#Premyera

🎭 Marg'ilon shahar Musiqali maqom teatrining III chorak repertuar rejasidan o'rin olgan, "UVAYSIY" asari davlat buyurtmasi asosida sahnalashtirildi va premyerasi bo'lib o'tdi.

Teatrga tashrif buyurgan Jahon Otin Uvaysiy avlodlari, adabiyot, san’at vakillari hamda viloyat aholisi ushbu spektaklni katta olqishlar bilan kutib olishdi.

Spektakl so‘ngida so‘zga chiqqan tomoshabinlar ushbu spektakl rejissyor tomonidan juda nafis tarzda yondashilgani, asardagi qahramonlar obrazlaridagi aktyor va aktrisalar, ijro etilgan har bir kuy-qo‘shiq, raqslar joy-joyiga tushgani, eng asosiysi bu asar xalqimiz uchun katta ibrat va ma'naviy ozuqa bera oladigan spektakl bo‘lganini ta'kidlashdi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

#Xalqaro_hamkorlik
#Yangilik

⚡️ “Imom al-Buxoriy va Sukarno” asari Kattaqo'rg'on teatrida sahnalashtiriladi

✅ Samarqand viloyati, Kattaqo'rg'on shahar drama teatri hamda Indoneziya Respublikasining “Bumi Purnati” teatri jamoalari hamkorlikda “Imom al-Buxoriy va Sukarno” asarini sahnalashtirish ishlarini boshlashdi. Bu bo'yicha ikki davlat teatrlari o'rtasida Kattaqo'rg'on shahar drama teatri rahbari Botir Tugalovning 2023-yilda Indoneziya Respublikasiga ijodiy safari davomidagi taklifiga ko'ra, hamkorlik memorandumi imzolangan.

✅ Kuni kecha ikki davlat ijodiy teatr jamoalarining ishlari bilan yaqindan tanishish maqsadida, Indoneziya Respublikasi Talim, Madaniyat, Tadqiqotlar va Texnologiyalar vazirining Madaniyat va san’at ishlari bo’yicha birinchi o'rinbosari Hilmar Farid janoblari Samarqandga tashrif buyurdi.

✅ Ikki davlat hammuallifligida sahnalashtirilayotgan ushbu asar, 2024-yilning kuz fasli davomida, shuningdek, “Imom al-Buxoriy" majmuasining ta'mirdan so'nggi tantanali ochilish marosimi jarayonlarida premyera qilinishi rejalashtirilgan.

✅ Ma'lumot uchun, ushbu sahna asari Indoneziya Respublikasining birinchi prezidenti Sukarno janoblarining 1956-yilda Imom al-Buxoriy majmuasini ziyorat qilish maqsadida yurtimizga tashrifi tafsilotlari haqida so'zlaydi.

✅ Asar hammualliflik asosida yaratilgan bo'lib, unda indoneziyalik dramaturg Ahmad Favzi va o'zbekistonlik san'atshunos Temur Mirzayevlar birgalikda ishlashgan.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt

⚡️ Kuni kecha madaniyat vaziri o'rinbosari Yusufjon Usmonov Navoiy viloyatidagi ko'zi ojizlar maxsus kutubxonasida hamda viloyat ixtisoslashtirilgan madaniyat maktabida bo'lib, mazkur muassasalar faoliyati va muammolarini o'rgandi.

✅ O'rganish davomida kutubxonaning moddiy texnik bazasidagi ehtiyojlarni hamda viloyat ixtisoslashtirilgan madaniyat maktabidagi 2024-2025-o'quv yili uchun qabul jarayoni bilan tanishdi.

✅ Shuningdek, Yusufjon Usmonov Ixtisoslashtirilgan madaniyat maktabining yangi o'quv yiliga tayyorgarlik ishlaridagi muammolarini bartaraf etish yuzasidan viloyat madaniyat boshqarmasi hamda vazirlik mas'ullariga tegishli ko'rsatma va tavsiyalarni berdi.

™️Madaniyat vazirligining rasmiy sahifalari:
🌐 Telegram | 🌐 Instagram | 🌐 Facebook | 🌍 Veb-sayt