6 ліпеня а 18-й гадзіне ў Гарадской мастацкай галерэі твораў Л.Шчамялёва адбудзецца адкрыццё выставы жывапісу Аляксандра Аляксандравіча Касцючэнкі ў рамках праекта “Класікі – Сучаснікі”.
Аляксандр Касцючэнка (09.02.1958–26.08.2019) – беларускі тэатральны мастак, галоўны мастак Вялікага тэатра оперы і балета Беларусі, мастак-жывапісец.
...Вялікі тэатр оперы і балета Беларусі быў адзінай планетай для А.Касцючэнкі, прыдатнай па маштабе і габарытах. Тут ён максімальна і шчыра раскрываўся ўсё больш нечаканымі гранямі ў кожнай новай пастаноўцы, тут ён быў як рыба ў вадзе і як птушка ў небе, і тут ён быў абсалютна шчаслівы. Мастак часта гаварыў: “Тэатр – маё жыццё, мой другі дом”....
#выстава #тэатр #дом #мастак