НАШЫ ПРАЕКТЫ.
ЛІДСКІЯ КАВАЛІ.

У Лідскім замку працуе прыватная выстаўка “Кавальская майстэрня”. Увазе наведвальнікаў прадстаўлены паходны варыянт кузні, малаткі, абцугі, прабойнікі, зубілы і іншыя прыспасобы, створаныя рукамі аднаго чалавека. Жыгала Яўген Алегавіч – майстар, які адраджае старажытнае рамяство.

#СтаніслаўСуднік

НАШЫ ТРАДЫЦЫІ.
"СВЯТА КАЛОДЗЕЖА".

У аграгарадку Кошалі (Зэльвенскі раён, Гродзеншчына) прайшло "Свята калодзежа".

Калодзеж - гэта спакон веку тайна, якая стаіць ля дарогі, вабячы падарожнікаў папіць жыватворнай вадзіцы.

Менавіта з ім звязана большасць паданняў і легенд. Калодзезь – гэта крыніца, выток, ручай. А студня, ці калодзеж, – зруб ці каменная труба для здабывання вады. Але многія вяскоўцы ўсё роўна называюць яго чамусьці калодзезем.

Нездарма кажуць: «Хлеб – бацька, а вада – маці".
Калодзежнай вадой віталі гаспадароў, жадалі ім здароўя, дабрабыту і ўдзельнікі спецыяльнага абраду. Гаспадары чэрпалі жыватворную сцюдзёную ваду з ужо асвячоных калодзежаў, частавалі гасцей.

“Дзе хлеб ды вада, там і жыццё!”

Фота #ГалінаРаманчук

БЕЛАРУСКІ :
ДАР ПРЫГАЖОСЦІ.

НАШЫ ПРАЕКТЫ.
"ВОСЕНЬ У ЗАВОССЕ" ЗАПРОСІЦЬ...

21 верасня на фестывалі "Восень у Завоссі" выступіць яркі і самабытны гурт "Сарматы" - народны фальклорны ансамбль Беларускага Дзяржаўнага Ўніверсітэта.

Калектыў адметны багатым вакальна-інструментальным складнікам, яркімі канцэртнымі строямі і арыгінальным гучаннем пад фірмовай назвай "сармацкі рок"! На канцэрце прагучаць народныя і аўтарскія песні на словы айчынных класікаў у фолк-рок апрацоўцы.

Прыязджайце адчуць дух продкаў праз прызму сучаснага фолк-року 🍁!