#АртэФакт

🌤 Барометр – прыбор, прызначаны для вымярэння атмасфернага ціску. Ідэя стварэння прыбора для прадказання надвор'я належала Галілеа Галілею. У 1643 г. яго паслядоўнікі і вучні Эванджэліста Тарычэлі і Вінчэнца Вівіяні змаглі ўвасобіць у жыццё яго ідэю. Тарычэлі стаў першым, хто здолеў даказаць існаванне атмасфернага ціску. Ён разам Вівіяні выкарыстаў для вопыту запаяную з аднаго канца трубку, напоўніўшы яе ртуццю. Трубку апускалі ў посуд, дзе таксама знаходзілася ртуць. Сама ртуць паднімалася ў трубцы на пэўную вышыню, пры гэтым над ёй утваралася пустая прастора. Пры павелічэнні атмасфернага ціску рэчыва ў трубцы паднімалася ўгару, пры паніжэнні – апускалася. Сканструяваны Тарычэлі прыбор стаў першым ртутным барометрам.

❗️ Само слова "барометр" паходзіць са старажытнагрэчаскай мовы і складаецца з дзвюх частак: "βάρος" – цяжар і "μετρέω" – вымяраць – гэта значыць "вымяральнік ціску".

⛵️ Сёння барометры бываюць вадкасныя (як правіла, ртутныя) і металічныя – анероіды. Барометр на фота адносіцца да другога тыпу. Асноўнай працоўнай часткай анероіда з'яўляецца мембранная скрынка –плоская круглая металічная скрынка з гафрыраванымі донцамі, з якой адпампавана паветра. Пры змене вонкавага атмасфернага ціску донцы скрынкі прагінаюцца ў той ці іншы бок. Скрынка пры дапамозе механізма злучаецца са стрэлкай паказальніка. Такія барометры актыўна выкарыстоўваліся на флоце для прадказання надвор'я. Менавіта гэты прыбор быў выраблены арцеллю "Красный труд" у Ленінградзе ў 1941 г.

#АртэФакт

☎️Палявы тэлефон ТАІ-43 з індуктарным вызавам сістэмы з'яўляўся асноўным ваенна-палявым тэлефонам Чырвонай арміі ў гады Вялікай Айчыннай вайны. Быў распрацаваны пад кіраўніцтвам інжынера-палкоўніка Вольгі Іванаўны Рэпінай на аснове трафейнага нямецкага ваенна-палявога тэлефона FF-33. На ўзбраенне паступіў у 1943 годзе. Першыя "тапікі" манціравалі ў драўляных скрынях ахоўнага колеру. Да канца 1945 г. яны пачалі выпускацца ў карычневых бакелітавых карпусах.

📞 Апарат выкарыстоўвае для сілкавання мясцовую батарэю. Гэта акалічнасць важная ў палявых умовах падчас бою, таму што апарат, дзякуючы сваёй батарэі, можа працаваць аўтаномна, без дадатковага сілкавання ад тэлефоннай станцыі.

😯 Працуе тэлефон праз палявы кабель, які злучае яго з другім апаратам. Дзякуючы электрычнаму току, які паступае з цынкавай батарэі, адбываецца пераўтварэнне гукавога сігналу ў электрычны. Гэты электрычны сігнал па сталёвых правадах на адлегласці да 1 км паступаў да іншага апарата, дзе пераўтвараўся ў гукавы сігнал.
Апарат з калекцыі музея (на фота) быў выраблены ў лістападзе 1946 г.

📢 Паважаныя жыхары горада Гродна!

🕊 Навуковыя супрацоўнікі Гродзенскага дзяржаўнага гісторыка-археалагічнага музея пачалі работу над стварэннем новай выстаўкі “Вясельны альбом”, якая будзе экспанавацца ў Новым замку з верасня 2025 года.

💍 На выстаўцы будуць прадстаўлены фотаздымкі, вясельнае адзенне, аксесуары і іншыя прадметы з фондаў музея.

❗️ Да стварэння выстаўкі можа далучыцца кожны з вас! Калі вы жадаеце, каб ваша сямейная гісторыя стала часткай нашай экспазіцыі, то ў вас ёсць унікальная магчымасць прынесці ў дар музею або на часовае экспанаванне (!) для выстаўкі прадметы з сямейнага архіва: вясельныя сукенкі, касцюмы, аксесуары або іншыя рэчы па гэтай тэме.
Давайце разам створым сапраўдную атмасферу свята кахання і традыцый!

📞 Тэлефоны для сувязі: +375 (152) 71 86 80 (Наталля Уладзіміраўна)
+375 (152) 71 86 85 (аддзел фондаў), субота і нядзеля – выходныя

🇧🇾 15 сакавіка – Дзень Канстытуцыі Рэспублікі Беларусь

🟠 Галоўны закон краіны быў прыняты 15 сакавіка 1994 года Вярхоўным Саветам Рэспублікі Беларусь.

🟠Выконваць Канстытуцыю, умацоўваць дзяржаўна-прававыя адносіны – патрыятычны абавязак кожнага грамадзяніна нашай краіны.

Віншаванні жыхароў Гродзенскай вобласці з Днём Канстытуцыі Рэспублікі Беларусь.

📢 Паважаныя жыхары горада Гродна!

🕊 Навуковыя супрацоўнікі Гродзенскага дзяржаўнага гісторыка-археалагічнага музея пачалі работу над стварэннем новай выстаўкі “Вясельны альбом”, якая будзе экспанавацца ў Новым замку з верасня 2025 года.

💍 На выстаўцы будуць прадстаўлены фотаздымкі, вясельнае адзенне, аксесуары і іншыя прадметы з фондаў музея.

❗️ Да стварэння выстаўкі можа далучыцца кожны з вас! Калі вы жадаеце, каб ваша сямейная гісторыя стала часткай нашай экспазіцыі, то ў вас ёсць унікальная магчымасць прынесці ў дар музею або на часовае экспанаванне (!) для выстаўкі прадметы з сямейнага архіва: вясельныя сукенкі, касцюмы, аксесуары або іншыя рэчы па гэтай тэме.
Давайце разам створым сапраўдную атмасферу свята кахання і традыцый!

📞 Тэлефоны для сувязі: +375 (152) 71 86 80 (Наталля Уладзіміраўна)
+375 (152) 71 86 85 (аддзел фондаў), субота і нядзеля – выходныя