Теҳронда Ўзбекистон савдо маркази ишга тушади

Ўзбекистон Теҳрон шаҳрида ўзининг савдо марказини очади. Бу ҳақда Эроннинг IRNA ахборот агентлиги хабар берди.

11 май куни Ўзбекистон Бош вазири Абдулла Арипов расмий ташриф билан Эрон Ислом Республикасига борди.

Telegram / Facebook / Instagram / Site

🔍 ASL Belgisi иловаси: нималарни билиш ва ундан қандай фойдаланиш керак

Asl Belgisi — бу истеъмолчидан тортиб Солиқ қўмитаси ходимигача фойдаланиши мумкин бўлган рақамли восита. Платформа товар айланмасини кузатишга ёрдам беради, бу эса бизнес ва назорат органларининг маълумот тўплашдаги ишини сезиларли даражада осонлаштиради, шунингдек, фойдаланувчиларга сотиб олинган маҳсулотларнинг сифатига ишонч ҳосил қилиш имконини беради.

➡️ Батафсил

Telegram / Facebook / Instagram / Site

«Атирау» футболчилари ғалабалар учун қўчқорни қурбон қилди.

Қозоғистоннинг «Атирау» футбол клуби ғалабалар учун қурбонлик маросимини ўтказди, дея хабар берди жамоа матбуот хизмати.

Қурбонлик учун қўчқор танланган. Клуб кетма-кет саккизта мағлубиятдан сўнг бу қадамга борган.

Telegram / Facebook / Instagram / Site

90 кунлик сулҳ: АҚШ Хитой маҳсулотларига божларни 30 фоизга, Хитой эса 10 фоизга туширди

АҚШ ва Хитой ўртасида давом этаётган савдо урушини юмшатиш мақсадида икки томонлама вақтинча келишувга эришилди. Бу ҳақда АҚШ Ғазначилик котиби Скотт Бессент хабар қилди.

Унга кўра, АҚШ Хитой маҳсулотларига нисбатан бож ставкасини 145 фоиздан 30 фоизга туширади. Хитой эса АҚШ товарларига нисбатан божларни 125 фоиздан 10 фоизга камайтиради.

Бу чора-тадбирлар 90 кун давомида амал қилади.

Telegram / Facebook / Instagram / Site

Электромобилларни қувватлаш станциясини ўрнатиш учун пора талаб қилган масъуллар ҳибсга олинди

Тошкент шаҳрининг Чилонзор туманида жойлашган электр тармоғи компаниясининг икки ходими, электромобилларни қувватлаш станциясини ўрнатиш учун тадбиркордан $15 минг миқдорида пора талаб қилганликда гумон қилиниб, қўлга олинди. Бу ҳақда пойтахт Ички ишлар бошқармаси хабар бермоқда.

Telegram / Facebook / Instagram / Site

Bitkoin курси январдан бери илк бор $105 мингдан ошди

12 май куни Тошкент вақти билан 07:05 да Bitkoin нархи $105 646 га етди. Бу кўрсаткич 31 январдан бери биринчи марта қайд этилди.

Февраль охирида биткоин курси кескин тушиб кетганди. Апрель бошида нарх $76–77 минг атрофида бўлган.

Telegram / Facebook / Instagram / Site

Доллар курси ошди

Ўзбекистон валюта биржаси маълумотларига кўра, 12 май куни долларнинг ўртача курси 12 895,55 сўмни ташкил этиб, олдинги кун билан солиштирганда 15,20 сўмга ошди.

Шунингдек, Марказий банк томонидан бошқа валюталар курслари ҳам эълон қилинди. Унга кўра евро 196,91 сўмга пасайиб, 14 338,56 сўмга етди. Россия рубли эса 2,70 сўмга тушиб, 159,38 сўмга тенг бўлди.

Telegram / Facebook / Instagram / Site

Huawei нинг энг янги смартфонлари нархлари Ўзбекистонда қанча

Huawei компанияси ўз линейкаси доирасида янги смартфонларини тақдим этишда давом этмоқда. Huawei нинг энг янги смартфонлари қанча туради? Курсив Uzbekistan мухбири уларнинг нархлари билан қизиқиб кўрди.

➡️ Батафсил Kursiv.uz сайтида ўқинг

Telegram / Facebook / Instagram / Site

Хитой Ўзбекистонда транспорт воситаларини синовдан ўтказиш марказини ташкил этишни режалаштирмоқда

Хитойнинг GAC компанияси Ўзбекистонда транспорт воситаларини синовдан ўтказиш марказини ташкил этишни режалаштирмоқда. Бу ҳақда «Дунё» АА хабар бермоқда.

Хитойнинг йирик автомобилсозлик корпорацияси – ГАC компанияси Тошкент давлат техника университети (ТДТУ) билан ҳамкорликда Ўзбекистонда янги энергия манбаларида ҳаракатланадиган транспорт воситаларини синовдан ўтказиш ва сертификатлаштириш бўйича инновацион ўқув маркази ташкил этишни режалаштирмоқда.

Telegram / Facebook / Instagram / Site

Махачкала – Тошкент йўналиши бўйича парвозлар кечикиши мумкин

UzAirways 1 майдан 31 майгача Махачкала – Тошкент йўналиши бўйича парвозлар кечикиши мумкинлигини маълум қилди.

Бу кечикишлар «Ҳаж-2025» дастурининг ўтказилиши ва Махачкала халқаро аэропортида йўловчилар оқимининг кўпайиши билан боғлиқ.

Telegram / Facebook / Instagram / Site