​​ҚР Ұлттық Банкінің баспасөз қызметі хабарлағандай, желтоқсанның қорытындысы бойынша, теңге 1 АҚШ доллары үшін 462,66 теңгеге дейін 1,3%-ға нығайды. Қазақстан қор биржасындағы сауда-саттықтың орташа күндік көлемі бір айда 132 млн-нан 141 млн АҚШ долларына дейін ұлғайды. Сауда-саттықтың жалпы көлемі 2,95 млрд АҚШ долларын құрады. Бір айда валюта нарығы сұраныс пен ұсыныс тұрғысынан теңгерімді болды, айырбастау бағамы нарық талаптарына сай қалыптасты.

Квазимемлекеттік сектор субъектілерінің валюталық түсімді сатуы өткен айдың ішінде шамамен 328,7 млн АҚШ долларын құрады. Квазимемлекеттік сектор компаниялары валюта нарығында сатуды екінші деңгейлі банктер арқылы өз бетінше жүзеге асырады.

Желтоқсанда Ұлттық қордан республикалық бюджетке трансферттерді қамтамасыз ету үшін 461 млн АҚШ долларына валюта сатылды. Ұлттық қордан сату көлемі сауда-саттықтың жалпы көлемінен 16% болды немесе бір күнде 31 млн АҚШ долларынан аспады.

Қысқа мерзімді перспективада теңге динамикасы геосаяси жағдайдың өзгеруіне, ішкі қатысушылардың күтулеріне және әлемдік нарықтардағы жағдайға байланысты болады.

#Экономика #Қаржы #Валюта #Қазақстан #ҰлттықБанк

​​ҚР Ұлттық банкінің хабарлауынша, 2022 жылы халықаралық ақша аударымдары жүйесі (МСАК) арқылы жүргізілген ақша аударымдарының жиынтық көлемі 1,8 трлн теңгені құрады. 2021 жылмен салыстырғанда операциялардың 32,7%-ға өсуі байқалады.

94,7% операциялардың негізгі үлесі - Қазақстан мен басқа елдер арасындағы трансшекаралық ақша аударымдары. 2022 жылы шетелге жіберілген және шетелден алынған ақша аударымдарының орташа сомасы іс жүзінде бірдей: тиісінше 415 мың теңге және 413 мың теңге.

#БүгінгіСан #ҰлттықБанк #Қазақстан #АқшаАударымдары

​​Қазақстан Ұлттық Банкі ҚР өңірлеріндегі инфляциялық үрдістер бойынша деректерді жариялады.

Мәселен, 2023 жылғы маусымда елдегі жылдық инфляция баяулап, 14,6% (мамырда-15,9%) құрады. Өңірлер бөлінісінде барлық 20 өңірде жылдық инфляция баяулады.

Бұл ретте жылдық инфляцияның ең жоғары мәні Солтүстік Қазақстан, Ұлытау, Ақмола облыстарында және Астана қаласында тіркелді.

Азық-түлік тауарларының бағасы маусым айында 14,6% ж/ж дейін баяулады (Мамырда -16,5%). Азық – түлік емес тауарлар бағасының өсу қарқыны 15,8% ж/ж дейін баяулады (Мамырда-17,2%).

Сондай-ақ, 2023 жылғы маусымда елдегі айлық инфляцияның өсуі 0,5% құрады.

#Инфляция #ҚР #Экономика #ҰлттықБанк

​​Ағымдағы жылдың соңына қарай инфляция 10-12%-ға бағаланады және 2025 жылдың соңына қарай 5,5-7,5%-ға дейін баяулайды, кейіннен 5%-ға жақын сақталады. Бұл туралы ҚР Ұлттық Банкінің төрағасы Ғалымжан Пірматов Үкімет отырысында мәлімдеді. Кезекті болжамды раунд шеңберінде Ұлттық Банктің жаңартылған бағаларын ұсына отырып, ол тиісті бағалауға сыртқы орта тарапынан инфляциялық қысымның одан әрі әлсіреуі және ақша-кредит жағдайларын тежеу ықпал ететінін атап өтті.

Ғ. Пірматов сондай-ақ орта мерзімді перспективада төлем балансының әдіснамасы бойынша тауарлардың экспорты мұнай өндіру көлемінің ұлғаюымен айқындалатынын атап өтті. Экспорттың өсуін тежейтін факторлар газды ішкі тұтынуға қайта бағыттау, сондай-ақ металдарға, көмірге, дәнді және дайын мұнай өнімдеріне төмен бағалар туралы сценарий болжамы болып табылады.

Болжалды көкжиекте тауарлардың импорты халық пен бизнестің сұранысын арттыру есебінен өсуді жалғастырады.

Толығырақ: https://www.inform.kz/ru/nacbank-obnovil-ocenki-razvitiya-ekonomiki-kazahstana_a4106078

#ҰлттықБанк #Болжам #Инфляция #Экономика #Қазақстан