Навучэнец Полацкага РЦДіМ стаў пераможцам міжнароднага конкурсу стэндавага мадэлізму #LockdownModel

🔹 Конкурс праходзіў у расійскім Ханты-Мансійску, удзел прынялі прадстаўнікі 13 краін.

На суд журы было пададзена больш за 1000 работ, у тым ліку 7 – ад аб’яднання па суднамадэляванні “Брыганціна” аддзела інавацыйнай і тэхнічнай творчасці Полацкага раённага цэнтра дзяцей і моладзі.

⚓️ Экспертныя камісіі ацэньвалі прадстаўленыя мадэлі ў рэжыме “сляпога” судзейства, гэта значыць - мадэлі былі пад нумарамі без указання аўтарства і краіны.

Работа Максіма Бердашкевіча адзначана дыпломам І ступені ў намінацыі: “Дзеці да 11 гадоў (2010 год нараджэння і маладзейшыя)” A4 Флот.