#Qaror_va_ijro

⚡️Kuni kecha madaniyat vazirining birinchi o‘rinbosari Avazxon Tadjixanov boshchiligida yig'ilish bo'lib o'tdi.

Yig'ilish avvalida Prezidentning "Aholiga madaniy xizmat ko‘rsatish darajasini yanada oshirish chora-tadbirlari to‘g‘risida"gi 406-sonli Qarori ijrosini ta’minlash bo‘yicha hududlardagi havaskorlik jamoalarining turizm obyektlarida madaniy dasturlarni namunaviy tashkil etish bo‘yicha amalga oshirilgan ishlari muhokama etildi. Qaror ijrosini ta’minlashda sustkashlikka yo‘l qo‘ygan tuman va shahar madaniyat bo‘limi mudirlari va jamoalarning badiiy rahbarlari ogohlantirilib, qaror ijrosini sifatli hamda yuqori saviyada o‘z vaqtida bajarilishini ta’minlash yuzasidan tegishli topshiriqlar berildi.

Shundan so‘ng, vazirlik tizimidagi Madaniyatshunoslik va nomoddiy madaniy meros ilmiy-tadqiqot institutining yarim yillik hisobotlari hamda yil yakuniga qadar amalga oshirilishi rejalashtirilgan amaliy chora-tadbirlar to‘g‘risidagi axboroti tinglandi, erishilgan natijalar, tadbirlar samaradorligi hamda yo'l qo'yilgan kamchilik va xatoliklar muhokama etildi.

Yig‘ilish yakunida II yarim yillikda bajarilishi lozim bo‘lgan vazifalar muhokama etilib, mas’ullarga tegishli topshiriqlar berildi.

Telegram | Instagram | Facebook | Veb-sayt

#Qaror_va_ijro

⚡️ Prezident qarorlarining mazmun va mohiyati yuzasidan teatr xodimlariga tushuntirish berildi

👉 Batafsil: https://gov.uz/oz/madaniyat/news/view/30372

Telegram | Instagram | Facebook | Veb-sayt