#Maqom_2024
#Zomin
#Andijon_paviloni

🎼 Xabaringiz bor, 27–30-iyun kunlari Jizzax viloyatining Zomin tumanida YUNESKO va AYSESKO shafeligi ostida II Xalqaro maqom san'ati anjumani o'tkazildi.

Mazkur nufuzli anjumanda O'zbekiston Respublikasi Prezidenti Shavkat Mirziyoyev ishtirok etdi hamda festivalning tarixiy, madaniy, ilmiy-ma'naviy va tarbiyaviy ahamiyati haqida  nutq so'zladi.

Anjumanning madaniy qismida taniqli mahalliy va xorijiy san'at ustalari hamda teatr aktyorlari tomonidan maqom san'atining noyob namunalari mohirona ijro etildi.

Qayd etish lozimki, festivalda Andijon viloyati ham o'ziga ajratilgan maydonda Andijon Cho'ntak choyxonasi va hunarmandchilik an'analarini namoyon etuvchi dekoratsiyalari bilan qatnashdi.

Shu bilan birga, Andijon pavilonidan O'zbek milliy maqom san'ati markazi Andijon viloyat xududiy bo'limi, O'zbekiston davlat filarmoniyasi viloyat bo'linma raqqosi, Andijon viloyat askiya mahorat maktabi ustozlardan tashkil topgan ASKIYA jamoasi hamda Andijon viloyati Hunarmandlar uyushmasi qatnashdilar.

Tadbir davomida Andijon paviloni mahalliy aholi va xorijiy mehmonlar bilan gavjum bo'ldi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt