📺 Хадың суурже кирер орукта септелге ажылдары

✍️ Тывада Бии-Хем кожууннуң Хадың сумузунче кирер оруунда улуг хемчээлдиг септелге ажылдарын «Восток» ниитилелиниң тускай эртемниглери чорудуп турар. Бо хүннүң байдалы-биле, объектиниң техниктиг талазы 40% белен.

#Тыва24 #Медээлер

📺 Мегечилерге алыспаңар!

✍️ Сөөлгү үеде өске кижиниң өнчү-хөреңгизин мегелеп тургаш, оорлаар кем-херек үүлгедиишкиннери хөйү-биле нептереп турары чажыт эвес. Чурттакчы чоннуң эң-не бүзүрээчел кезээ – мегечилерниң кол шыгаап турар улузу болур. Тываның Чазаанга оор чоруктуң чаа хевирин болдурбазының дугайында база мегечилер-биле демиселдиң аргаларын сайгарып, ужуражылганы эрттирген.

#Тыва24 #Медээлер

📺 Президентиниң культурлуг эгелээшкиннер фондузунуң семинары Тывага бир дугаар болуп эрткен

✍️ Культура адырынга чаа эгелээшкиннерниң Президент фондузунуң семинары Тывада бир дугаар болуп эртип турары бо. Аңаа республиканың кожууннарының аңгы-аңгы адырларының төлээлери болгаш Культура эгелээшкиннериниң Президентиниң фондузунуң чиңгине директорунуң оралакчызы Евгений Мурахвери киришкен.

#Тыва24 #Медээлер

📺 «Тыва 24». Хүннүң кол болуушкуннары. Башкарыкчызы – Оюмаа Монгуш

✍️ - Тываның маадырлары чалыы армейжилер-биле ужурашкан.
- Мегечилер социал четкилерни идепкейлиг ажыглап турар
- Тывада Хадың суурже кирер автоорукта септелге ажылдары шалыпкын чоруп турар
- Кызылга Президентиниң культурлуг эгелээшкиннер фондузунуң бир дугаар семинары болуп эрткен.

#Тыва24 #Медээлер

📺 Баштыңның хыналдазы

✍️ Тываның Баштыңы Владислав Ховалыг республиканың барыын кожууннарынче ажыл-агыйжы үнүүшкүннү кылган. Баштай Улуг-Хем кожууннуң Шагаан-Арыг хоорайынга доктааган. Регионнуң Баштыңы капитал септелге чорудуп турар черлерни болгаш туттунуп турар социал объектилерни хынаан.

#Тыва24 #Медээлер

📺 Чалыы армейжилерге паспорттарны тывыскан

✍️ Россияның Күрүне тугунуң хүнүнге тураскааткан патриотчу хемчегни Тываның чалыы армейжилеринге база эрттирген. Башкарыкчылар «Билиг» ниитилелиниң регионалдыг салбыры-биле кады байырлыг езулалды кылган.

#Тыва24 #Медээлер

📺 Россия Федерациязының Күрүне тугунуң хүнү: патриотчу байырлал болгаш чалыы хамаатыларга баштайгы паспорттар

✍️ Россия Федерациязының Күрүне тугунуң хүнүнге тураскааткан байырлыг хемчеглер Кызыл хоорайга болуп эрткен. Чурттуң 14 харлыг хамаатыларынга күрүнениң база бир чугула хүнүнде баштайгы паспорттарны тывысканы - оларга кол болуушкун болуп, улуг чуртталгаже киргениниң демдээ болган.

#Тыва24 #Медээлер

📺 Эмчилер шуулганы

✍️ Алдын-Булакка чоннуң кадыкшылының талазы-биле Чөөн Азияның шуулганы болуп эрткен. Улуг хемчээлдиг хемчег чурттуң аңгы-аңгы регионнарындан кадык камгалалының, профилактиктиг медицинаның болгаш терапияның эксперттерин чыгган.

#Тыва24 #Медээлер

📺 «Тыва 24». Хүннүң кол болуушкуннары. Башкарыкчызы – Алена Лагбы

✍️ - Тываның Баштыңы Улуг-Хем кожуунда туттунуп турар социал объектилерни хынаан.
- Найысылалдың школачылары Россия Федерациязының Күрүне тугунуң хүнүнде бирги албан езузунуң документизин алган.
- Тываның чалыы армейжилеринге Россияның Күрүне тугунуң хүнүнге тураскааткан патриотчу хемчег болуп эрткен.
- Тывага чоннуң кадыкшылының талазы-биле Чөөн Азияның шуулганы болуп эрткен.

#Тыва24 #Медээлер

📺 Владислав Ховалыг: социал объектилерниң дужаар хуусаалары шынарынга дүгжүр ужурлуг

✍️ Тываның Баштыңы Владислав Ховалыг Чөөн-Хемчик, Улуг-Хем кожууннарда болгаш өске-даа черлерде элээн каш социал объектилерниң тудуунуң болгаш септелгезиниң чорудуун хынаан. Тудуг ажылдары кандыг чадада чоруп турарыл база керээ чарган кижилер объектилерни дужаар хуусааларында доозуп четтигер бе?

#Тыва24 #Медээлер