​​Напэўна, няма такога настаўніка або вучня, які хоць бы разок не наведваўся ў музей. Калі і ёсць, то Тыдзень музеяў устаноў адукацыі, што праводзіцца з 18 па 23 кастрычніка, — выдатная нагода выправіць сітуацыю. “Музей для ўсіх” — пад такім дэвізам школьныя музеі ласкава сустракаюць гасцей.

Абавязкова станьце экскурсантам! А яшчэ сачыце за навінамі музейнага жыцця разам з “Настаўніцкай газетай”.

​​У Мінскім дзяржаўным палацы дзяцей і моладзі завяршыўся адкрыты чэмпіянат і першынство Рэспублікі Беларусь па аўтамадэльным спорце, трасавыя мадэлі.

У агульнакамандным заліку пераможцам стала каманда Салігорскай ААС ДТСААФ, на другім месцы каманда Маскоўскай РАС ДТСААФ — Мінскі дзяржаўны палац дзяцей і моладзі. Трэцімі завяршылі выступленні прадстаўнікі Шчучынскага палаца творчасці дзяцей і моладзі.

У індывідуальным заліку лепшыя вынікі паказалі сталічныя спартсмены Юрый Дубік і Дзмітрый Жук.

​​Нацыянальная бібліятэка Беларусі праводзіць літаратурны конкурс “Беларускі салавей” у гонар 135-годдзя з дня нараджэння Змітрака Бядулі.

Далучыцца да конкурсу могуць усе жадаючыя незалежна ад узросту. Для гэтага неабходна напісаць эсэ з сюжэтнай лініяй ( prequel ,  sequel   або  spin - off ) па адным з твораў класіка беларускай літаратуры (“Салавей”, “Сярэбраная табакерка”, “Бондар”, “На Каляды к сыну”). Эсэ павінна мець назву і быць упершыню прадстаўлена для публікацыі. Кожны канкурсант можа даслаць да 31 кастрычніка нават некалькі работ пры ўмове выкарыстання сюжэтных ліній з розных твораў.

​​Выстава-кірмаш “Кніжная восень у сталіцы” адкрылася сёння ў Мінску. Аматарам кніжных навінак ёсць што пагартаць, пачытаць і, канечне, купіць.
Больш за 80 выдавецтваў прадставілі ў ГЦ “Сталіца” багатую кніжную палітру: ад дзіцячай літаратуры да навуковых выданняў. Педагогам будзе асабліва цікавай прадукцыя выдавецтваў “Адукацыя і выхаванне”, “Вышэйшая школа”, “Аверсэв”, “Пачатковая школа”, “Мастацкая літаратура”, “Звязда”, “Беларуская энцыклапедыя імя Петруся Броўкі”.
Наведаць выставу можна да 24 кастрычніка. Уваход, дарэчы, бясплатны.

​​Для навучэнцаў Вензавецкага дзіцячага сада — сярэдняй школы Дзятлаўскага раёна Тыдзень музеяў устаноў адукацыі запомніцца як мінімум арыгінальнымі сэлфі з прадметамі даўніны. Чэленд “Сэлфі ў музеі” стаў яркай падзеяй школьнага жыцця. А як праходзіць музейны тыдзень у вашай установе адукацыі?
Нагадаем, ужо заўтра пачнецца двухдзённы Рэспубліканскі форум музеяў устаноў адукацыі.

​​Уже в восьмой раз Минск гостеприимно принимает участников Международного конкурса педагогического мастерства «Хрустальная чернильница». В этом году конкурс посвящен 200-летия со дня рождения Ф.М.Достоевского.

Двенадцать учителей-словесников из Беларуси, России, Украины, Словакии, Италии, Турции, Казахстана, Кыргызстана, Узбекистана дают уроки по творчеству классика русской литературы. По традиции площадкой для проведения конкурсных мероприятий стала средняя школа № 70 Минска имени Л.Н.Гуртьева. 

Завтра, 22 октября, в Белом зале храма-памятника в честь Всех Святых состоится торжественное закрытие конкурса.