«Մայր Հայաստանը» մասնակցելու է մայիսի 26-ին, ժամը 16։00-ին Հանրապետության հրապարակում կայանալիք հանրահավաքին։

«Քաղաքացիական պայմանագիր» VS «Վրացական երազանք» (հայ և վրացի ոստիկանների տարբերությունը)
———————————

Հայաստանում ոստիկանությունը վերածվել է պատժիչ ջոկատի։ Հարձակվել են ԱԺ պատգամավորների ու շարքային քաղաքացիների վրա։ Հարձակվել են ոհմակով ու քստմնելի ձևով։

Միջազգային հանրություն կոչվածը, մարդու իրավունքներով զբաղվող տարատեսակ կառույցները, տնաբույծ «իրավապաշտպանները» լուռ են։ Փոխարենը մենք մեծ աղմուկ ենք տեսնում, երբ վրացական ոստիկանությունն է գործում։ Ընդ որում՝ Վրաստանում ագրեսիվ են ոչ թե ոստիկանները, այլ ընդդիմադիրները, որոնք բացահայտորեն հանդես են գալիս որպես օտարերկրյա գործակալներ։ Հենց դրա համար էլ Արևմուտքը լռում է, երբ Հայաստանում ոստիկանությունն ԱԺ պատգամավոր է ծեծում և կոկորդը պատռում է, երբ Վրաստանում ոստիկանությունը պաշտպանվում է դրսի փողերով փողոց դուրս եկած ցուցարարներից։ Քանզի Հայաստանում օտարերկյա գործակալներն իշխանության մեջ են և նրանց դեմ խոսելու կարիք Արևմուտքը չունի։

Հայաստանի իշխանությունն ու Վրաստանի ընդդիմությունը կառավարվում են մեկ կենտրոնից։ Երկուսին էլ քսի են տվել սեփական պետության դեմ՝ հանուն այլոց շահերի սպասարկման։

Վրաստանում ոստիկանությունը պաշտպանում է այդ երկրի ինքնիշխանությունը և թույլ չի տալիս, որ Վրաստանն ուրիշի ձեռքում մանրադրամ դառնա։

Հայաստանում ոստիկանությունը պաշտպանում է Նիկոլ Փաշինյանի իշխանությանը, որը ոչնչացնում է մեր երկրի ինքնիշխանությունը և ՀՀ–ն դարձրել է մանրադրամ՝ Ռուսաստանի ու Իրանի դեմ Արևմուտքի պայքարում։

Բիձինա Իվանիշվիլու առաջնորդած «Վրացական երազանքը» ավանդական ժողովրդավարության ու ազգային–պահպանողականության կողմնակից է։ Նիկոլ Փաշինյանի գլխավորած «Քաղաքացիական պայմանագիրը» գլոբալ պատերազմի կուսակցության ծայրագավառ է և գործիք՝ գեդոնիզմի, գռեհիկ տրոցկիզմի ձեռքում։

Այն, ինչ տեղի է ունենում Հայաստանում ու Վրաստանում տեղավորվում է համաշխարհային գլոբալ հակամարտության ծիրում։ Թբիլիսիում «Վրացական երազանքը» պայքարում է, Երևանում «Քաղաքացիական պայմանագիրը»՝ վաճառքի հանում պետությունը։

Ահա՛ այն, ինչ պետք է իմանալ հայ և վրացի ոստիկանների պահվածքի բուն պատճառնների մասին։

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից` https://www.facebook.com/share/p/8txUTcZY9jsvZdhE/?mibextid=oFDknk

Պատժող փոցխն ու էլիտաները
_

Ժողովրդավարության հիմքը էլիտաների միջև խաղի կանոնների գոյությունն է:

Երբ իշխող էլիտան ոչնչացնում է ընդդիմադիր խմբերին, ապա նման երկրներում չի կարող զարգացում լինել:

https://youtu.be/HSExGGA0Ty0

«Մայր Հայաստան» շարժումը դարձավ 1 տարեկան։

Մայիսի 28–ին հիմնադրվելն իր մեջ խորհուրդ և դասեր քաղելու ուղերձ էր պարունակում։ Մենք պետք է ամեն ինչ անենք, որպեսզի Առաջին Հանրապետության հիմնադրման օրն իրապես տոնական դառնա, և Հայաստանին վերադարձվեն մեզանից գողացված պետական տոները։

«Մայր Հայաստան» ժողովրդական շարժում

«Մայր Հայաստանը» դատապարտում է խայտառակ ու ամոթալի միջադեպը և ոստիկանական վայրագությունները
_____

Այսօր տեղի է ունեցել խայտառակ ու ամոթալի միջադեպ Սարդարապատի հուշահամալիրի մոտ: Ոստիկանությունը խոչընդոտել է Ամենայն Հայոց Կաթողիկոս Գարեգին Բ-ի և նրան ուղեկցող հոգևորականների մուտքը հուշահամալիր։

Սև բերետավորների ու ոստիկանական այլ ստորաբաժանումների միջոցով մի քանի անգամ փորձ է արվել կանգնեցնել Կաթողիկոսի ընթացքը, բայց ի վերջո մեր հոգևորականներին հաջողվել է բարձրանալ մինչև վերջ և Վեհափառ Հայրապետի առաջնորդությամբ հոգեհանգստյան աղոթք անել: Այդ ամենն ակնհայտորեն տեղի է ունեցել Նիկոլ Փաշինյանի հրահանգով և նրա մուտքը հուշահամալիր ապահովելու համար:

«Մայր Հայաստանը» խստորեն դատապարտում է ՀՀ օրվա իշխանությունների այդ քստմնելի արարքը:

Մենք դատապարտում ենք նաև նախօրեին ոստիկանության կողմից ՀՀ ԱԺ պատգամավորների ու շարքային քաղաքացիների նկատմամբ բիրտ, ապօրինի ուժի կիրառումն ու խուլիգանական պահվածքը:

Այս ամենը ցույց է տալիս, որ Նիկոլ Փաշինյանը շատ լավ հասկանում է, որ այլևս չունի ժողովրդի աջակցությունը, չունի լեգիտիմություն և հենվում է բացառապես ուժային կառույցների, մասնավորապես՝ ոստիկանության վրա:

Ոստիկանական «սրերով» կարելի է կարճ ժամանակ իշխանություն պահել, բայց նույն այդ «սրերի» վրա հնարավոր չէ երկար նստած մնալ: Փաշինյանը լեգիտիմ չէ և պետք է հեռանա:

«Մայր Հայաստան» ժողովրդական շարժում

28.05.2024թ.

Տիգրան Ավինյանի թեմայով դատական նիստ

Հայաստանի օրվա իշխանությունը լեգիտիմ չէ։ Այդ ոչ լեգիտիմությունը տարածվել է վերից վար։ Սկսած Նիկոլ Փաշինյանից վերջացրած քպկ–ական ամենամանր պաշտոնյաով: Իրենք աթոռները զբաղեցնում են՝ չունենալով դրա համար անհրաժեշտ գիտելիքներ կամ խախտելով օրենքը։ Մասնավորապես խոսքը վերաբերում է Տիգրան Ավինյանին։ Նա քաղաքապետի լիազորությունները ստանձնել է օրենքի խախտումով։

«Մայր Հայաստան» խմբակցությունը վիճարկում է Ավինյանի կողմից քաղաքապետի լիազորությունները ստանձնելու իրավաչափությունը դատական կարգով։

Ինչպես հայտնի է, Ավինյանի գերթանկարժեք երդման արարողության ժամանակ Երևանի ավագանու նիստում քվորում չի ապահովվել, հետևաբար՝ նա չէր կարող ստանձնել քաղաքապետի լիազորությունները։

