📺 Шупту эки чүүлдерни уругларга.

✍️ Чайгы дыштанылгалар төнүп турар, чаа өөредилге чылы удавас эгелээр. Республиканың 100 ажыг школалары бо чылын «Төрээн чурттуң айыыл чок чоруунуң болгаш камгалалының үндезиннери» болгаш «Күш-ажыл» деп эртемнерге чаа дериг-херекселдер болгаш өөредилге-методиктиг материалдар-биле хандыртынар. Чаартылга национал төлевилелдиң ачызында болдунган.

#Тыва24 #Медээлер

📺 Келир үениң чемпионнарынга чаа арга-шинек

✍️ Тываның эрге-чагыргазы регионнуң спортчу инфраструктуразын идепкейлиг хөгжүдүп турар. Кызылга Күш-культура хүнүнүң бүдүүзүнде «Спортту шилип алыр мен» федералдыг төлевилел езугаар амгы үеге дүүшкен спортчу оран-саваны ажыткан. Ол самбо спордунуң мөгейикчилериниң арга-дуржулгазын сайзырадып, улуг чедиишкиннерни чедип алырынга чаа арга-шинекти бээр

#Тыва24 #Медээлер

📺 «Тыва 24». Хүннүң кол болуушкуннары. Башкарыкчызы – Оюмаа Монгуш

✍️ - Чайгы ачы-дуза чыылдазы доозулган
- Россияның тос региону коммуналдыг адырны хөгжүдеринче 39 млрд ажыг рубльди алыр. Оларның аразында Тыва база кирип турар.
- Тываның школалары “Төрээн Чурттуң айыыл чок чоруунуң болгаш камгалалының үндезиннери” болгаш “Технология” кичээлдериниң класстарынга чаа шагның дериг-херекселдерин алыр.
- «Спортту шилип алыр мен» федералдыг төлевилел езугаар Кызылда чаа спорт залы ажыттынган.

#Тыва24 #Медээлер

📺 Көдээде культура амыдыралы

✍️ Республикада көдээ культура албан черлерин чаа тускай эртемниглер-биле хандырарынче угланган «Көдээ черниң культура ажылдакчызы» деп мөөрейниң түңнелдерин үндүрген. Мөөрейни Россияның Президентизи Владимир Путинниң даалгазы-биле эрттирип, 50 муң чедир чурттакчылыг черлерни хаара туткан.

#Тыва24 #Медээлер

📺 Психологтуг деткимче өөредилгези.

✍️ Чоок улузун чидирери - кижиниң амыдыралында берге байдал, ындыг үеде деткимче кончуг чугула. Ынчангаш, дайынчы даалгаларны күүседип тургаш, амы-тынындан чарылган шериг албанныгларның өг-бүлелеринге психологтуг деткимчени онза кичээнгейге ап турар. Дүүн «Сайзырал» төвүнге өөредилге семинары болуп эрткен.

#Тыва24 #Медээлер

📺 Тываның Баштыңы республиканың аныяк эртемденнериниң шинчилел ажылын деткээн.

✍️ Республика Баштыңының чанында Эртем болгаш эртем-техниктиг политика талазы-биле чөвүлелдиң хуралы Кызыл хоорайга болуп эрткен. Хемчег үезинде беш аныяк эртемденнерни Тываның Баштыңының 200 муң рубль түңнүг грантызы-биле шаңнаан чугула болуушкуну болган. Акша-хөреңгини оларның эртем-шинчилел ажылдарын деткииринче үндүрүп турар.

#Тыва24 #Медээлер

📺 «Мээң башкым» губернатор төлевилелинче билдириишкиннерниң хүлээп алыышкыны эгелээн.

✍️ Тыва Республиканың Өөредилге яамызы «Мээң башкым» губернатор төлевилелиниң «Мен башкы мен» программазын боттандырары-биле 2025 чылдың башкы дээди өөредилге черлериниң доозукчуларынга чаңгыс катап алыр акша деткимчезинче мөөрейлиг билдириишкиннерни хүлээп эгелээн.

#Тыва24 #Медээлер

📺 «Тыва 24». Хүннүң кол болуушкуннары. Башкарыкчызы – Буян Ооржак

✍️ - Тываның Чазаанга Республика Баштыңының грантызы-биле аныяк эртемденнерни шаңнаан.
- «Сайзырал» төвү Ада-чурттуң дайынчыларының Тывада өг-бүлелер комитединиң идепкейжилеринге психологтуг дузаның эге билиглеринге өөредилгени эрттирген.
- Тывада «Мээн башкым» губернатор төлевилели ёзугаар педагогиканың дээди өөредилге черлериниң доозукчуларындан билдириишкиннерни хүлээп эгелээн.
- «Көдээ черниң культура ажылдакчызы» программаның ачызында суурлар, сумуларда культура албан черлери чаа ажылчыннар-биле четчеленир

#Тыва24 #Медээлер

📺 Ийи талага ажыктыг кады ажылдажылга

✍️ Тываның Культура яамызы биле Михаил Глинка аттыг Новосибирскиниң консерваториязы кады ажылдажылга дугуржулгазынга атты салган. Ында кадрлар белеткели, билиг бедидери болгаш чогаадыкчы харылзааны быжыктырары бактаап кирип турар.

#Тыва24 #Медээлер

📺 Тывага караа көрбес болгаш көөрү багай улуска «Чайгы мозаика» деп республика чергелиг 17-ги спартакиада болуп эрткен

✍️ Бүгү Россия чергелиг спортчу марафонда караа көрбес болгаш көөрү багай улус аразынга «Чайгы мозаика» деп республика чергелиг 17-ги спартакиада “Совет Тываның 5 чыл ою” стадионга болуп эрткен.

#Тыва24 #Медээлер