#Адам_Міцкевіч #Завоссе #вольны_уваход
Дзяржаўны музей гісторыі беларускай літаратуры далучаецца да рэспубліканскай акцыі ВАНДРУЙ. АДЧУЙ. НАТХНЯЙСЯ па папулярызацыі ўнутранага турызму.
З 7 па 12 чэрвеня 2022 г. у філіяле «Музей-сядзіба Міцкевічаў «Завоссе» абвяшчаюцца дні адчыненых дзвярэй: з 15:00 да 17:00 усім жадаючым будзе дадзена магчымасць вольнага ўваходу і бясплатнага ўдзелу ў міні-экскурсіях па экспазіцыі музея.
Запрашаем скарыстацца магчымасцю і наведаць месца, дзе нарадзіўся, быў шчаслівы і пакінуў сваё сэрца адзін з найвялікшых геніяў чалавецтва Адам Міцкевіч!
Сярод пакрытых чаротам драўляных будынкаў вы зможаце адчуць атмасферу шляхецкага двара другой паловы ХVІІІ ст. Інтэр'ер самога музея, які дэталёва ўзнаўляе жыццё і побыт беларускіх шляхціцаў, раскажа вам, як жылі, пра што думалі і пра што марылі прадстаўнікі сям'і знакамітага паэта.

Адрас філіяла: Брэсцкая вобласць, Баранавіцкі раён, в.Завоссе.
Тэл. +375 (29) 147-08-53.

#Адам_Міцкевіч #Міхайлаўскае

2 чэрвеня 2023 года ў Дзяржаўным музеі-запаведніку А.С. Пушкіна «Міхайлаўскае» (Пушкінскія Горы, Пскоўская вобласць) адбылося адкрыццё літаратурна-дакументальнай выставы "Дзяды" Адама Міцкевіча: гісторыя душы...", прысвечанай 225-годдзю са дня нараджэння Адама Міцкевіча.

Выстава была прэзентавана Дзяржаўным музеем гісторыі беларускай літаратуры ў межах дзейнічаючага паміж музеямі пагаднення аб супрацоўніцтве, з нагоды адкрыцця Дзён Пушкінскай паэзіі і рускай культуры.

Экспанаванне выставы працягнецца ў Пушкінскім Запаведніку да 2 ліпеня 2023 года.