БЕЛАРУСКАЯ ПРЫМАЎКА.
ПРА ЗДАРОЎЕ.

💪Свая сіла кожнаму міла.
💶Як здаровы то і багаты.
☝️Здароўя за грошы не купіш.
🤔Пакуль здароў, то сем паноў.
🙏Як занямог, то адзін Бог.
Якая ўвага, такая й бяга.
💦Пі халодную воду, не будзеш хварэць да роду.
🏃‍♂‍➡️Ён не знаў, дзе галава, дзе нага...

НАШЫ КНІГІ.
БЕЛАРУСКІЯ ВЫДАННІ.

"КРЫНІЦА НАРОДНАЙ МУДРАСЦІ".

Распродаж
"Крыніца народнай мудрасці"
Васіль Ліцвінка.

Выданне ўключае значную колькасць навуковых і навукова-папулярных прац вядомага беларускага фалькларыста і папулярызатара айчыннай этнакультуры, шматгадовага прэзі- дэнта Беларускага саюза фалькларыстаў В. Д. Ліцвінкі.

У зборнік уключаны таксама матэ- рыялы, прысвечаныя яго жыццю і шматбаковай фалькларыстычнай дзейнасці.

Разлічана на даследчыкаў аўтэнтычнай народнай творчасці, выкладчыкаў, студэнтаў, усіх, хто цікавіцца фальклорам як асновай традыцыйнай культуры.

#АкадэмКніга

НАШЫ КНІГІ.
БЕЛАРУСКІЯ ВЫДАННІ.

ДЛЯ ВУЧНЯЎ.

"Беларуская мова
Комплексная падрыхтоўка да ЦЭ і ЦТ."
С.І.Цыбульская

"Беларуская мова ў пытаннях і адказах
Дапаможнік для вучняў старшых класаў і абітуріентаў."
В.М.Сіўковіч

#АкадэмКніга

НАШЫ КНІГІ.
БЕЛАРУСКІЯ ВЫДАННІ.

ЭНЦЫКЛАПЕДЫЯ.

"Беларуская мова"
Энцыклапедычны даведнік.

Больш за 290 артыкулаў, якія прысвечаны беларускай мове, яе гісторыі і сучаснаму стану, гукавому і лексічнаму складу, фраземнаму фонду, графіцы і арфаграфіі, марфалогіі і сінтаксісу, діялектнаму падзелу. слоўнікам і інш..

#АкадэмКніга

НАШЫ АСОБЫ.
ЯЎХІМ КОХАН.
ПАЭЗІЯ.

3 лютага -
дзень нараджэння беларускага паэта КОХАНА Яўхіма Іванавіча (1912 -1993).

Нарадзіўся ў вёсцы Навадворцы Слуцкага раёна. Скончыў Маскоўскі гісторыка- архіўны інстытут. Удзельнік вайны. З 1928 г. ў перыядычных выданнях, у зборніку "Дзень паэзіі" ён апублікаваў шмат лірычных вершаў.

* * *

Колькі я сцяжынак ператупаў,
Колькі я прайшоў чужых краін,
Выпрабаваў слодыч і атруту
Казачных і зменлівых мясцін, -

Не прасіла сэрца, не папросіць
Ні раскошы, ні пустых патрэб,
Толькі б на зямлі сваёй штовосень
Славіць свой запрацаваны хлеб.

Трапіўшы на іншую планету,
Я і там ад сэрца запяю
На ўсю шыр бясконцага сусвету
Пра Айчыну светлую сваю.

#ViktarKaval

НАШЫ ПРАЕКТЫ.
БЕЛАРУСКАЕ КНІЖНАЕ СВЯТА.

XXXII Мінская міжнародная кніжная выстава-кірмаш -

ЗАПРАШАЕ !!!

Падрабязнасці 👇
http://xn----7sbba0alnfqfc2bc9rb.xn--90ais/

НАШЫ ПРАЕКТЫ.
КНІЗЕ - ДРУГОЕ ЖЫЦЦЁ !

"Працягваецца наша плённае супрацоўніцтва з Дзяржаўным музеем гісторыі беларускай літаратуры.
Дзяржаўны музей гісторыі беларускай літаратуры

Да нас у офіс завіталі супрацоўнікі музея - Вялянціна Сяргееўна і Аляксандра.

