Для добрага настрою і папаўненьня слоўнікавага запасу 😻

У гэты пахмурны дзень сонечнага зайчыка вам у стужку 🤍 Усё ж яшчэ лецейка на дварэ!

У нашым Instagram разыгранка! Бярыце ўдзел ✨️✨️✨️

https://www.instagram.com/p/CvZCLPtoN6T/?igshid=MzRlODBiNWFlZA==

ДЖГАЦЬ (džgać)
(дзеяслоў, незакончанае трываньне)

1. Калоць, раніць джалам (пра насякомых); кусаць (пра зьмей).

🔸️Толькі зрэдку чулася, як, ляскаючы зубамі, .. [сабака] лавіў мух, што дакучліва джгалі яго калматае цела. (Стаховіч)

2. Апякаць (пра крапіву, мароз).

3. Хутка ісьці, бегчы; імчацца.

🔸️Схапіўшы грошы, .. [Мацьвей] на адной назе джгаў у канец сяла.., купляў кварту гарэлкі і цераз тую ж хвіліну ставіў хлопцам на стол. (Лобан)
#словы_Д

РУНÉЦЬ (runieć)
(дзеяслоў, незакончанае трываньне)

1. Узыходзячы, зелянець (звычайна пра азімыя пасевы).

🔸️Лес зрэдку разрываўся невялічкімі палянкамі, на некаторых рунела жыта. (Колас)

2. Вылучацца сваім зялёным колерам.

🔸️Над шэраю страхою рунела сасна. (Вялюгін)
#словы_Р

ПАПЯРÓЎКА (papiaroŭka)
(назоўнік, жаночы род)

1. Сорт летняе яблыні, на якой растуць белыя або жоўтыя кісла-салодкія яблыкі.

2. Плод гэтае яблыні.

🔸️За хатамі сьпеюць улетку антонаўкі, папяроўкі і слуцкія бэры. (Чорны)
#словы_П

КІРÓЎЦА (kiroŭca)
(назоўнік, мужчынскі род)

Той, хто кіруе самаходнаю машынаю (аўтамабілем, катэрам і пад.).

🔸️Кіроўца наставіў прымач на ўпадабаную хвалю.
#словы_К

ПУСТЭЛЬНІК (pustelnik)
(назоўнік, мужчынскі род)

1. Чалавек, які з рэлігійных меркаваньняў адмовіўся ад зносінаў зь людзьмі і пасяліўся ў бязьлюдным месцы.

🔸️Манах-пустэльнік.

2. Пра чалавека, які жыве ў адзіноце, у бязьлюдным месцы.

🔸️— А, во дзе ты, пустэльнік! — радасна сказала Марына Кудлачу, які маляваў за сталом. (Алешка)
#словы_П