Ամեն մեկն իր անելիքն ունի

—————————————————

Այս շարժումը գլխավորում է Բագրատ Սրբազանը, բայց դա չի նշանակում, որ ամեն ինչ պետք է թողնել նրա ուսերին: Ամեն մեկը պետք է իր անելիքն անի և առաջնորդվի «Ո՞վ, եթե ոչ ես, ե՞րբ, եթե ոչ հիմա» կարգախոսով:

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից

«Մայր Հայաստանը» մասնակցելու է Հանրապետության հրապարակում կայանալիք հանրահավաքին

———————

«Մայր Հայաստանը» մասնակցելու է այսօր, ժամը 18:30-ին Հանրապետության հրապարակում կայանալիք հանրահավաքին:

Միացե՛ք:

«Մայր Հայաստան» ժողովրդական շարժում

Դեմ ենք միակողմանի զիջումներին․ «Մայր Հայաստանի» ակցիան՝ Երևանի ավագանու նիստում
#ՄայրՀայաստան

Եկել է կողմնորոշվելու պահը. Հայաստանի հետ կամ Հայաստանի դեմ (տեսանյութ)
_________
Հայաստանում կա երկու ինստիտուտ, որն ունի ժողովրդի կողմից ստացած առաջնային մանդատ` խորհրդարանը և ավագանին:

Երկրում թափ հավաքած համաժողովրդական շարժումը ներքաղաքական և անվտանգային ճգնաժամը հանգուցալուծելու համար որդեգրել է Նիկոլ Փաշինյանին խորհրդարանում անվստահություն հայտնելու տարբերակը: Այսինքն՝ առաջնային մանդատ ունեցող պատգամավորների մի մասը ներգրավված է այս գործում:

Ինչ վերաբերում է առաջնային մանդատ ունեցող մյուս կառույցին՝ ավագանուն, ապա Հայաստանի բոլոր մարզերը ներկայացնող ավագանու անդամները պետք է հստակ դիրքորոշում հայտնեն սահմանազատման, սահմանագծման անվան տակ իրականացվող միակողմանի զիջումների վերաբերյալ: Քանզի Տավուշում տեղի ունեցողը միայն տավուշցիների խնդիր չէ: Վաղը նույն վիճակում կարող են հայտնվել մյուս մարզերը և ի վերջո՝ Երևանը:

«Մայր Հայաստանը» կոչ է անում Հայաստանի բոլոր համայնքների ավագանու անդամներին կողմնորոշվել ու հրապարակավ տեսակետ հայտնել մեր երկրի անվտանգությանը սպառնացող վտանգների թեմայով: Մենք այսօր դա արել ենք Երևանի ավագանու նիստի ժամանակ: Նույնն ակնկալում ենք մյուս համայնքներից:

ՀՀ քաղաքացիներին կոչ ենք անում պահանջել ավագանու անդամներից, որպեսզի նրանք հրապարակավ արտահայտվեն: Դա էլ է գործողության տեսակ:

Սիրելի՛ քաղաքացիներ,

Պահանջե՛ք ձեր քվեով ավագանու անդամ դարձածներից հստակ դիրքորոշում արտահայտել Տավուշում և ամբողջ Հայաստանի շուրջ տեղի ունեցողի վերաբերյալ: Այս հարցում չեզոքություն չի կարող լինել: Կա՛մ Հայաստանի հետ ես, կա՛մ Հայաստանի դեմ:

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից

Հայաստան և Վրաստան. նմանություններ և տարբերություններ․ Անդրանիկ Թևանյան
_________
Հայաստանի իշխանությունը և Վրաստանի ընդդիմությունը կառավարվում են դրսի նույն կենտրոնից։ Երկուսի վրա էլ դրված է սեփական երկիրն աշխարհաքաղաքական խաղերում մանրադրամ դարձնելու խնդիրը։

Վրաստանի իշխանությունը կատաղի կռիվ է տալիս` հանուն այդ երկրի ինքնիշխանության։ Հայաստանի իշխանությունն ինքնիշխանության անվան տակ աճուրդի է հանել մեր երկիրը։

Վրաստանում օտարերկյա գործակալներն ընդդիմության մեջ են, Հայաստանում` իշխանության։

Դա է պատճառը, որ Արևմուտքը ճնշում է Վրաստանի իշխանությանը, երբ ոստիկանական ուժ է կիրառվում այնտեղի ընդդիմության դեմ, և քար լռություն է պահպանում, երբ նույնն անում է Նիկոլ Փաշինյանը։ Երկակի ստանդարտների կիրառման վառ օրինակ։