У рамках сацыяльнага праекта "Кнізе другое жыццё" мы перадалі ў музей 230 кніг, а таксама паштоўкі. Яны будуць выкарыстоўвацца для навуковай працы, экспазіцый, а таксама для буккросінга 📚.

У ліку перададзеных:
✅ кнігі з дароўнымі надпісамі беларускіх аўтараў: С. Законнікава, Л. Дранько-Майсюка, А. Горвата, С. Лебедзева, А. Белавусава, І. Катлярова, Н. Вяршыніна, В. Штейн-Усава, В. Шура, У. Лабанка.

✅ З. Яцкевіч. Радавод Максіма Багдановіча. Мінск, 1999.

✅ М. Стральцоў. Мой свеце ясны (паэзія). Мінск, 1986.

✅ Мініяцюрная кніга П. Броўкі "Ты мая пчолка. Лірыка". Мінск, 1972.

#Белгипсэко
#Мінск

НАШЫ АСОБЫ.
ВАСІЛЬ КАРПЕЧАНКА.
ЛІТАРАТУРА.

Васіль Карпечанка-легенда Магілёўскага раёна.

Да 100-годдзя з дня нараджэння настаўніка, паэта і пісьменніка.

У Магілёўскім раёне ёсць нямала людзей, якімі ганарацца не толькі іх сучаснікі, але якімі будуць ганарыцца і наступныя пакаленні. Васіль Карпечанка - з іх ліку.

Франтавік-ардэнаносец, настаўнік, журналіст, паэт, пісьменнік, сапраўдны захавальнік роднай мовы – любы этап жыцця Васіля Васільевіча, любая сфера дзейнасці, дзе ён праявіў сябе, могуць стаць асновай для найцікавага аповеду. Мы паспрабуем пазнаёміць вас, нашых чытачоў, хоць бы з часцінкай жыцця легендарнага чалавека, 100 гадоў з дня нараджэння якога адзначалася зусім нядаўна.

Чытаць далей: http://www.oo-spb.by/index.php?id=6535

НАШЫ ВЫДАННІ.
"НЁМАН" № 1, 2025.

УЛАДЗІМІР КАРАТКЕВІЧ.

У год 95-годдзя Уладзіміра Караткевіча часопіс працягвае знаёміць чытачоў з неапублікаванымі тэкстамі і дакументамі, якія распавядаюць пра жыццё і творчасць пісьменніка.

Гэтым разам знойдзеныя ў архівах матэрыялы тычацца непасрэдна "Нёмана" і апублікаванай у 1979 годзе ў № 6-8 часопіса ў перакладзе на рускую мову Валянцінай Шчадрынай аповесці "Дзікае паляванне караля Стаха". Менавіта гэтая публікацыя прымусіла кандыдата гістарычных навук Мікалая Лазінскага напісаць у рэдакцыю.

У чатырох лістах аўтар і чытач даволі рэзка спрачаюцца аб гістарычных рэаліях і нюансах перакладу. Запал ў перапісцы правакуюць і разуменне пісьменнікам пэўных недахопаў у тэксце аповесці, якія з'явіліся з-за няякаснага перакладу, і павучальны, павучальны тон ліста Мікалая Ласінскага.

Даследчык і літаратуразнаўца Пётр Жалняровіч прадаставіў чытачам "Нёмана " унікальную магчымасць пазнаёміцца з гэтай архіўнай знаходкай...

#МастацкаяЛітаратура

НАШЫ ПРАЕКТЫ.
ЛІТАРАТУРНАЯ ШКОЛА "ТЭКСТ".

05/02/2025, 19:00

Ці можна навучыцца пісаць літаратурныя творы?

З аднаго боку, цяжка ўявіць з’яўленне таленавітага тэкста без іскры натхнення, а з другога - ці можа зашкодзіць ў гэтым пытанні вучоба?

Запрашаем усіх зацікаўленых у літаратурную школу "Тэкст", якая распачынае працу пры Літаратурным музеі Максіма Багдановіча!

