Ці ведаеце Вы, як гучыць па-беларуску "УШКИ НА МАКУШКЕ"?

А вось гэтак:

🔸Слых на семярых
🔸Вушы наставіць (паставіць, натапырыць)
#фразэалягізмы

✏️Што беларусы кажуць замест "ПЕРВЫЙ БЛИН КОМОМ"?
⠀
А вось што:
⠀
🔸Першае цялятка — шчанятка
🔸Першыя каты — за платы
🔸Першы плод — за плот
🔸Першую работу за плот выкідаюць
🔸Першы блін — сабаку
#фразэалягізмы

Дабрыдзень, даражэнькія! 💙

Як сказаць па-беларуску "ПАРЕНЬ ХОТЬ КУДА"?

А вось гэтак:

🔸Да зайца стралец і да дзевак маладзец
🔸І да волікаў пастух і да конікаў канюх
🔸Радзіўся днём з агнём
#фразэалягізмы

✏️Як сказаць па-беларуску "ДЕЛАТЬ ИЗ МУХИ СЛОНА"?

✏️А вось так:

🔸З камара каня рабіць
🔸З блыхі (з мухі) вала рабіць
🔸Зь ветру вяроўку віць
🔸Раскажаш пра вераб'я, а перакажуць пра жураўля
🔸Скажы на кепаць, а даложаць на локаць
🔸Байка з камара вырасьце на вала
#фразэалягізмы

Як гучыць па-беларуску "ДВА САПОГА ПАРА"?

А вось так:

🔸️Абое рабое
🔸️Роўны з роўнага цешыцца
🔸️Адзін аднаго (адзін другога) не перацягне
🔸️Які ехаў, такі (такую) стрэў
#фразэалягізмы

Як сказаць па-беларуску "Как в воду опущенный"?

А вось гэтак:

🔸️Як жыць не зьбіраецца
🔸️Як пад зямлёю
🔸️Як цела без душы
🔸️Ні сьцяты, ні павешаны

(Расейска-беларускі слоўнік прыказак, прымавак і фраззм)
#фразэалягізмы

Ці ведаеце вы, як сказаць па-беларуску "Из уст в уста"?

А вось гэтак:

🔸️З вуха на вуха
#фразэалягізмы

Як сказаць па-беларуску "Час от часу не легче"?

А вось гэтак:

🔸️Кепска (блага), пане Грыгоры: што далей, то горай
🔸️Далей — не лягчэй
🔸️Чым далей, тым цяжэй
🔸️Чым далей, тым галей
🔸️Было кепска, стала (будзе) горш
🔸️Было ліха, дый пагоршала
#фразэалягізмы

Як гучыць па-беларуску "Седина в бороду — бес в ребро"?

А вось гэтак:

🔸️Волас сівее, а галава шалее
🔸️У старой печы паляць чэрці
🔸️Сівізна ў бараду, а чорт у галаву
#фразэалягізмы

Як сказаць па-беларуску "Сам себе хозяин"?

А вось гэтак:

🔸️Сам пан
🔸️Сам сабе пан, сам сабе служка
🔸️Пан над самім сабою і над сваёй душою
🔸️Нікому ні ў шапку
🔸️Сам вялікі
#фразэалягізмы

Як сказаць па-беларуску "изо всех сил"?

Да прыкладу, вось так:

🔸️Як дух
🔸️На ўсе жылы
🔸️З цэлай моцы
🔸️Што моцы
🔸️Як моц-сіла
🔸️Як з шыбеніцы сарваўся
🔸️Як чорт з пісьмом
#фразэалягізмы

"О, горе мне!" А як сказаць па-беларуску?

🔸️Авохці мне!

#фразэалягізмы

✏️Як сказаць па-беларуску "ДЕЛАТЬ ИЗ МУХИ СЛОНА"?