Մենք պահանջում ենք ոչ իրավաչափ ճանաչել ավագանու 2023թ․ հոկտեմբերի 13–ին տեղի ունեցած Երևանի քաղաքապետի երդման արարողության հատուկ նիստը:

ՀՀ վարչական դատարանում նիստը կկայանա այսօր՝ մայիսի 29–ին, ժամը 15։30–ին։ Հասցե՝ ՀՀ, ք. Երևան, Գարեգին Նժդեհի 23։
Լրագրողներին հրավիրում ենք լուսաբանման

Երևանի ավագանու անդամ «Մայր Հայաստան» խմբակցության անդամ Սամվել Հակոբյանի ֆեյսբուքյան էջից` https://www.facebook.com/share/p/a2h7wwzaurFnmh3X/?mibextid=oFDknk

Երևանի ավագանու «Մայր Հայաստան» խմբակցությունը շնորհավորել է երեխաներին՝ միջազգային տոնի կապակցությամբ և «շնորհավորել» Նիկոլ Փաշինյանին՝ իր ծննդյան օրվա կապակցությամբ։

Նիկոլը բացել է Ալիևի ախորժակը և մրցում է Զելենսկու հետ
_____

Ալիևը Փաշինյանից արդեն պահանջում է, այսպես ասած, առաջին գիշերվա իրավունք։ Փաշինյանը դրան պատասխանում է լռությամբ, որը տվյալ դեպքում համաձայնության նշան է։

Նիկոլը լուռ է թուրք֊ադրբեջանական նախապայմանները բավարարելիս և շատախոս է դառնում, երբ պետք է արդարացնել այդ նախապայմանների բավարարումը։

Այս ամենը հանգեցնելու է ամբողջական կապիտուլյացիայի կամ լայնամասշտաբ պատերազմի։

Նիկոլը, ինչպես Զելենսկին ու Սահակաշվիլին, համաշխարհային գլոբալ պատերազմի կուսակցության խամաճիկն է և տանում է Հայաստանը կործանման հանուն Ռուսաստանի դեմ Արևմուտքի պատերազմի։

Վրաստանը դեռ դիմադրում է։ Փաշինյանը Զելենսկու հետ մրցում է, թե ով ամբողջությամբ ավերակների կվերածի իր երկիրը։ Բնականաբար ինքնիշխանություն բառը շուրթերին։

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից

«Մայր Հայաստան» ժողովրդական շարժումը մասնակցելու է «Տավուշը հանուն Հայրենիքի» շարժման կազմակերպած հանրահավաքին։

Հունիսի 9, ժամը 18։30, Հանրապետության հրապարակ։

Նիկոլ Փաշինյանի «չփլախ լեգիտիմությունը»

———————

Կարելի էր օգտագործել «մերկ» բառը, սակայն տվյալ դեպքում «չփլախն» ավելի հարմար է՝ Նիկոլի չեղած լեգիտիմությունը նկարագրելու համար։

Նիկոլ Փաշինյանն այժմ հենված է բացառապես երկու միավորի վրա՝ դրսի (արևմտաթուրքական շրջանակներ) և ներսի (ոստիկանություն)։ Վերջինիս մեջ կան տարբեր կատեգորիաներ՝ նորմալ ոստիկաններ (հիմնականում՝ շարքերում), «մուսռներ» և բարձրաստիճան խուլիգաններ։

Ոստիկաններին թիրախավորելիս այս տարանջատումը պետք է հաշվի առնել ու փորձել նորմալներին քաշել ժողովրդի կողմը։

Նիկոլը երկար չի կարող ոստիկանական «սվինների» վրա նստած կառավարել։ Քաղաքական ճգնաժամն ակնհայտ է և այդ ճգնաժամի հաղթահարման համար պետք է գտնվեն ողջամիտ քաղաքական լուծումներ, որոնց օրինակները մի շարք եվրոպական երկրներում ցույց են տալիս։ Ի դեպ, հարևան Վրաստանում էլ նույն ճանապարհով կգնան։