Што вам дадуць сустрэчы ў літаратурнай школе:

✅Дадатковая матывацыя.
✅Магчымасць паспрабаваць сябе ў новых кірунках.
✅Вывучэнне лепшых прыкладаў сусветнай і беларускай літаратуры, пашырэнне чытацкага кругагляду.
✅Сустрэчы з творчымі асобамі.
✅Супольнасць з адваротнай сувяззю.

Тэмы курсу: лірычная мініяцюра, літаратурны дзённік, чытацкі водгук і рэцэнзія, эсэ, навуковы артыкул, казка, свабодны верш, хайку, візуальная і камбінаторная паэзія, культура мовы, пісьменніцкі слоўнік, рэдагаванне твораў і іншае.

Кожнай з тэм будзе прысвечана асобнае мерапрыемства.

Мадэратар – Міхал Бараноўскі

#МузейБеларускайЛітаратуры

НАШЫ ПРАЕКТЫ.
КНІГАЗНАЎСТВА.

17-18 красавіка ў Нацыянальнай бібліятэцы пройдуць ХХІ Міжнародныя кнігазнаўчыя чытанні-навуковая канферэнцыя, прысвечаная гісторыі кніжнай культуры.

Тэматыка ахоплівае шырокі спектр пытанняў па гісторыі кніжнай культуры ад старажытных часоў да сучасных тэндэнцый развіцця, па тэорыі і практыцы кнігазнаўства, бібліятэказнаўства і бібліяграфазнаўства.

Да ўдзелу запрашаюцца спецыялісты бібліятэк, архіваў, музеяў, ВНУ, навукова-даследчых інстытутаў, выдавецтваў і грамадскіх арганізацый.

Сачыць за абнаўленнем інфармацыі пра канферэнцыю можна на сайце XXI Міжнародных кнігазнаўчых чытанняў.

#НацБібліятэкаБеларусі

ДАБРАНАЧ - АД МАТУЛІ.

"У футра цёплае адзеты,
У валёнкі белыя абуты,
Ішоў, сваёй хадой сагрэты,
Дрымучым лесам месяц люты.

Стаяла ночка, пёк мароз,
Парыпваў лёгка светлы снег.
А на плячах вандроўнік нёс
Вялізны поўны белы мех..."

( ВАСІЛЬ ЖУКОВІЧ )

Мароз зусім непякучы ў нас, але дзядуля Люты - сапраўды, ва ўсім белым і пухнатым. Ідзе з мехам на плячах, а што там ?! Добрыя сны, шчаслівыя думкі, салодкія мары...

ДАБРАНАЧ, СЯБРЫ ❤️!

ДОБРАГА РАНКУ !
МАТУЛЯ ВІТАЕ !

"Жывy,i,дзякyй,нe ў пpacтopы гoлaй.
Maя дyшa —cкapбoнкa пaчyцця.
Дык штo ж ты плaчaш, юны мoй acтpoлaг,
штo тэpмiны кapoткiя ў быцця?

Xaй цeлa —тлeн.
Aд тлeнy нe пpыбyдзe,
ды выpвeццa кaлicь нa вoлю дyx!
I штo з дyшы aддaць пacпeю людзям,
янo i ёcць быцця aдвeчны pyx."

( РАІСА БАРАВІКОВА )

Ведаеце, што Сусветны дзень рака і мой праект "Матуля вітае !" і "Дабранач ад матулі" - звязаны наўпрост ?

Той анкалагічны бэкграўнд,які маю,даў неабходнасць кожныя новы дзень і вечар ўспрымаць, як вялікі падарунак Жыцця ! І гэтым усведамленнем - дзяліцца !

Хочацца данесці радасць ад кожнай раніцы, калі расчыняюцца вочы і Божанька дае магчымасць пражыць яшчэ адзін дзень !

Хочацца, каб і ВЫ, СЯБРЫ, мелі такое ж усведамленне Жыцця, як нечага важнага, але крохкага...

Каб не страчвалі час на пустое.Каб спяшаліся кахаць.

Хай у ВАШЫМ жыцці не будзе урока пад назвай "РАК". А калі здарыўся - сіл і Божай дапамогі гэты ўрок паспяхова адолець !

ДОБРАГА РАНКУ ❤️!

БУДЗЬЦЕ ЗДАРОВЫ !