✏️А вось так:

🔸З камара каня рабіць
🔸З блыхі (з мухі) вала рабіць
🔸Зь ветру вяроўку віць
🔸Раскажаш пра вераб'я, а перакажуць пра жураўля
🔸Скажы на кепаць, а даложаць на локаць
🔸Байка з камара вырасьце на вала
#фразэалягізмы

Ці ведаеце Вы, як гучыць па-беларуску выраз "УШКИ НА МАКУШКЕ"?

А вось гэтак:

🔸Слых на семярых
🔸Вушы наставіць (паставіць, натапырыць)
#фразэалягізмы

Як сказаць па-беларуску "ИЗ ОДНОГО ТЕСТА"?

🔸Чэрці адное шэрсьці
🔸Бліны-ляпешкі з аднае дзежкі (рас. "квашни")

❓Як вам такія ''чэрці''? 😊

📍Фота: @anyagrapes

#фразэалягізмы

Ці чыталі вы раман Івана Шамякіна "Сэрца на далоні"? А ці ведалі, што ягоная назва — гэта цэлы фразэалягізм, які нават мае адпаведнік у расейскай мове — "душа нараспашку"? 🤍

А яшчэ ў фразы ёсьць 'сынонімы':

🔸️Душа наросхрыст (нáхлашч)
🔸️Шчырая душа 

#фразэалягізмы

Бібікі біць — гультаяваць, бязьдзейнічаць; займацца пустымі справамі.

А яшчэ можна сказаць гэтак:

🔸️Бáйды біць
🔸️Лы́нды біць
🔸️Тылылы́ біць
🔸️Гýльма гуляць

❗️Бібікі — у некаторых беларускіх гаворках гэта "гузікі". Гэта дае падставу меркаваць, што першапачаткова бібікі біць значыла "гуляць у якуюсьці гульню з гузікамі".

❗️Бáйды біць — агульны выраз для бел. і ўкр. (байди бити, байдики бити).

Байда — устарэлае слова са значэньнем ‘барка’, роднаснае са словамі байдак, байдара, байдарка.

Словам байда называлі рачныя судны на Дняпры і яго прытоках. Праца людзей на байдзе, нанятых на пэрыяд навігацыі, здавалася лёгкім заняткам, нявартаю справаю (асабліва так глядзелі на яе тыя, хто на гэты час заставаўся адзін на гаспадарцы).

❗️Слова лы́нда мае некалькі значэньняў, але ў выразе, верагодна, ужываецца як адзінка вымярэньня даўжыні ці плошчы (’вузкая палоска зямлі, загон’).

❗️Тылылы́ — гэта пра балбатню. У некаторых беларускіх гаворках сустракаецца слова «тылілікаць», гэта значыць — утвараць адпаведныя гукі пры дапамозе языка.
#фразэалягізмы

Якія адпаведнікі існуюць да выразу "Яблоко от яблони недалеко падает?"

🔸️Якая матка, такое й дзіцятка
🔸️Якое дрэва (які целяш, дуб, явар), такі клін, які бацька, такі сын
🔸️Якая хатка, такі і тын, які бацька, такі і сын
🔸️Які млын, такі і ставок, які бацька, такі і сынок
🔸️Яблычак ад яблыні далёка не адкочваецца

Які з выразаў вам больш даспадобы? 😻
#фразэалягізмы

Кахайце і будзьце каханымі 💞

А як сказаць па-беларуску "С милым рай и в шалаше"?

❤️ Хоць у будане жыць, абы з каханым быць
❤️ Хоць пад лаўкаю сядзець, абы на харошага глядзець
❤️ Хоць без хлеба пасяджу, але ж на любага пагляджу
❤️ Хоць у адной лёлі (сарочцы), абы па любові
#фразэалягізмы

Як сказаць па-беларуску "За ушами трещит"?

🔸️Аж нос гайдука скача (гайдук — від пляскі)
🔸️Аж нос у прысядкі гуляе (ідзе)
🔸️Аж нос угінаецца
🔸️Аж вушы трашчаць
🔸️Мала вочы не павылазяць
#фразэалягізмы