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից

Գլոբալ պատերազմի կուսակցությունը պարտվում է. տարոսը Նիկոլ Փաշինյանին
____________________

Եվրախորհրդարանի ընտրության արդյունքները ԵՄ-ում եղանակ ստեղծող երկրներում (Ֆրանսիա, Գերմանիա) ցույց են տալիս, որ պարտվում են գլոբալ պատերազմի կուսակցության ներկայացուցիչները և գալիս են ազգային-պահպանողական դեմոկրատական ուժերի ժամանակները:

Եվրոպական ընտրության արդյունքները նաև ցույց են տալիս, որ մերժվում է ապազգային, գլոբալիստական, գեդոնիստական արժեհամակարգը, մերժվում է Ռուսաստանի ու Իրանի դեմ Արևմուտքի սանձազերծած պատերազմը, մերժվում է արյունաբեր քաղաքականությունը, քանզի տուժում են ոչ միայն մանրադրամի ֆունկցիա կատարողները (Ուկրաինայում հարյուր հազարավոր զոհեր կան), այլ նաև ԵՄ շարքային քաղաքացիները, հարվածներ են ստանում ավանդական ինստիտուտները, իրական ժողովրդավարական արժեքները:

Ֆրանսիայում Լե Պենի գլխավորած կուսակցության հաջողությունը շատ լավ ազդակ էր աշխարհի ազգային ու առողջ ուժերին, որ պետք է պայքարել ու մերժել անդրօվկիանոսյան կենտրոնից եկող պարտադրանքը՝ պաշտպանելով սեփական ինքնությունն ու անկախ պետականությունը: «Մայր Հայաստանի» որդեգրած քաղաքականությունն ու դավանած արժեքներն ամբողջությամբ տեղավորվում են միջազգային այդ «թրենդի» մեջ:

Նկատենք, որ Վրաստանի իշխանությունների վարքագիծը համահունչ է ԵՄ-ի առողջ ուժերի ու գլոբալ պատերազմի կուսակցությանը մերժած ԵՄ քաղաքացիների վարքագծին: ԱՄՆ փորձում է Վրաստանը դարձնել մանրադրամ և «ա լյա» Ուկրաինա օգտագործել Ռուսաստանի դեմ: Վրաստանի իշխանությունները չեն ընդունում այդ պարտադրանքը և պայքարում են Վրաստանի ինքնիշխանության համար:

Ի տարբերություն Վրաստանի իշխանությունների, Հայաստանի իշխանությունները Նիկոլ Փաշինյանի գլխավորությամբ գնում են Հայաստանի ուկրաինացման ճանապարհով՝ Ռուսաստան-Արևմուտք հակամարտության մեջ մեր երկիրը դնելով զոհասեղանին: Այդ քաղաքականությունը մերժվում է ՀՀ քաղաքացանիների ճնշող մեծամասնության կողմից:

Հայաստանի ներքաղաքական ճգնաժամն ասվածի վառ ապացույցն է: Իսկ դա նշանակում է, որ նիկոլական իշխանությունը դուրս է շպրտվելու քաղաքական ասպարեզից ճիշտ այնպես, ինչպես ԵՄ-ում է դուրս շպրտվում գլոբալ պատերազմի կուսակցությունը (Ֆրանսիայի նախագահ Մակրոնը խորհրդարանի արտահերթ ընտրություններ է նախաձեռնել և չի բացառել սեփական հրաժարականը): Ինչպես ասում են՝ տարոսը Նիկոլին:

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից

Նիկոլ Փաշինյանը խոստովանեց, որ պետական հանցագործ է. նա վիժեցնում է քաղաքական փոփոխությունների անցնցում տարբերակը

----------------------------------

Նիկոլ Փաշինյանն այսօր խորհրդարանում հանդես եկավ ինքնախոստովանական ցուցմունքով՝ ձեռքի հետ պետական հանցագործ դարձնելով նաև «Քաղաքացիական պայմանագրին»:

Նիկոլը հայտարարեց, որ պետք է դեռևս 2018-ին ասեր, որ Արցախը պատկանում է Ադրբեջանին: Դրանով նա ընդունեց, որ 2018-ի, այսպես կոչված, թավշյա հեղափոխությունը հանուն Արցախի հանձնման է եղել: Դրանով իսկ նա արդեն բացահայտում է, թե ինչու է փակուղի մտցրել Արցախի հարցով բանակցային գործընթացը, ինչու է նպաստել պատերազմին, ինչու է մերժել պատերազմը կանգնեցնելու Պուտինի բազմաթիվ առաջարկները, ինչու է Արցախի հարցով խաբել 2021-ի արտահերթ խորհրդարանական ընտրությունների ժամանակ: Այս ամենն ավարտվել է 2022-ի հոկտեմբերի 6-ին Պրահայում Արցախն Ադրբեջանի մաս ճանաչմամբ, Արցախի շրջափակմամբ, ապա՝ Արցախի հայաթափմամբ:

Եվ այսպես, Նիկոլի գլխավոր առաքելությունը 2018-ին եղել է Արցախի հանձնումը և նրա բոլոր քայլերը եղել են հաշվարկված, միտումնավոր:

Հիմա նա մյուս առաքելությունն է իրականացնում՝ Հայաստանը դարձնել մանրադրամ արևմտաթուրքական ուժերի ձեռքում՝ հակառուսական ու հակաիրանական քաղաքականության շրջանակներում: Դրա գինն արդեն լինելու է Հայաստանը, և նա դա նույնպես խոստովանեց այսօր:

«Մայր Հայաստանը» կողմ է խաղաղ ու անցնցում իշխանափոխության գործընթացին, և մենք ամեն ինչ անում ենք դրա համար, սակայն Նիկոլը զարգացումները տանում է ցնցումների ուղղությամբ: Մեզ պետք է հզոր Հայաստան, իսկ իրեն՝ հզոր ցնցումներ: Այս պայմաններում «Քաղաքացիական պայմանագրի» յուրաքանչյուր անդամ պետք է պատասխանի մի կարևոր հարցի՝ ինքն ուզու՞մ է կիսել Փաշինյան Նիկոլի պետական հանցագործության պատասխանատվությունը: Հարցն ամենևին էլ հռետորական չէ, և գալու է յուրաքանչյուրի անհատական պատասխանատվության պահը:

Հ.Գ.: Նիկոլ Փաշինյանը, արդարացնելով ոստիկանական գործողությունները, ևս մեկ ինքնախոստովանական ցուցմունք ներկայացրեց: Նա խոստովանեց, որ 2008թ. մարտի 1-ին հանցագործություն է իրականացրել: Ասաց, որ ոստիկանները ճիշտ էին, իսկ ինքը՝ սխալ: Սա շատ ուշագրավ խոստովանություն է և վաղեմության ժամկետ չի ունենալու:

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից

Քաղաքական ճգնաժամի թիվ մեկ պատճառն ու պատասխանատուն Նիկոլ Փաշինյանի գլխավորած ոչ լեգիտիմ իշխանությունն է․ «Մայր Հայաստան» շարժում
———————
Հայտարարություն

«Մայր Հայաստան» ժողովրդական շարժումը խստորեն դատապարտում է հունիսի 12-ին Երևանի Բաղրամյան-Դեմիրճյան խաչմերուկում ոստիկանության կողմից կիրառած բռնությունները խաղաղ ցուցարարների նկատմամբ: Անհամաչափ ուժի գործադրման և հատուկ միջոցների օգտագործման արդյունքում տուժել են տասնյակ քաղաքացիներ:

Մենք ոստիկանության այս վարքագիծը գնահատում ենք ապօրինի, և այդ ապօրինության թիվ մեկ մեղավոր համարում Նիկոլ Փաշինյանին, որը լեգիտիմ չէ և ուժային կառույցներին դարձնում է հանցակից:

«Մայր Հայաստանը» խստորեն դատապարտում է նաև Ամենայն Հայոց Կաթողիկոս Գարեգին Բ-ի և Հայ Առաքելական Սուրբ եկեղեցու դեմ իշխանական հարձակումները: Այդ անբարո, հակապետական վարքագիծը ձեռնտու է միայն մեր երկրի թշնամիներին: Մենք Եկեղեցու կողքին ենք ու բոլոր միջոցներով պաշտպանելու ենք այն:

Ստեղծված քաղաքական ճգնաժամի թիվ մեկ պատճառն ու պատասխանատուն Նիկոլ Փաշինյանի գլխավորած ոչ լեգիտիմ իշխանությունն է: Ճգնաժամի հաղթահարման քաղաքական ճանապարհը Փաշինյանի հեռացումն է, նոր կառավարության ու խորհրդարանի ձևավորումն է՝ ժողովրդի կամարտահայտության միջոցով:

«Մայր Հայաստան» ժողովրդական շարժում

Երևան, 13 հունիսի, 2024թ

Փաշինյանը հաստատեց, որ ինքը պետական հանցագործ է. քննարկում Ստեփան Դանիելյանի հետ

https://www.youtube.com/watch?v=5qnooICGJqQ

«Մայր Հայաստանի» կոչը տեղական և միջազգային իրավապաշտպան կառույցներին

———————

Հունիսի 12-ին ՀՀ ազգային ժողովի շենքի մոտ տեղի ունեցած հավաքի մասնակիցների դեմ ոստիկանության, հատկապես կարմիր բերետավորների, սադրանքների ու բռնությունների, այնուհետև անհամաչափ ուժի և հատուկ միջոցների ապօրինի օգտագործման արդյունքում տուժել են ավելի քան 100 քաղաքացիներ, կան ձերբակալվածներ։ Տուժածների թվում կան նաև լրատվամիջոցների ներկայացուցիչներ։

Հավաքին մասնակցող քաղաքացիների հետ տեղի ունեցածը հրահանգված էր Նիկոլ Փաշինյանի կողմից։ Նա բախումների ժամանակ ԱԺ ամբիոնից քաջալերում էր ապօրինությունները։

Փաշինյանը խորհրդարանում փաստացի հայտարարեց, որ ուժային կառույցների գործողությունները պետք է վեր լինեն օրենքից և իրավունքից՝ իր այդ միտքը քողարկելով պետականության պաշտպանության մասին կեղծ թեզերով։

Փաշինյանի այս վարքագիծը ոստիկանությանը նոր հանցագործությունների մղելու, ԶԼՄ ներկայացուցիչներին վախեցնելու և խոսքի, հավաքների ազատությունը ճնշելու, ՀՀ–ն հրեշավոր ոստիկանապետության վերածելու քաղաքականության վկայությունն է։

Մենք կոչ ենք անում տեղական ու միջազգային իրավապաշտպան կազմակերպություններին, ժողովրդավարությունը որպես գերագույն արժեք հռչակած երկրների դիվանագիտական ներկայացուցչություններին, ՄԱԿ–ին, ԵԽԽՎ–ին և մարդու իրավունքների պաշտպանությամբ զբաղվող բոլոր կառույցներին չառաջնորդվել երկակի ստանդարտներով և հստակ գնահատական տալ Նիկոլ Փաշինյանի վարած այս քաղաքականությանը, ՀՀ ոստիկանության ապօրինի գործողություններին։