Այդպես է լինում բոլոր այն դեպքերում, երբ արժեքն իր տեղը զիջում է շահերին։

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից

Իշխանափոխության հնարավորությունը մեծ է. Ձյունիկ Աղաջանյան

https://www.youtube.com/watch?v=lpyh9OmQxc8

ՑԱՎԱԿՑԱԳԻՐ

«Մայր Հայաստան» ժողովրդական շարժումը խորապես ցավակցում է Իրանի Իսլամական հեղափոխության առաջնորդ Այաթոլլա Սեյեդ Ալի Հոսեյնի Խամենեիին, մեր բարեկամ երկրի ողջ ժողովրդին՝ ուղղաթիռի աղետի հետևանքով Իրանի Իսլամական Հանրապետության նախագահ Սեյեդ Էբրահիմ Ռայիսիի, արտաքին գործերի նախարար Հոսեյն Ամիր Աբդոլլահիանի, նախագահին ուղեկցող պատվիրակության ու անձնակազմի զոհվելու կապակցությամբ:

Վշտակցում ենք զոհվածների հարազատներին ու մերձավորներին: Վստահություն ենք հայտնում, որ ԻԻՀ բարձր ղեկավարության այս ծանր կորուստը կհաղթահարվի տոկունությամբ՝ արժանին մատուցելով իր ժողովրդի նվիրյալների հիշատակին:
«Մայր Հայաստան» ժողովրդական շարժում
20.05.2024թ., Երևան

Բարոյականություն VS այլասերում

——————————-

Քաղաքականության հետ կապված մի քանի ձևակերպումներ կան, որոնք կիսատ են հնչեցվում:

Օրինակ՝ քաղաքականությունն անբարոյականություն է: Այո՛, դա այդպես է, բայց այն դեպքում, երբ քաղաքականությամբ զբաղվում են անբարոյականները:

Մեկ այլ ձևակերպում էլ կա: Իշխանությունն այլասերում է, իսկ բացարձակ իշխանությունն այլասերում է բացարձակ ձևով: Սա էլ է կիսատ: Բացարձակ իշխանությունն այլասերվում է բացարձակ ձևով, ինչպես նաև սպառվում բացարձակ ձևով: Նիկոլ Փաշինյանի իշխանությունն այդպիսին է: Կարևորն այն է, որ իրենց սպառվածությունը չտարածվի մեր պետության վրա: Դրա համար ամեն մեկս իր տեղում իր գործը պետք է անի՝ համոզված լինելով, որ հենց իրենի՛ց է կախված հաջողությունը:

Հաջողությունը տվյալ դեպքում Հայաստանի ներքին ու արտաքին քաղաքականության փոփոխությունն է՝ իշխանափոխության պարտադիր նախապայմանով:

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից

Երևանի ավագանու «Մայր Հայաստան» խմբակցության անդամները հանդիպել են այսօր գործադուլ հայտարարած ավտոբուսի վարորդների հետ։

«Մայր Հայաստան» խմբակցության ղեկավար Մանուկ Սուքիասյանը նշել է, որ Երևանի քաղաքապետարանը լրջագույն խնդիր ունի քաղաքային տրանսպորտի կառավարման հետ։

«Երևանի քաղաքապետարանի ադմինիստրացիան պատասխանատվություն է կրում քաղաքի կաթվածահար տրանսպորտի համար։ Տրանսպորտն այս պահին Երևանում չի գործում, ունեն կառավարման, վատնումների, կադրային նշանակումների խնդիր»,-ասել է Մանուկ Սուքիասյանը։

Մանրամասները՝ տեսանյութում։

https://fb.watch/sdPlBO71o4/

Հարգելի՛ հայրենակիցներ,

«Մայր Հայաստան» ժողովրդական շարժումը նախաձեռնել է հանդիպումների շարք Հայաստանի տարբեր մարզերը ներկայացնող համայնքների ավագանու անդամների հետ՝ նպատակ ունենալով տեղերում քննարկել մեր երկրում տիրող իրավիճակը և ակտիվացնել ժողովրդից առաջնային մանդատ ստացած ավագանու ինստիտուտը:

Այսօր Երևանի ավագանու «Մայր Հայաստան» խմբակցության անդամները՝ համանուն շարժման առաջնորդ Անդրանիկ Թևանյանի գլխավորությամբ, հանդիպել են Արագածոտնի մարզի Աշտարակ խոշորացված համայնքի (34 բնակավայր) ավագանու ընդդիմադիր՝ ՀՅԴ և «Հայրենիք» խմբակցությունների ներկայացուցիչներին:

«Մայր Հայաստանը» դեմ է սահմանազատման, սահմանագծման անվան տակ և ուժի կիրառման սպառնալիքի ներքո տեղի ունեցող միակողմանի զիջումներին:

Կոչ ենք անում բոլոր համայնքների ընտրված ներկայացուցիչներին հանդես գալ համանման դիրքորոշմամբ:

«Մայր Հայաստան» ժողովրդական շարժում

Երևանի ավագանու «Մայր Հայաստան» խմբակցություն

29.743 քառակուսի կիլոմետր VS ...
————————————
Նիկոլ Փաշինյանը սկզբում հայտարարում էր, որ պայմանավորվել է Ադրբեջանի հետ այն մասին, որ Հայաստանը 29.800 քառակուսի կիլոմետր է։ Զուգահեռաբար նա ճանաչում էր Ադրբեջանը 86.600 քառակուսի կիլոմետրով՝ ներառյալ Արցախը։

Ալիևն ընդունեց այդ նվերը և անցավ նոր պահանջներին՝ որևէ բառ չարտասանելով ՀՀ–ի քառակուսի կիլոմետրերի մասով։

Հիմա Նիկոլ Փաշինյանն իջեցրել է ՀՀ–ի քառակուսի կիլոմետրերի նշաձողը մինչև 29.743 քառակուսի կիլոմետր։ Ալիևը կրկին լուռ է։ Նա Հայաստանը դիտարկում է որպես «Արևմտյան Ադրբեջան»։ Այս պայմաններում ՔՊԿ–ականների, նիկոլական քարոզիչների հարցադրումն իրենց ընդդիմախոսներին, թե բա մենք ՀՀ–ն համարում ենք 29.743 քառակուսի կիլոմետրանոց, իսկձեր քառակուսի կիլոմետրն ինչքա՞ն է, դեմագոգիկ է ու արհեստական։ Քանզի այն երկիրը, որից Փաշինյանը խաղաղություն ու քառակուսի կիլոմետր է մուրում, չի խոստանում ո՛չ խաղաղություն, ո՛չ կոնկրետ քառակուսի կիլոմետր։

Ալիևն ընդունե՞լ է Փաշինյանի հռչակած 29.743 քառակուսի կիլոմետրը։ Ո՛չ, չի ընդունել։ Ալիևը չի ընդունել նաև ՀՀ կառավարության ղեկավարի պաշտոնը զբաղեցնողի հնչեցրած թիվն Ադրբեջանի քառակուսի կիլոմետրերի մասով, քանզի սահմանազատման ու սահմանագծման անվան տակ ավելիին է ձգտում։

Մինչև Հայաստանը բանակցողին չփոխի ու չհստակեցնի իր կարմիր գծերը, մենք անընդհատ ու անդադար կորուստներ ենք ունենալու։

«Մայր Հայաստան» շարժման առաջնորդ Անդրանիկ Թևանյանի ֆեյսբուքյան էջից

Շիրակի մարզը ներկայացնող համայնքների և Երևանի «Մայր Հայաստան» խմբակցության ավագանու անդամները հանդես են եկել համատեղ հայտարարությամբ

—————————————————

Հայ Առաքելական Սուրբ Եկեղեցու Շիրակի թեմի առաջնորդ, Գերաշնորհ Տ. Միքայել Արքեպիսկոպոս Աջապահյանի հրավերով մայիսի 24–ին Գյումրիում տեղի ունեցավ քննարկում՝ Գյումրիի, Շիրակի մարզի խոշորացված համայնքները ներկայացնող ավագանու անդամների (Անի, Ամասիա, Ախուրյան խոշորացված համայնքներ), համայնքների ղեկավարման բազմամյա փորձ ունեցող գործիչների (Ազատան, Մարալիկ, Ախուրյան), Երևանի ավագանու «Մայր Հայաստան» խմբակցության անդամների մասնակցությամբ։

Հանդիպմանը նախորդել էր «Շիրակը հանուն Հայրենիքի» շարժման նախաձեռնությամբ անցկացված խորհրդակցությունը, որի ժամանակ էլ որոշվել էր ընդլայնված կազմով քննարկում կազմակերպել։

Ներկաներն իրենց աջակցությունն են հայտնել Բագրատ Սրբազանի գլխավորած «Տավուշը հանուն Հայրենիքի» շարժմանը, ինչպես նաև հանդես են եկել համատեղ հայտարարությամբ՝ «Դեմ ենք սահմանազատման, սահմանագծման անվան տակ և ուժի կիրառման սպառնալիքի ներքո տեղի ունեցող միակողմանի զիջումներին»։

Երևանի ու Շիրակի մարզը ներկայացնող ավագանու անդամները կոչ են անում մյուս մարզերի ավագանու անդամներին (անկախ կուսակցական ու խմբային պատկանելությունից) հանդես գալ համանման հայտարարությամբ։

https://www.facebook.com/mayrhayastansharjum/posts/pfbid0waP52LdyUyzMeixzLQxFEjSbxg8GoVNSnP7hCuq4J658eUJYcnUTuiMqub3hm3YCl

«Փոփոխություն հնարավոր է անել՝ բացառապես հեռացնելով այն փտած գլուխը, որն այսօր ուղղակի նեխման պրոցեսի մեջ է դրել մեր պետությունը». «Փաստ»

https://past.am/?p=363486&l=am#gsc.tab=0