#udum #marosim #osh #oshpazlik

Nahor oshiga taxminan 100 kg osh damlanadi (eslatma: tayyorlanadigan osh faqat guruch hajmi bilan oʻlchanadi. Agar 100 kg guruch solib osh tayyorlanadigan boʻlinsa, 100 kg osh damlandi, deyiladi. Vaholanki, tayyorlanayotgan oshga yana taxminan 50-60 kg atrofida goʻsht, 110 kg sabzi, 35 kg (litr) yogʻ, 5-7 kg piyoz, xushboʻy zira, yanchilmagan qora murch, mayiz va zarchava qoʻshiladi. Shuningdek, laganlarga suzilgan oshning ustiga qaynatib pishirilgan, ot goʻshtidan tayyorlanadigan qazi parrak-parrak qilib toʻgʻrab qoʻyiladi. Nahorgi oshga 20-30 kg qazi ishlatiladi. Oshpazlar ning aytishicha, bir kilo osh yetti-sakkiz kishiga moʻljallanadi, demak 100 kg osh 750-800 odam uchun damlanadi. Har bir osh marosimida oʻn beshta ofitsiant, ikkita samovarchi, uchta idish-tovoq yuvuvchi, uchta ish boshqaruvchi, ikki-uchta oshpaz, qisqasi, yigirma besh-oʻttiz kishi xizmatda boʻladi.

Ulaning va ulashing❗️

Telegram | Instagram | Facebook