«Մայր Հայաստան» ժողովրդական շարժում

Երևան, 14․06․2024թ․

Արևմուտքի փարիսեցիության վախճանը. մեկնարկը տրված է

—————

Հունիսի 6-8-ը Եվրախորհրդարանի ընտրություններն անամպ երկնքում ճայթած կայծակի ու մրրկահողմի ազդեցություն է ունեցել, որը սպառնում է լիովին ձևափոխել եվրոպական քաղաքական լանդշաֆտը՝ սրբել-տանելով հանրային գիտակցության մթագնման միջոցով գլոբալիստական քաղաքականության կրողներին: Չնայած որոշ վերլուծաբանների գնահատականներին՝ հանրության դեպի առավել ազգայնական ու եվրոպախույս գաղափարախոսություն սահքը տեսանելի էր, սակայն դրա ծավալներն ու խորությունը թերագնահատված էին: Առաջին ծաղիկներն ի հայտ եկան դեռևս 2023թ. տարեվերջին, երբ Նիդերլանդներում գործող իշխանական կոալիցիայի բոլոր չորս կուսակցությունները կորցրեցին իրենց ձայների զգալի մասը՝ զիջելով ծայրահեղ ազգայնական Խերտ Վիլդերսի «Ազատության կուսակցությանը»:

Նույն պատկերն արձանագրվեց Սլովակիայի խորհրդարանական ընտրությունների ժամանակ 2023թ. հոկտեմբերին, երբ իշխանության ղեկն անցավ ազգայնական «Սմեր» կուսակցության ղեկավար Ռոբերտ Ֆիցոյին: Վերջինիս հակառուսական քաղաքականությունից հրաժարման դիրքորոշումն արժեցավ մահափորձ, որի ծանր հետևանքները դեռևս հաղթահարված չեն:

Հակառակ այն եվրավերլուծաբանների կարծիքին, որ այդ միտումը չի պահպանվում և արևմտյան գլոբալիստական օրակարգով առաջնորդվող հանրային տրամադրությունները գերիշխում են, հունիսի 9-ին Բուլղարիայում, երեք տարվա մեջ վեցերորդ անգամ անցկացվող ընտրությունները, Եվրախորհրդարանի ընտրությունների հետ մեկտեղ, ջախջախիչ հարված հասցրեցին կուրորեն ամերիկյան թելադրանքով շարժվող եվրաչինովնիկներին: Բուլղարիայում իր առաջատար դիրքերը պահպանեց աջակենտրոնական «ԳԵՐԲ» կուսակցությունը՝ 24,7%-ով, իսկ աջ ծայրահեղական ռուսամետ «Վելիչիյեն» էապես բարելավեց իր դիրքերը՝ ստանալով 4,65%: Էթնիկ թուրքական «Հանուն իրավունքների և ազատությունների շարժում» կուսակցությունը 17,01%-ով զբաղեցրել է երկրորդ տեղը՝ անցնելով արևմտամետ «Մենք շարունակում ենք փոփոխությունը» կուսակցությանը (14,3%), իսկ ուկրաինական պատերազմում Ռուսաստանի դեմ գործողությունների իրականացման դեմ հանդես եկող ուլտրաազգայնական «Վերածնունդ» կուսակցությունը զբաղեցրել է չորրորդ տեղը՝ 13,8%-ով, և առաջին անգամ ներկայացված կլինի եվրախորհրդարանում:

Ըստ էության՝ համանման պատկեր արձանագրեցին նաև Եվրախորհրդարանի ընտրությունները: Ծայրահեղ աջակողմյան կուսակցություններն զգալիորեն բարելավել են իրենց դիրքերը, իսկ գլոբալիստական օրակարգը սպասարկող «Կանաչների» կուսակցություններն ամենամեծ կորուստներն են գրանցել:Առավել ցցուն համաեվրոպական միտումների դրսևորումներն արձանագրվեցին Ֆրանսիայում և Գերմանիայում՝ ԵՄ-ի քաղաքական ու տնտեսական շոգեքարշ հանդիսացող երկրներում: Ֆրանսիայում ծայրահեղ աջակողմյան, Մարին Լը Պենի առաջնորդած «Ազգային ռալի» կուսակցությունը կրկնակի գերազանցեց նախագահ Մակրոնի «Շարժվող հանրապետություն» կուսակցությանը (LREM- La République En Marche), ինչը դրդեց նախագահին ցրել խորհրդարանը և արտահերթ ընտրություններ նշանակել: Բելգիայի վարչապետն էլ հրաժարական տվեց: Իր դիրքերն ամրապնդեց Հունգարի վարչապետ Օրբանը, ով արդեն տարիներ շարունակ առանորդվում է բացառապես ազգային օրակարգով՝ տեղի չտալով եվրակառույցների ղեկավարների ճնշումներին:

