Тускай шериг операциязының маадырынга тураскааткан мини-футболга республика турнири болуп эрткен.

🎖 “Эрес-дидим чорук дээш” орденниң кавалери Долаан Донгак тускай шериг операциязының девискээринге Ада-чуртун камгалап тургаш, маадырлыы-биле амы-тынындан чарылган. Ооң эрес-дидимин, кижизиг мөзүзүн чоок улузу, эш-өөрү утпас. Ынчангаш Долаан Донгакка тураскааткан республика чергелиг мини-футбол маргылдаазын эрттирген. Аңаа бистиң тырттырар бөлүүвүс база барып четкен.

#Тыва24 #Медээлер #ТШО

📺 Тиилелге хүнүнге уткуй тускай шериг операциязында дайынчыларга ачы-дуза чыыр акция эгелээн.

🤝 Тускай шериг операциязында киржип турар оолдарынга ачы-дуза чедирер буянныг үүле Тываның бүгү чурттакчыларын каттыштырып турар. Бо удаада база ээлчегли дузаламчы чыылдазы республикада эгелей берген. Бо удаада Улусчу фронтунуң күүсекчи комитединче Дүрген суурнуң херээженнер эвилели, Тиилелгениң волонтерлары база хууда сайгарлыкчылар дайынчы оолдарга хереглеттине бээр чүүлдерни эккелген.

#Тыва24 #Медээлер #ТШО

📺 Россияның Маадыры Буян Куулар «Тываның Маадырлары» регионалдыг программага киржир күзелин илередип, билдириишкинни киирген.

🎖 «Тываның Маадырлары» регионалдыг программага киржиксеп турар күзелдиглер саны хүнден хүнче көвүдеп турар. Оларның бирээзи – амгы үеде шериг албанында хевээр Россия Федерациязының Маадыры Буян Куулар. Ол ук төлевилелдиң эки талаларын демдеглеп чугаалаан.

#Тыва24 #Медээлер #ТШО #ТываныңМаадырлары