Առավել մանրամասն՝ այստեղ

Ինչո՞ւ է ԱՄՆ-ն առաջ տանում թուրքական աշխարհի նախագիծը
-----------------
Ինչո՞ւ է Հայաստանի գործող կառավարությունն սատարում այդ ծրագիրը։

Քննարկման բանախոսներն են «Մայր Հայաստան» շարժման նախաձեռնող խմբի անդամներ Ստեփան Դանիելյանը և Երվանդ Բոզոյանը։

https://youtu.be/FoiIg1t3fO8?si=qzF22LrrLodME9nG

Հարութին Զիմզիմովին սեռդեչնի պռիվետ ուղարկողները
____

GG տաքսի ծառայության դեմ իշխանության հարձակման մեջ պետք է փնտրել ոչ միայն քաղաքական, այլ նաև բիզնես բաղադրիչ։

Սրանք բիզնեսի բոլոր ոլորտների մեջ մխրճվում են` մինչև այդ մրցակիցներին վերացնելով։ Այդպես եղավ շահումով խաղերի դեպքում և մյուս ոլորտներում։

Սրանց դեմագոգիան, ցինիզմը և թալանչիությունը սահմաններ չունեն։

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից

«Մայր Հայաստանը» դատապարտում է իշխանության հարձակումը GG տաքսի ծառայության դեմ և սատարում վերջինիս

«Մայր Հայաստանը» մասնակցելու է հունիսի 17-ին կայանալիք հանրահավաքին

«Մայր Հայաստան» ժողովրդական շարժումը մասնակցելու է հունիսի 17-ին, ժամը 18։30-ին Բաղրամյան-Դեմիրճյան փողոցների խաչմերուկում կայանալիք հանրահավաքին:

«Մայր Հայաստան» ժողովրդական շարժում

«Մայր Հայաստան» ժողովրդական շարժման հայտարարությունն իշխանական բռնաճնշումների կապակցությամբ

_________

Հունիսի 12-ին ՀՀ Ազգային ժողովի շենքի մոտ տեղի ունեցած հավաքի մասնակիցների դեմ ոստիկանության կողմից անհամաչափ ուժի և հատուկ միջոցների ապօրինի օգտագործումից հետո իշխանությունը փորձում է լայնածավալ բռնաճնշումների միջոցով վախի մթնոլորտ ձևավորել երկրում և դրանով վերացնել ցանկացած դիմադրության ու ըմբոստության դրսևորում: Ունենք նոր քաղբանտարկյալներ։

Հետապնդվում են ոչ միայն հունիսի 12-ի հանրահավաքի մասնակիցները, այլև այն մարդիկ, ովքեր համակրում են շարժմանը, մասնավորապես՝ GG տաքսի ծառայության սեփականատերը։

Բացի այդ, իշխանության ուղիղ թիրախում է հայտնվել ՀՅԴ-ն, որն, ինչպես հայտնի է, մեր երկրի ԱԺ-ում ներկայացված ընդդիմադիր հատվածի մաս է կազմում: Սա իշխանության կողմից օրենսդիր մարմնում առկա քաղաքական ընդդիմախոսին լռեցնելու փորձ է։

Մենք կոչ ենք անում Հայաստանի քաղաքական ուժերին, հասարակական կազմակերպություններին, տեղական ու միջազգային իրավապաշտպան կառույցներին դատապարտել ՀՀ իշխանության այս գործելաոճը: Այս ամենը վկայում է, որ Հայաստանը հայտնվել է հետամնաց բռնապետական երկրների շարքում։

«Մայր Հայաստան» ժողովրդական շարժում